ගුණරත්න හා ඉන්දුකාදේවි දක්ෂතම ආධුනික බොක්සිං ක්‍රීඩකයෝ වෙති

- 25 03 2019 - 22:11 - {{hitsCtrl.values.hits}} views - ඕෂිත වරකාපිටිය

ශ්‍රී ලංකා බොක්සිං සම්මේලනය විසින් සංවිධානය කරන ලද ආධුනික බොක්සිං තරගාවලිය අද (25දා) කොළඹදී රාජකීය විදුහල් මාස් ඇරීනා බොක්සිං ක්‍රීඩාගාරයේදී නිමාවට පත්විය. එහිදී තරගාවලියේ දක්ෂතම ක්‍රීඩකයා සම්මානය නාවික හමුදාවේ එම්.එච්.එම්. ගුණරත්න විසින් දිනා ගත් අතර දක්ෂතම ක්‍රීඩිකාව බවට පත්වූයේ අප්හිල් ක්‍රීඩා සමාජයේ කේ.ඉන්දුකාදේවිය.

එමෙන්ම තරගාවලියේ දක්ෂතම පරාජිතයා ලෙසින් ශ්‍රී ලංකා යුද හමුදා (රතු) කන්ඩායමේ නදීක කුමාර සම්මාන දිනා ගනිද්දී පොලිස් ක්‍රීඩා සමාජයේ එල්.අයි.එන්. මල්ෂානි දක්ෂතම පරාජිත ක්‍රීඩිකාව ලෙස සම්මාන දිනා ගත්තාය. තරගාවලිය පුරා දින 5 ක් (21-25) කොළඹ රාජකීය විදුහල් මාස් ඇරීනා බොක්සිං ක්‍රීඩාගාරයේදී පැවැත්විණි.