දංඕවිට හොරගස්මංකඩ ප්‍රදේශයේ පවත්වාගෙන යන ශ්‍රී ලංකාවේ ප්‍රමුඛ රබර් ශල්‍ය අත්මේස් හා සාමාන්‍ය රබර් අත් මේස් නිෂ්පාදන කර්මාන්ත ශාලාවක ඇතිවූ ගින්නක් හේතුවෙන් කර්මාන්ත ශාලාව සම්පූර්ණයෙන්ම විනාශ වී ඇතැයි දංඕවිට පොලිසිය සඳහන් කරයි.

පුරාවිද්‍යාත්මක වටිනාමකමක් සහිත දෙස් විදෙස් සැදැහැවතුන්තේ වන්දනාවටපාත්‍රවන අනුරාධපුරය අවුකන බුද්ධ ප්‍රතිමාවට චීවරයක් පැලඳවීමට පිරිසක් කටයුතු කිරීම සම්බන්ධයෙන් විමර්ශනයක් අරඹා ඇතැයි බුද්ධශාසන, ආගමික හා සංස්කෘතික කටයුතු අමාත්‍ය විදුර වික්‍රමනායක මහතා පවසයි.

ජනාධිපති රනිල් වික්‍රමසිංහ මහතා විසින් දූෂිතයන්ට එරෙහිව සටන් කළ රොෂාන් රණසිංහ මහතා ක්‍රීඩා අමාත්‍ය ධුරයෙන් ඉවත් කිරීම පිටුපස අදිසි හස්තයක් තිබෙන බව විපක්ෂනායක සජිත් ප්‍රේමදාස මහතා නිවේදනයක් නිකුත් කරමින් සඳහන් කරයි.

කළුතර මහ රෝහලේ සහ කුරුණෑගල ශික්‍ෂණ රෝහලේ සී.ටී. යන්ත්‍ර අක්‍රීය වීම නිසා අදාළ පරීක්‍ෂණ පෞද්ගලික අංශයෙන් සිදුකර ගැනීමට රුපියල් කෝටි පහමහාරකට අධික මුදලක් මේ වනවිට වියදම් කර තිබෙන බව රජයේ විකිරණ විද්‍යා තාක්‍ෂණවේදීන්ගේ සංගමය සඳහන් කරයි.

කිසියම් පුද්ගලයකු විසින් සාත්තු කර තිබු කේරල ගංජා පැල දෙකක් මතුගම පැලවත්ත පදික වේදිකාවේ තිබී ගලවා ඉවත්කිරීමට මීගහතැන්න පොලිසිය කටයුතු කර තිබුණි.

ශ්‍රී ලංකාවේ පළමු පිඩේ චෙස් ක්‍රීඩා උපදේශිකාව වීමේ ගෞරවය සුනීතා විජේසූරිය හිමිකර ගත්තාය. ඒ අන්තර් ජාතික චෙස් සම්මේලනය විසින් සුනීතා විජේසූරියට පිඩේ චෙස් ක්‍රීඩා උපදේශක තනතුර පිරිනැමීමත් සමගමය.

හරීන් ප්‍රනාන්දු මහතාට දැනට දරන අමාත්‍යධුරවලට අමතරව ක්‍රීඩා හා තරුණ කටයුතු අමාත්‍යධුරයත්, පවිත්‍රා වන්නිආරච්චි මහත්මියට දැනට දරණ අමාත්‍යධුරවලට අමතරව වාරි මාර්ග අමාත්‍යධුරයත් ලබාදී තිබේ.

පේරාදෙණිය විශ්ව විද්‍යාලයේ ප්‍රධාන ආරක්ෂක නිලධාරියා වහාම ක්‍රියාත්මක වන පරිදි අනිවාර්ය නිවාඩු හැරීමටවිශ්වවිද්‍යාල පාලක සභාව තීරණය කොට තිබේ.

වන සතුන් දඩයම් කරමින් සාද පැවැත්වු පුත්තලම නගරයෙ කෝටිපති ව්‍යාපාරිකයකු, පුත්තලම සිවිල් ආරක්ෂක කමිටු සභාපතිවරයා සමග දඩයම් වලට එක්වු තවත් සැකකරුවන් දෙනෙකු සමග කැබ් රථයක් හා තවත් උපකරණ රැසක් වනාතවිල්ලුව හා කරුවලගස්වැව වනජීවි කාර්යාල වල නිළධාරීන් ඒකාබද්ධව සිදු කල මෙහෙයුමකදී පුත්තලම 4 කනුව ආසන්නයෙදී 26 දින අලුයම අත් අඩංගුවට ගත් බව කියයි.

චීන රජයේ ආධාර මත අඩු ආදායම්ලාභීන්, කෘතහස්ත කලාකරුවන් හා මාධ්‍යවේදීන් වෙනුවෙන් නිවාස 1,996ක් ඉදිකිරීමේ ගිවිසුමට අත්සන් තැබේ.

