ශ්‍රී ලංකා පොදුජන පෙරමුණේ ජාතික සංවිධායක නිර්මාතෘ බැසිල් රාජපක්ෂ මහතා අද (05) උදෑසන 8.15ට පමණ එමිරෙස්ට් ගුවන් සේවයට අයත් ඊ.කේ 650 දරණ ගුවන් යානයෙන් දිවයිනට පැමිණ තිබේ.

අතරමැදි ශ්‍රේණි සඳහා සිසුන් ඇතුළත් කිරීමට අදාළ ලිපි අධ්‍යාපන අමාත්‍යාංශය මඟින් නිකුත් නොකරන බව අධ්‍යාපන අමාත්‍යාංශය දැනුම් දෙයි.

ගාල්ල කරාපිටිය ශික්ෂණ රෝහලේ වෛද්‍යවරු 60 දෙනකුගේ සහ කනිෂ්ඨ කාර්යමණ්ඩලයේ සේවකයින් 250 දෙනෙකුගේ පමණ හිගයක් පවතින බව කරාපිටිය රෝහලේ අධ්‍යක්ෂක විශේෂඥ වෛද්‍ය එස්.පි.යු.එම් රංග මහතා කියයි.

ලංකා සුපිරි ඩීසල් ලීටරයක මිල රුපියල් 10කින් අඩුකර ඇති අතර නව මිල රුපියල් 458කි. ඔක්ටේන් 95 පෙට්‍රල් ලීටරයක මිලරුපියල් 9කින් අඩුකර ඇති අතර නව මිල රුපියල් 447කි. භූමිතෙල් ලීටරයක මිල රුපියල් 5කින් අඩුකර ඇති අතර නව මිල රුපියල් 257කි. කෙසේ වෙතත් 92 පෙට්‍රල් (ලීටරයක් රුපියල් 371) හා ලංකා ඔටෝ ඩීසල් (ලීටරයක් රුපියල් 363යි) යන ඉන්ධන වල මිල ගණන් වෙනස් වී නොමැත.

සත්කාරක බංග්ලාදේශ කණ්ඩායම පරාජය කරමින් දෙරට අතර පැවැති පළමු විස්සයි20 තරගයෙන් ලකුණු 3ක තියුණු ජයක් වාර්තා කිරීමට ශ්‍රී ලංකා කණ්ඩායම සමත්විය

දරුවන් දැනුමෙන් ආකල්පවලින් මෙන්ම කුසලතාවන්ගෙන් සන්නද්ධ කරවීම අධ්‍යාපනයේ පරමාර්ථ බවත් තරගකාරී පසුබිමක් ගොඩනගා ගනිමින් විභාගවලින් දරුවන් සමත් කරවීම පිණිස පාසල් යැවීම නොකළ යුතු බවත් යෝජිත අධ්‍යාපන ප‍්‍රතිසංස්කරණ තුළින් අවධාරණය කරනු ලබන්නේ ප‍්‍රායෝගික ක‍්‍රියාකාරකම් සඳහා දරුවා අත්පත් කරගන්නා කුසලතා මැන බැලීම බවත් අධ්‍යාපන අමාත්‍ය ආචාර්ය සුසිල් පේ‍්‍රමජයන්ත මහතා පැවසීය.

අද (04දා) මධ්‍යම රාත්‍රී 12.00 සිට විදුලි ගාස්තුව පොදුවේ 21.9 % කින් අඩු කළ බව මහජන උපයෝගිතා කොමිෂන් සභාව සඳහන් කරයි.

මියන්මාරයේ ශ්‍රී ලංකා තානාපති කාර්යාලය බේරාගත් ශ්‍රී ලාංකිකයන් කඩිනමින් ආපසු ගෙන්වා ගැනීමට කටයුතු කරමින් සිටින බවද විදේශ කටයුතු අමාත්‍යාංශය පවසයි. මෙසේ රඳවාගෙන සිටි ශ්‍රී ලාංකිකයන් 56 දෙනා මියාවෙඩ්ඩි ප්‍ර දේශයේ ස්ථාන 4ක සිරගෙන කරගෙන සිටි අතර ඒ අතරින් එක් ස්ථානයක රඳවා සිටි ලාංකිකයන් 8ක් මෙසේ බේරා ගෙන තිබුණි.

ලබන වසරේත් රටේ තිබෙන්නේ වත්මන් ආණ්ඩුවම බවත් ආණ්ඩුව නැති වෙන්නේ ආණ්ඩුවේ මහජන නියෝජිතයන් ගමට නොගියොත් බවත් ජනාධිපති රනිල් වික්‍රමසිංහ මහතා පවසයි.

