අන්තර් විශ්ව විද්‍යාලයීය ශිෂ්‍ය බලමණ්ඩලය සංවිධාන කළ විරෝධතා පා ගමනකට පොලීසිය ජල හා කදුළු ගෑස් ප්‍රහාරයක් එල්ල කළේය.

රටේ දරුවන්ගේ යහපත වෙනුවෙන්, අනාගත ලෝක තත්ත්වයන්ට ‍මුහුණදිය හැකි අයුරින් සමස්ත අධයාපන පද්ධතිය නව්‍යකරණයට ලක්කිරීම පිණිස සියලු පාර්ශව විසින් අලුතින් සිතා නිවැරදි තීන්දු තීරණ ගත යුතු බවත්, එහිදී මතුවන ඕනෑම ගැටලුවකට විෂය භාර අමාත්‍යවරයා වශයෙන් පාර්ලිමේන්තුව හමුවේ පෙනී සිටිමට තමා සූදානම් බවත් අධ්‍යාපන අමාත්‍ය නීතිඥ අකිල විරාජ් කාරියවසම් මහතා පැවසීය.

පූගොඩ පොලිස් විශේෂ කාර්ය බලකා කඳවුරේ නිලධාරීන්ට ලද තොරතුරක් මත අවිස්සාවේල්ල පොලීසිය මගින් නිදන් හාරමින් සිටි පුද්ගලයින් 5 දෙනෙකු අත්අඩංගුවට ගෙන තිබේ.

කූඨ ලෙස සකස් කළ ගුවන් ගමන් බලපත්‍ර , වීසා බලපත්‍ර සහ ගුවන් ප්‍රවේශ පත්‍ර උපයෝගී කර ගනිමින් මාලදිවයින වෙත යන බව හඟවා , ඩුබායි ඔස්සේ ප්‍රංශය වෙත යෑමට තැත් කළ ශ්‍රී ලාංකික ද්‍රවිඩ ජාතික තරුණයෙකු ඊයේ (27) දින කටුනායක ගුවන් තොටුපළ දේශසීමා ආවේක්ෂණ ඒකකයේ ආගමන විගමන නිලධාරීන් විසින් අත්අඩංගුවට ගෙන තිබේ .

2019 අ.පො.ස. (උ.පෙළ) විභාගයේ පළමුවන අදියරේ ඇගයීම් මධ්‍යස්ථාන ලෙස සම්පූර්ණයෙන් ම යොදවා ගනු ලබන පාසල් 12 ක් තෙවන වාරය සඳහා 2019 සැප්තැම්බර් මස 16 වන සඳුදා විවෘත වේ.‍

ඉදිරියේදී ජනාධිපතිවරණයක් හෝ පළාත් පාලන මැතිවරණයක් පැවැත්වෙන්නේද එම මැතිවරණයන් වෙනුවෙන් උතුරේ වැසියන් සහය ලබාදෙන පක්ෂයන් තොරාගත යුතු ආකාරය පිළිබඳව දැනුවත් කෙරෙන අත්පත්‍රිකා බෙදා දිමේ වැඩසටහනක් මේ දින වල උතුරු පළාතේ දෙමළ ජනතා සන්ධානය නොහොත් ටී.එම්.කේ. පක්ෂය විසින් ආරම්භ කොට ඇත.

ජනාධිපති මෛත්‍රීපාල සිරිසේන මහතා සහ විපක්ෂ නායක ශ්‍රී ලංකා පොදුජන පෙරමුණේ නායක මහින්ද රාජපක්ෂ මහතා අතර ඉදිරි ජනාධිපතිවරණය සම්බන්ධයෙන් පැවැත්වෙන තීරණාත්මක සාකච්ඡාවක් ඉදිරි පැය 48 වැනි කෙටි කාලයක් තුළ පැවැත්වෙන බව රත්නපුර දිස්ත්‍රික් පාර්ලිමේන්තු මන්ත්‍රී ඒකාබද්ධ විපක්ෂයේ උපසභාපති රංජිත් ද සොයිසා මහතා පැවසීය.

යාපනය ආදිපාද වීදියේ පසුගියදා ආරම්භ කරන ලද අතුරුදහන් වූවන් සොයා බැලීමේ කාර්යාලය කිසිදු අයුරකින් අතුරුදහන් වූවන්ට පිහිටක් නොවන බවට උතුරේ අතුරුදහන් වූවන්ගේ ඥාතීන් උතුරේ ස්ථාන කිහිපයකදී සංවිධානය කොට තිබුණි.

රටේ උගතුන් බොහෝ දේවල් දේශපාලනඥයන්ට භාර දි තිබෙන බවත් බඩගින්න තමන් හොඳට හඳුනන බවත් ජනාධිපති මෛත්‍රීපාල සිරිසේන මහතා පැවසිය .