කල් ඉකුත්වීම හේතුවෙන් රුපියල් බිලියන 10.7ක් පමණ වූ ෆයිසර් කොවිඩ් එන්නත් මිලියන 7ක් 2022 වසරේදී භාවිත කිරීමකින් තොරවම විනාශ කිරීමට කටයුතු කර ඇතැයි විගනන වාර්තාවක දැක්වෙයි.

රාජ්‍ය සේවකයින්ට රුපියල් 20,000 දීමනාවක් හෝ වැටුප් වැඩි වීමක් වහාම ලබා දෙන ලෙසත් 2016 අය වැය යෝජනාවෙන් අහෝසි කළ පූර්ණ විශ්‍රාම වැටුප යලි ලබාදෙන ලෙසත් ඉල්ලා රාජ්‍ය හා අර්ධ රාජ්‍ය සේවා වෘත්තිය සමිති එකමුතුව (27) දහවල් දිවයින පුරා ක්‍රියාත්මක උද්ඝෝෂණ මාලාවට සමගාමීව හෝමාගම නගරයේ දී විරෝධතා පෙළපාළියක් හා උද්ඝෝෂණයක් පැවැත්වුණි .

ක්‍රීඩා ,යෞවන කටයුතු හා වාරිමාර්ග අමාත්‍ය රොෂාන් රණසිංහ මහතා වහාම ක්‍රියාත්මක වන පරිදි එම ධූරවලින් ඉවත් කරන ලද බව ජනාධිපති කාර්යාල ආරංචි මාර්ග සඳහන් කරයි.

මෙවර පහ වසර ශිෂ්‍යත්ව විභාගයට පෙනී සිට වසර 59 කට පසු ප්‍රථම වරට බප/ කැල දෙල්ගොඩ අසෝක ප්‍රාථමික විද්‍යාලයේ සිසු දරැවන් 06 දෙනෙකු ශිෂ්‍යත්ව විභාගය සමත්ව ඇත.

අවශ්‍ය නම් යතුරු ටික ඔක්කොම දෙන්නම්. පරික්ෂා කරන්න. මට ජීවත්වීමේ අයිතිය ලබා දෙන්න. මගේ බිරිඳ දරුවො වෙනුවෙන් මට ජීවත්වීමේ අයිතිය ලබා දෙන්න.සරණාගත වීසා එකක් ඉල්ලගෙන වෙනත් රටකට පනින්න මම සූදානම් නැහැ. සරණාගත රැකවරණ දෙන්න කියලා මම යන්න සූදානම් නැහැ. මා මහමග මරලා දාන්න පුළුවන්. ඒක හෙට ද? අද ද? අනිද්දා ද? කියලා දන්නේ නැහැ. ඒකට ජනාධිපති ඉඳලා සාගල රත්නායක දක්වා වගකියන්න වේවි.

ලබන වසරේ සිට පාසල් සිසුවියන්ට සනීපාරක්ෂක තුවා නොමිලයේ ලබාදීමට වැඩසටහනක් සකස් කරන බව අමාත්‍ය සුසිල් ප්‍රේම්ජයන්ත මහතා පැවැසිය

බැඳ සිටින අත් ඔරලෝසු තුල මත්කුඩු පැකට් සඟවා ප්‍රවාහනය කරන අලුත්ම ක්‍රමයක් අනාවරණය කර ගැනීමට හැකි වූ බව මොරගහහේන කියයි.

එම නිෂ්පාදන අතර කෙසෙල් බඩ අල පිටි බවට පත් කර එම පිටි වලින් පාන්,නූඩ්ල්ස්, මුරුක්කු සහ අලුවා නිෂ්පාදනය කිරීමට සිසුවියන් කටයුතු කර ඇත.

සැකකරුවෙකු අත්අඩංගුවට ගැනීමට ඔහු පසුපස ලුහුබැඳි තණමල්විල පොලිස් ස්ථානයේ සැරයන්වරයෙකුට අද (27දා) අලුයම බඳින තුවක්කුවක් පත්තුවී තුවාල සිදුවී ඇතැයි තණමල්විල පොලීසිය පවසයි.

මම ආණ්ඩුව බාරගන්නා විට රට කඩා වැටිලා තිබුණේ. අද තිබෙන තත්ත්වයට අපට රට ගෙන ඒමට හැකි වෙයි කියා කිසිවෙකුත් සිතුවේ නැහැ. ලබන මාසය වන විට අප රට බංකොළොත්භාවයෙන් නිදහස් වීමට නියමිතයි. අදාළ රටවලින් ඊට අවශ්‍ය ප්‍රතිචාරය මේ වන විට දක්වා තිබෙනවා. එය පමණක් ප්‍රමාණවත් වන්නේ නැහැ. අපට තව විශාල වැඩකොටසක් පැවරී තිබෙනවා.

