නුවරඑළිය 4x4 තරගාවලිය

නුවරඑළිය 4x4 තරගාවලියේ නවීකරණය කළ (ස්ටෑන්ඩර්ඩ් මොඩිෆයිඩ්) අංශයේ ප්‍රථම ස්ථානය දිනා ගැනීමට පාලිත කොස්වත්ත සමත්විය. ඔහු තරගය විනාඩි 2.45.28 කින් නිමා කිරීමට සමත් වූ අතර, ඔහුගේ රිය සහයක වශයෙන් මුදිත දෙහිගොල්ල කටයුතු කළේය.

මෙවර තරගාවලිය නුවරඑළිය 4x4 සංගමය විසින් සංවිධානය කළ අතර, තරග නුවරඑළිය ග්‍රෙගරි වැව අසල අපර්ලේන් 4x4 ධාවන පථයේදී ඊයේ (21දා) පැවැත්විණි.

තරගාවලියේ එක්ස්ට්‍රිම් අංශයේ ජය ඉන්දික සංජය හා නවීන් මාරපනටත්, නවීකරණය නොකළ පිරිමි අංශයේ ජය චමෝද් ශනිලකට හා පසන් මදුරටත් එහි කාන්තා අංශයේ ජය ශ්‍රීමලී විජේරත්නටත් හා හස්නි රත්නායකටත් හිමි විය. නවීකරණය කළ හා නොකළ අංශයේ ජය පාලිත කොස්වත්තට හා මුදිත දෙහිගොල්ලට හිමි විය. 

ඡායාරූප චානුක කුලසේකර