මැදවච්චිය නගරයේදී අත් අඩංගුවට ගත් අධි බලැති පුපුරණත් ද්‍රව්‍ය තොගයක් බසයක රැගෙන යමින් සිටි කමාන්ඩෝ සෙබලාගෙන් පොලිසිය තුළ රදවා ප්‍රශ්න කිරීමට, මැදවච්චිය මහේත්‍රාත් අධිකරණය අද (03දා) දින මැදවච්චිය පොලිසියට අවසර ලබා දී ඇත.

සොරකම් සිද්ධියක් සම්බන්ධයෙන් අත්අඩංගුවට ගත් පුද්ගලයකු නීතීවීරෝධී ආකාරයෙන් රඳවා තබාගෙන කෲර ලෙස පහරදී මරා දැමීමේ චෝදනාවන්ට වරදකරුවන් වු පෑලියගොඩ පොලිසියේ අපරාධ විමර්ශන අංශයේ හිටපු නිලධාරීන් දෙදෙනෙකුට කොළඹ මහාධිකරණ විනිසුරු නවරත්න මාරසිංහ මහතා මරණීය දණ්ඩණය අද (04) නියම කළේය.

රුපියල් කෝටි 20 ක් පමණ වටිනා කිලෝ ග්‍රෑම් 09 ක් බර ස්වර්ණාභරණ තොගයක් කටුනායක ගුවන් තොටුපොළෙන් පිට කිරීමට තැත් කළ ගුවන් තොටුපොළ සේවකයෙකු 03/04 දින පෙරවරුවේ රේගු මත්ද්‍රව්‍ය පාලන අංශයේ නිලධාරීන් පිරිසක් විසින් අත් අඩංගුවට ගෙන තිබේ.

2024 පෙබරවාරි මසට අදාළව ජාත්‍යන්තර ක්‍රිකට් කවුන්සිලයේ ක්‍රිකට් ක්‍රීඩකයාට හිමි සම්මානය සඳහා ශ්‍රි ලංකා පිතිකරු පැතුම් නිශ්ශංක නිර්දේශ වී තිබේ.

රාජ්‍ය අංශයේ ආයතනයන්හි නිරන්තරයෙන් ඇති විය හැකි ආරවුල් වැලැක්වීමේ හා නිරාකරණය කිරීම සඳහා නව යාන්ත්‍රණයක් හඳුන්වා දීමට රාජ්‍ය පරිපාලන ස්වදේශ කටයුතු පළාත් සභා හා පළාත් පාලන අමාත්‍යාංශය පියවර ගෙන තිබේ.

භික්ෂුවකට නොගැලපෙන ආකාරයට හැසිරෙන පිටිදූවේ සිරිධම්ම හිමියන් මල්වතු පාර්ශවයෙන් නෙරපා හරින ලෙස මහාචාර්ය පාතේගම ඤාණිස්සර හිමියන් මල්වතු පාර්ශවයේ මහානායක අතිපූජ්‍ය තිබ්බටුවාවේ ශ්‍රී සිද්ධාර්ථ සුමංගල මහා නා හිමියන්ගෙන් ඉල්ලීමක් සිදු කළහ.

වාරකන් සමය නිමාවිමෙන් පසු නිලාවේලි පරෙවි දුපත් ජාතික වනෝද්‍යානය දෙස් විදෙස් සංචාරකයන් සදහා යලි විවෘත කිරිම ඊයේ (03දා) නැගෙනහිර ආණ්ඩුකාර සෙන්දිල් තොණ්ඩමාන් මහතා අතින් නිල වශයෙන් සිදුවිය.

සංවිධානාත්මක අපරාධකල්ලි නායකයෙක් බව කියන මන්නා රොෂාන් නැමැත්තාගේ සහෝදරයෙක් වෙඩි තබා ඝාතනය කර ඇතැයි පොලීසිය පවසයි.

ප්‍රාදේශීය සංවර්ධන වෙනුවෙන් රුපියල් මිලියන 20,000ක මුදලක් ග්‍රාමීය ජනතාව වෙනුවෙන් මෙම වසර තුළදී ආයෝජනය කිරීමට රජය කටයුතු කරන බව මුදල් රාජ්‍ය අමාත්‍ය ශෙහාන් සේමසිංහ මහතා පවසයි.

මේ දිනවල පවතින දැඩි සූර්ය රශ්මිය තවදුරටත් දැඩිව පවතින බවත් දිස්ත්‍රික්ක 4කට පමණක් සවස් කාලයේදී හෝ රාත්‍රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇතිවිය හැකි බව කාළගුණ විද්‍යා දෙපාර්ථමේන්තුව පෙන්වා දෙයි.

ආසියාවේ විශාලතම විල්ලු පද්ධතිය ලෙස සැලකෙන පොළොන්නරුව හදපාන්විල විල්ලූ ආශ්‍රිතව අක්කර සීයකින් යුත් භූමි ප්‍රමාණයක්, ප්‍රභූන් සිව් දෙනකුට ලබාදීමට සැලසුම් සකස් කරමින් සිටින බව ජල ගැලීම් ජාතික වනෝද්‍යානය සුරැකීමේ සංවිධානය සඳහන් කරයි.

