ශෂී ආයෙත් රිමාන්ඩ්

හිටපු අමාත්‍ය විමල් වීරවංශ මහතාගේ බිරිඳ වන ශෂී වීරවංශ මහත්මිය එළැඹෙන හතරවැනිදා තෙක් රක්ෂිත බන්ධනාගාර ගත කරන ලෙස කොළඹ කොටුව ප්‍රධාන මහේස්ත්‍රාත්වරයා අද නියෝග කළේය.

ඇය ඊයේ (24දා) අද (25දා) තෙක් රක්ෂිත බන්ධනාගාරගත කරන ලෙස කොළඹ කොටුව ප්‍රධාන මහේස්ත්‍රාත්වරයා නියෝග කළේය.

ඇය මාලඹේ පෞද්ගලික රෝහලක සිට බන්ධනාගාර රෝහලට ඊයේ (24දා) මාරු කර යවනු ලැබීය.

ඇයව අධිකරණයට ඉදිරිපත් කිරීමේ අවස්ථාවට හිටපු අමාත්‍ය විමල් විරවංශ. මන්ත්‍රී විරකුමාර දිසානායක හා බස්නාහිර පළාත් මන්ත්‍රී උදය ගම්මන්පිළ මහතාද එක්ව සිටියහ.

ඡායාරූප කුෂාන් පතිරාජ