ජනපතිවරණය ප්‍රකාශයට පත්කිරීම පිළිබඳව මැතිවරණ කොමිසන් සභාවේ සභාපතිවරයාට ස්තූතිය ප්‍රකාශ කරන බව ශ්‍රී ලංකා පොදුජන පෙරමුණ සඳහන් කරයි.

වත්මන් රජය සෞඛ්‍ය ක්ෂේත්‍රයේ ප්‍රගතිය සඳහා ගෙන ඇති ක්‍රියාමාර්ග සහ වෙන් කර ඇති ප්‍රතිපාදන හේතුවෙන් ලෝක සෞඛ්‍ය සංවිධානයේ දර්ශකයන්ට අනුව තවත් වසර 2 ක් ඇතුලත එක් පුද්ගලයෙකුගේ අපේක්ෂිත ආයු කාලය වසර 4කින් පමණ වැඩිවීමට නියමිත බව සෞඛ්‍ය අමාත්‍ය රාජිත සේනාරත්න මහතා පවසයි.

දුම්රිය බලධාරීන් විසින් නව වේග සීමා හඳුන්වාදී තිබෙන බවත්, මෙම වේග සීමා නීතියට අනුව නියමිත වෙලාවට ගමනාන්තයට ළඟාවිය නොහැකි බවත් දුම්රිය මෙහෙයුම් අධීක්‍ෂණ නිලධාරීන්ගේ සංගමය පවසයි

විධායක ජනාධිපති ධූරය අහෝසි කිරීමට පාර්ලිමේන්තුවට යෝජනාවක් ඉදිරිපත් වුවහොත් වැඩි ඡන්දයෙන් පරාද කරන බව එක්සත් ජනතා නිදහස් සන්ධාන මන්ත්‍රී විමල් වීරවංශ මහතා පැවසීය.

මහජන බැංකු (සංශෝධන) පනත් කෙටුම්පත සංශෝධන සහිතව පාර්ලිමේන්තුවේදී අද (19දා) සම්මත විය.

නිවුන් දැරියන් ඊයේ (18දා) සොයාගෙන ඇති අතර එම නිවසේ සිටි අවුරුදු 21ක තරුණයෙක්ද සැකපිට අත්අඩංගුවට ගෙන තිබේ.

හිටපු ජනපති, විපක්ෂනායක මහින්ද රාජපක්ෂ මහතා සහ ගෝඨාභය රාජපක්ෂ මහතා අද (19දා) පෙරවරුවේ සෝමාවතී රාජමහා විහාරයට ගොස් ආගමික වතාවත්වල නිරත වූහ.

දිනන සන්ධානය මා සතුව තිබෙනවා. මම ලෑස්තියි. කිසිම කථා දෙකක් නෑ. දෙවතාවක් හිතන්න දෙයක් නෑ. මේ හැමදේම පසුපස සජිත් භීතිකාවක් තිබෙනවා. විධායක ජනපතිධුරය නෙමෙයි සජිත් භීතිකාවක් තිබෙනවා.

හෝර්ටන්තැන්න ජාතික වනෝද්‍යානයට තහනම් මාර්ග භාවිතා කොට ඇතුළුවීම, ගිණිදැල්විය හැකි උපකරණ රැගෙන යාම හා සතුන් බෝවෙන ස්ථානයකට බාධාවක් ඇතිවන ලෙස හැසිරිම යන චෝදනාවන් සඳහා වරද පිළිගන්නා ලද පුද්ගලයන් තිදෙනෙකුහට එක් අයෙකුට රුපියල් 60,000 ක් බැගින් රුපියල් 180,000 ක දඩ මුදලක් ‍ගෙවන ලෙස නුවරඑළිය මහේස්ත්‍රාත් පමෝද ජයසේකර මහතා අද (19) නියෝග කළේය.

විධායක ජනපතිධුරය අහෝසි කිරීම සම්බන්ධයෙන් අද (19දා) පැවැති කැබිනට් හමුව උණුසුම් මුහුණුවරක් ගෙන තිබේ.

