තුවාල වූ ඇතෙක් අඩපනාවිල්ලුවේ

වෙඩි වැදීම හෝ වෙනත් හේතුවක් නිසා පාදයක ආබාධයකට ලක්වූ සද්ධන්ත ඇතෙකු පුත්තලම, අඩපනාවිල්ලුව ප්‍රදේශයේ සැරිසරමින් සිටින බව ජනතාව පවසති. අවුරුදු 25ත් 30ත් පමණ වයසැති මෙම ඇතා ඉතා අසාධ්‍යව සති තුනක පමණ සිට සැරිසරමින් සිටින බවත්, පාදයෙන් අධික ලෙස ලේ වහනය වී තිබෙනු දැකගත හැකි බවත් ඔවුහු සඳහන් කරති. මේ සම්බන්ධව පුත්තලම අඩවි සහකාර ලක්ෂමන් රෝහිත මහතා දැනුවත් කිරීමෙන් පසුව වනජීවී නිලධාරීන් කණ්ඩායමක් අද (25දා) උදෑසන එම ඇතාට ප්‍රතිකාර කිරීම සඳහා පිටත්කර යවා ඇත.