ගලේවෙල පොලිස් බල ප්‍රදේශයේ මොරගොල්ල ප්‍රධාන මාර්ගයේ හොම්බාව ප්‍රදේශයේදි අද (28) දින පෙරවරුවේ වෑන් රථයක් ත්‍රිරෝද රථ දෙකක් යතුරු පැදියක් එකිනෙක ගැටීමෙන් පුද්ගලයන් එකොළොස් දෙනෙකු තුවාල ලබා ගලේවෙල සහ දඹුල්ල රෝහලට ඇතුළත් කර තිබෙන බව ගලේවෙල පොලීසිය පවසයි.

අනතුරින් කිසිවෙකුටත් හානියක් නොවු බවත් ප්‍රධාන මාර්ගයේ දුම්රිය ගමනා ගමනයට බාධා ඇතිව තිබෙන බවත් දුම්රිය පාලක මැදිරිය පවසයි.

රුසියාවේ විද්‍යාඥයෙකු විසින් නිර්මාණය කරන ලද පුපුරණ ද්‍රව්‍ය , විකිරණ සහ රසායනික ද්‍රව්‍ය සොයා ගැනීමේ විශේෂ යන්ත්‍රයක් ජනාධිපති ‌මෛත්‍රීපාල සිරිසේන මහතා වෙත පිළිගැන්වීම ඊයේ (27) ජනාධිපති කාර්යාලයේ දී සිදු විය.

`ඉන්න හිතෙන රටකට ජාතියේ ඉදිරි මග සඳහා විමසුම හා පිවිසුම´ වෙනුවෙන් මහනගර හා බස්නාහිර සංවර්ධන අමාත්‍ය පාඨලි චම්පික රණවක මහතා විසින් සම්පාදනය කරන ලද ග්‍රන්ථය එළිදැක්වීම නෙළුම් පොකුණ රඟහලේ පරිශ්‍රයේදි අද (27දා) සිදුකෙරිණි.

මාළඹේ තොරතුරු තාක්ෂණ විදුහලේ සිසුවකු පැහැරගෙන ගොස් නිරුවත් කොට පහර දෙන ලද බවට චෝදනා ලැබ සිටින හිටපු නියෝජ්‍ය පොලිස්පති වාස් ගුණවර්ධන මහතා, ඔහුගේ පුතා, බිරිද ඇතුළු කොළඹ අපරාධ කොට්ඨාසයේ රාජකාරි කළ පොලිස් නිලධාරීන්ට එරෙහි නඩුවේ වැඩිදුර විභාගය දෙසැම්බර් 17 වැනිදා තෙක් කල් තැබීමට කොළඹ මහාධිකරණ විනිසුරු ශෂි මහේන්ද්‍රන් මහතා අද (27) නියම කළේය.

පාස්කු ඉරිදා ත්‍රස්ත ප්‍රහාරයට සම්බන්ධ අපරාධ කරුවන් කඩිනමින් අත්අඩංගුවට ගැනීම ඇතුළු එම සිදුවීම හමුවේ ගත් සාර්ථක පියවර පිළිබඳ ඉන්ටර්පෝල් හි මහලේකම් ජර්ගන් ස්ටොක් මහතා ජනාධිපති මෛත්‍රීපාල සිරිසේන මහතා, ආරක්ෂක අමාත්‍යාංශය, ත්‍රිවිධ හමුදාව සහ බුද්ධි සේවාවලට මෙන්ම ශ්‍රී ලංකා පොලිසිය වෙත සිය ප්‍රශංසාව පළ කර සිටී.

ප්‍රමිතියෙන් තොරව පවත්වාගෙන යන පාසල් ආපනශාලා සම්බන්ධයෙන් දැඩි පියවර ගන්නා බව අධ්‍යාපන අමාත්‍ය නීතිඥ අකිල විරාජ් කාරියවසම් මහතා සඳහන් කරයි.

පාස්කු ප්‍රහාරය සම්බන්ධව විරුද්ධ පක්ෂයේ සිටින අය මේ මොහොතේ ලබාදෙන පොරොන්දු වලින් ජනතාවගේ දුක පහව යන්නේ නැති බවත් ඉන් අත්වන ප්‍රයෝජනයක් නොමැති බව අතිඋතුම් මැල්කම් රංජිත් කාදිනල් හිමිපාණෝ ප්‍රකාශ කර සිටිති.

රගර් ක්‍රීඩක මොහොමඞ් වසීම් තාජුඞීන් ඝාතනයේ අපරාධකරුවන් එම දඬුවමින් ආරක්ෂා කිරීම සදහා එම අපරාධයේ වැදගත් සාක්කි අතුරුදන් කිරීම සම්බන්ධයෙන් චෝදනා ලැබ සිටින කොළඹ හිටපු ප්‍රධාන අධිකරණ වෛද්‍ය නිලධාරී ආනන්ද සමරසේකර මහතාට අධිචෝදනා පත්‍ර භාරදුන් කොළඹ මහාධිකරණ විනිසුරු මංජුල තිලකරත්න මහතා ඇප මත මුදා හැරීමට අද (27) නියම කළේය.