දිවයිනේ බොහෝ ප්‍රදේශවල වැසි සහිත කාලගුණ තත්ත්වයේ වර්ධනය වීමක් අද (27දා) සිට ඉදිරි දින කිහිපයේදී බලාපොරොත්තු වන බවත් ඒ අනුව නැහෙනහිර, උතුරු හා උතුරු මැද පළාත්වල විටින් විට වැසි හෝ ගිගුරුම් සහිත වැසි ඇතිවන බවත් කාලගුණ විද්‍යා දෙපාර්තමේන්තුව පවසයි.

මෙවර අයි.පී.එල්. තරගාවලිය සඳහා ඒ ඒ කණ්ඩායම්වල රඳවා ගන්නා ක්‍රීඩකයන් හා නිදහස් කරන ක්‍රීඩකයන් කණ්ඩායම් විසින් ප්‍රකාශයට පත්කර තිබේ. මේ අනුව ශ්‍රී ලංකාවේ දසුන් ශානක හා වනිඳු හසරංග වෙන්දේසිය සඳහා නිදහස් කිරීමට ඒ ඒ කණ්ඩයම් තීරණය කර තිබේ.

තමන්ට චෝදනාවක් ගොනු කිරිම වෙනුවෙන් කල්ලියක් කටයුතු කරමින් සිටින බවත් ඒ පිළිබඳව අද පාර්ලිමේන්තුවේදී ප්‍රකාශයක් කරන බවත් අමාත්‍ය රොෂාන් රණසිංහ මහතා පවසයි.

සිය කණ්ඩායමේ තවදුරටත් රඳවා ගන්නා ක්‍රීඩකයන් ලෙස ශ්‍රී ලංකා වේග පන්දු යවන ක්‍රීඩක මතීෂ පතිරණ හා දඟ පන්දු යවන ක්‍රීඩක මහීෂ් තීක්ෂණගේ නම්ද ඇතුළත් කර ගැනීමට මෙවර අයි.පී.එල්. කිරුළ හිමිකරගත් චෙන්නායි සුපර් කිංග්ස් කණ්ඩායම තීරණය කර තිබේ.

සීදූව පොලිස් වසමේ සිදු වු වෙඩි ප්‍රහාරයකින් පුද්ගලයකු බරපතල තුවාල ලබා රාගම රෝහලට ඇතුළත් කළ බව පොලීසිය පවසයි. අද (26) දා උදෑසන 11.30 ට පමණ මෙම වෙඩි තැබීම සිදුව තිබුණි. මෙලෙස වෙඩි වැදී තිබුණේ සීදූව කොටුගොඩ කසගහවත්ත පුබුදු මාවතේ පදිංචි දිනේෂ් ප්‍රියසාද් සිල්වා (36) නැමැති අයෙකුටය.

2021 වර්ෂයට සාපේක්ෂව 2022 දී 21%කින් හා 2023 ඔක්තෝබර් වනවිට 46%කින් අග්‍රාමාත්‍ය කාර්යාලයේ වියදම් සිමාකර තිබේ. 2021 වර්ෂයේදී රුපියල් මිලියන 1661.7ක් වූ වියදම 2022දී 1310.4ක් වූ අතර 2023 ඔක්තෝබර් වනවිට එම අගය රුපියල මිලියන 705.7ක් දක්වා අඩු කර ඇත.

මත්ද්‍රව්‍ය ජාවාරමෙන් උපයා ගන්නා ලද රුපියල් පන් කෝටි 5 කට අධික මුදලක් හා රන් පැහැති අත් පළඳනාවක් සමග සැකකරුවකු හා ප්‍රධාන මත්ද්‍රව්‍ය ජාවාරම් කරුවෙකුගේ මවක් අත්අඩංගුවට ගත් බව පොලිස් මත්ද්‍රව්‍ය නාශක කාර්යාංශය කියයි වයස අවුරුදු 34 හා 67 අතර පසුවන සැකකරු හා සැකකාරිය අත්අඩංගුවට ගෙන ඇත්තේ බණ්ඩාරගම හා අලුබෝමුල්ල පමුණුගම ප්‍රදේශයේ දීය. ඔවුන් සමග රුපියල් 51,112,900/= මුදලක් පොලිස් භාරයට ගෙන ඇත.

නව පොලිස්පති ධුරයේ වැඩ බැලීම සඳහා බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතා අද (27) දින බොහෝ දුරට පත් කරනු ඇතැයි පොලිස් මුලස්ථාන ආරංචිමාර්ග සඳහන් කරයි.

තම නිවසේ නාන කාමරයේ වැටී තරුණියක් මිය යාම, සැකකටයුතු මරණයක් බවට පත්වීම නිසා අදාල සිද්ධියේ පරීක්ෂණ කටයුතු වෙනස් මගකට යොමු වී ඇතැයි වත්තල පොලිසිය පවසයි.