ශ්‍රී ලංකාවේ සංචාරයක නිරත වී ආපසු ඊශ්‍රායලය බලා යාමට කටුනායක ගුවන් තොටුපොළ වෙත පැමිණි ඊශ්‍රායල ජාතික තරුණියකගේ ගමන් මල්ලේ තිබූ මිලි මීටර් 5.56 සජීවී පතුරමක් කටුනායක ගුවන් තොටුපොළ ආරක්ෂක අංශ නිලධාරීන් විසින් සොයා ගෙන ගුවන් තොටුපොළ පොලිසිය වෙත 03/04 දින අලුයම භාර දී තිබේ .

මේ වසරේ ජනවාරි මාසය තුළ ශ්‍රි ලංකාවට විදේශ විනිමය ගලා ඒම් තුළ පැහැදිලි වර්ධනයක් දක්නට ලැබේ. ඒ අනුව සංචාරක ව්‍යාපාරය කැපී පෙනෙන වර්ධනයක් පෙන්නුම් කරමින් 2024 ජනවාරි මාසයේදී ඇමෙරිකානු ඩොලර් මිලියන 342ක ආදායමක් උපයා ඇති අතර එය පසුගිය වසරේ ජනවාරි මාසය හා සැසදීමේදී සියයට 122ක වර්ධනයකි.

ඉන්ධන මිල සුත්‍රයට අනුව මාසිකව ඉන්ධන මිල සංශෝධනය කිරීම අනුව පෙබරවාරි මස අග දී මිල සංශෝධනයක් සිදුවිය යුතු වුවත් එය අද දිනයේ දී සිදුවනු ඇති බව ලංකා ඛනිජ තෙල් නීතිගත සංස්ථාව සඳහන් කරයි.

රට තුළ දරුණු ආර්ථික අර්බුදයක් පවතින අස්ථාවක කිසිඳු පාර්ශවයකට නොදන්න මහ බැංකුවේ සේවයකයන් සිය වැටුප සියයට 70කින් පමණ වැඩි කිරීමට ගත් තීරණය නිසා මතුව ඇති ගැටලුකාරී තත්ත්වය සාකච්ඡා කිරීම සඳහා අද පැවැත්විමට නියමිත කැබිනට් මණ්ඩල රැස්වීම සඳහා මහ බැංකුවේ ඉහළ නිලධාරින් කැඳවා ඇතැයි වාර්තා වෙයි.

විදුලි ගාස්තු අඩු කිරීමට අදාළව විදුලිබලමණ්ඩල බලධාරීන් නිවැරදි ලෙස දත්ත ලබා නොදීම නිසා විදුලි ගාස්තු සංශෝධනයට අදාළ තීන්දුවක් ගැනීමට මහජන උපයෝගිතා කොමිසමට තවමත් නොහැකි වී තිබෙනබව එම කොමිසමේ සේවකයෝ සඳහන්කරති

සමගි ජන බලවේගය සහ සමගි ජන සන්ධානය කථානායකවරයාට එරෙහිව ගෙන එනු ලබන විශ්වාසභංග යෝජනාව අද (04දා) පාර්ලිමේන්තුවට භාර දෙන බව සමගි ජන බලවේගයේ ජාතික සංවිධායක පාර්ලිමේන්තු මන්ත්‍රී තිස්ස අත්තනායක මහතා ’අද’ පුවත්පතට පැවසීය.

ශ්‍රී ලංකන් ගුවන් සමාගමට අයත් ගුවන්යානා 08ක් 2023 වර්ෂයේ පෙබරවාරි මස සිට ක්‍රියාවිරහිතව භාවිතයෙන් ඉවත් කොට තිබුණද, එම ගුවන්යානා සඳහා බදු කුලී ලෙස රුපියල් මිලියන 5,646.76ක මුදලක් ගුවන් සමාගම විසින් ගෙවා තිබූ බව ජාතික විගණන කාර්යාලය මගින් මාර්තු 01වන දින නිකුත් කර ඇති නවතම විගණන වාර්තාවක සඳහන් වේ.

හිටපු ඉන්දීය අග්‍රාමාත්‍ය රජීව් ගාන්ධි මහතාගේ ඝාතන සිද්ධියට වරදකරුවකු වී පසුව නිදහස ලැබූ යාපනයේ සුතෙන්ද්‍රරාජා මෙවත් සාන්තන් නමැත්තා ඉන්දියාවේ රජිව් ගාන්ධි රෝහලේදී පසුගියදා ජීවිතක්ෂයට පත්වූ අතර ඔහුගේ දේහය සිය උපන්බිම වන යාපනයට රැගෙන එනු ලැබීය.