විදේශ රැකියා ජාවාරම් සම්බන්ධයෙන් දිවයින පුරා සිදුකළ වැටලීම් වලින් කාන්තාවන් දෙදෙනෙකු ඇතුළු සිවු දෙනෙකු අත්අඩංගුවට ගැනීමට ශ්රිැ ලංකා විදේශ සේවා නියුක්ති කාර්යාංශයේ විශේෂ විමර්ශන අංශය සමත් වි තිබේ.

ශ්‍රී ලංකාවේ දකුණු අප්‍රිකානු මහ කොමසාරිස් H.E. Robina Marks මහත්මිය හා විපක්ෂනායක මහින්ද රාජපක්ෂ මහතා අතර හමුවක් අද (27) පෙරවරුවේ විජේරාම නිල නිවසේදී පැවැත්විණි.

මාලදිවයින් ජනාධිපති ඊබ්හිම් මොහොමඩ් සෝලි මහතාගේ ආරාධනයකට අනුව අග්‍රාමාත්‍ය රනිල් වික්‍රමසිංහ මහතා ලබන සැප්තැම්බර් මස 02 දින මාලදිවයිනේ නිල සංචාරයක යෙදීමට නියමිතය.

එජාපයේ ජනාධිපතිධුර අපේක්ෂකයින් තීරණය කරන්න මහින්ද රාජපක්ෂ මහත්තයා අවශ්‍ය නොවන බවත් එජාපය නිසි වේලාවට නියත වශයෙන්ම ජයග්‍රහණය කරන්න පුළුවන් අපේක්ෂකයා ඉදිරිපත් කරන බව ගාල්ල දිස්ත්‍රික් එජාප මන්ත්‍රී විජේපාල හෙට්ටිආරච්චි මහතා පවසයි.

රාජ්‍ය බුද්ධි අංශ නිලධාරීන්ට ලද තොරතුරක් මත අද ( 27) අම්පාර ප්‍රදේශයේදි තවත් ත්‍රස්තවාදි සැකකරුවන් දෙදෙනෙකු අත්අඩංගුවට ගෙන ඇත.

වෙන්නප්පුව වයික්කාල ප්‍රදේශයේදි අද (27) දින උදෑසන පුද්ගලික ආරවුලකට එකම පවුලේ 19 හැවිරිදි තරුණියක් හා ඇගේ 8 හැවිරිදි සොහොයුරා තියුණු ආයුධ වලින් කපා කොටා ඝාතනය කර ඇති බව වෙන්නප්පුව පොලීසිය පවසයි.

ශ්‍රී ලංකා නිදහස් පක්ෂය හා ශ්‍රී ලංකා පොදුජන පෙරමුණ එක්ව සකස් කරන සන්ධානය පිළිබඳව අද (27දා) දින පැවැති සාකච්ඡා සාර්ථක වූ බව බැසිල් රාජපක්ෂ මහතා සඳහන් කරයි.

ආඩිගම නගරයේදී කුඩා දරුවන් දෙදෙනෙකුට අමානුෂික ලෙස පහර දී ලිංගික අතවර කිරීම සම්බන්ධයෙන් අත්අඩංගුවට ගත් සැකකරුවකු සැප්තැම්බර් 9 දින දක්වා බන්ධනාගාර ගත කිරිමට ආණමඩුව මහේස්ත්‍රාත් ස්වර්ණහංසි දුලාන්ජලී ජයසිංහ මහත්මිය ආණමඩුව පොලීසියට ඊයේ (26) දින නියෝග කළේය.

ඉදිරියේදි පැවැත්විමට නියමිත ජනාධිපතිවරණයේදි ජනතාව අපේක්ෂා කරන ජනාධිපති අපේක්ෂකයාව එක්සත් ජාතික පක්ෂය විසින් ඉදිරිපත් කරන බවට තමන් තුළ සහ රටේ ජනතාව තුළ විශ්වාසයක් ඇති බව විශේෂ සංවර්ධන අමාත්‍ය වි. රාධා ක්‍රිෂ්ණන් මහතා පැවසිය.

පාස්කු ඉරිදා සිදු වූ බෝම්බ ප්‍රහාරය හෙළා දකිමින් හා නැවත එවැනි ම්ලෙච්ච ප්‍රහාරයක් ඇති නොවි සංහිඳියාව වර්ධනය වේවායි පතමින් ආබාධිත හා දෘශ්‍යාබාධිත සිසුන් දෙදෙනෙකු පේදුරුතුඩුවේ සිට දෙවුන්දරතුඩුව දක්වා පා ගමනක් අරඹා ඇත.

දැනට අත්අඩංගුවේ පසුවන කිලිනොච්චිය පලෙයි රෝහලේ අධිකරණ වෛද්‍යවරයාගේ අනාවරණයකට අනුව පලෙයි කරණ්ඩිය ප්‍රදේශයේ සඟවා තිබූ බෝම්බ, පුපුරණ ද්‍රව්‍ය හා ගිනිඅවි ඇතුළු යුද උපකරණ රැසක් ඊයේ (26) සවස සොයාගත් බවට යාපනය ත්‍රස්ත විමර්ශන ඒකකය කියා සිටියි.