වන අලි ගැටලුවට නව විසඳුමක්

වන අලි ගම්වැදීම වළකාලීම සඳහා දැනට ඇති විදුලි අලි වැටට මීටර් දෙකකට ආසන්නයෙන් පැති තල කම්බි රෝල් එළීම ආරම්භ කර ඇති බව වනජීවී නිලධාරීන් පවසයි.

මෙම පැති තල සහිත කම්බි රෝල් මේ වන විට වල් අලි ගම් වදින ස්ථාන ඉලක්ක කරමින් එළීම සිදුවන අතර, දැනට කම්බි රෝල් 500ක ප්‍රමාණයක් පමණක්  එළීම සිදුවන බව කියයි.

අත්හදා බැලීමක් වන මෙය සාර්ථක නම් ඉදිරියේදී සුදුසු පරිදි යොදා ගැනීමට කටයුතු කරන බවත්, වනජීවී නිලධාරීන් පවසයි. මෙය මේ වන විට පුත්තලම කල්අඩිය විදුලි අලි වැට ආශ්‍රිතව එළා ඇති අතර, වනජීවී නිලධාරීන්ට අමතරව සිවිල් ආරක්ෂක බළකායේ නිලධාරීන්ද සහයට එක්ව සිටී.