ජාතික ආඝාත දින පාගමන ජනපති ප්‍රධානත්වයෙන්

'අඳුරු දිවියට එළිය දහරක්' ජාතික ආඝාත දින පාගමන අද (26දා) පෙරවරුවේ ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් විහාරමහාදේවී උද්‍යානයෙන් ආරම්භ වූ බව ජනපති මාධ්‍ය අංශය සඳහන් කරයි.

ආඝාත රෝගය පිළිබඳ ජනතාව දැනුවත් කරමින් ආඝාතය වැළැක්වීමේ අරමුණ පෙරදැරිව ශ්‍රී ලංකා ජාතික ආඝාත සංගමය විසින් මෙම පාගමන සංවිධානය කර තිබේ.

මෙම පාගමනට ජාතික ආඝාත සංගමයේ අනුශාසක වෛද්‍ය ජේ.බී. පීරිස් මහතා, ස්නායු රෝග විශේෂඥ වෛද්‍ය පද්මා ගුණරත්න මහත්මිය ඇතළු සෞඛ්‍ය බලධාරීන්, කලාකරුවන් ඇතුළු විශාල පිරිසක් එක්ව සිටියහ.