පුත්තලම නගරයේ අද (19) දින අලුයම කිසියම් පිරිසක් තියුණු ආයුධ වලින් කල පහර දිම් දෙකකදී ව්‍යාපාරිකයෙකු හා විදුහල්පතිවරයකු දරුණු කැපුම් තුවාල ලබා පුත්තලම මුලික රෝහලට ඇතුලත් කර තිබු බව පුත්තලම මුලස්ථාන පොලීසිය පවසයි.

බගවන්තලාව සහ නොර්වුඩ් පොලිස් වසම්වලට අයත් තේ වතුයායවල් හතරක හින්දු කොවිල් කඩා එම කෝවිල් වල තිබු දේව රූපයන් වලට පළඳවා තිබු රන් තැලි සහ පඩුරු පෙට්ටිය කඩා මුදල් සොරාගෙන යාම සම්බන්ධයෙන් බගවන්තලාව සහ නොර්වුඩ් පොලීසිය වෙන් වෙන්ව පරික්ෂණ ආරම්භ කර ඇත.

මහින්ද රාජපක්ෂ මහතා විසින් විධායක ජනාධිපති ධුරය නැති කිරීමට එකඟ වී ඇතයි පැතිර යන කතා පිළිබඳව සත්‍යතාවයක් නැතැයි එම ආරංචි මාර්ග වැඩි දුරටත් තහවුරු කරයි.

ආණ්ඩුව ආබාධිත රණවිරුවන්ගේ විශ්‍රාම වැටුප් ප්‍රශ්නය විසඳාගෙන යන බැවින් තමන් කිසිවිටෙක කොටුව දුම්රියපළ ඉදිරිපිට උපවාස කරන හමුදා සාමාජිකයන් හමුවීමට නොයන බව මුදල් අමාත්‍ය මංගල සමරවීර මහතා පවසයි.

මෙරට සංචාරයක නිරත චීන කොමියුනිට්ස් පක්ෂයේ මධ්‍යම කමිටුවේ සාමාජික චෙන් මිනර් මහතා සහ ජනාධිපති මෛත්‍රීපාල සිරිසේන මහතා අතර හමුවක් ඊයේ (18) පස්වරුවේ ජනාධිපති කාර්යාලයේ දී සිදු විය.

ජනතා විමුක්ති පෙරමුණත් සාකච්ඡාවකට, යම් එකඟතාවකට ඉන්නවා. අපිට යම් යම් පණිවිඩ ලැබී තිබෙනවා. දැන් අපි බලනවා ඒකත් සාකච්ඡා කරන්න.

මෙම යෝජනාව සජිත් ප්‍රේමදාස මහතා ජනාධිපති ධුර අපේක්ෂකයා වීම වැළැක්වීම සඳහා සිදු කරන්නක් බව ඔවුන්ගේ අදහස වී තිබේ.

හිටපු නාවික හමුදාපති වසන්ත කරන්නාගොඩ මහතා ’’අද්මිරාල් ඔෆ් ද ෆ්ලීට්” සහ හිටපු ගුවන් හමුදාපති රොෂාන් ගුණතිලක මහතා ’’මාර්ෂල් ඔෆ් ද ශ්‍රී ලංකා එයාර්ෆෝස්” යන ගෞරව නාමයන්ගෙන් පිදුම් ලැබීමේ නිල උත්සවය ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් අද (19) පෙරවරුවේ කොළඹ වරාය, නැඟෙනහිර පර්යන්තයේ දී පැවැත්විණි.

ජනාධිපතිවරණයට ප්‍රථමව විධායක ජනපතිධුරය අහෝසි කිරීම පිළිබඳව මේ වන විට ශ්‍රී ලංකා දේශපාලනයේ ඉහළම තනතුරු දරන්න්ගේ අවධානය යොමුව තිබේ.

ජනාධිපතිවරණයට අදාළ තැපැල් ඡන්ද අයදුම්පත්‍ර භාර ගැනීම මේ මස 30 වැනිදායින් අවසන් වන බව මැතිවරණ කොමිෂන් සභාව සඳහන් කරයි. තැපැල් ඡන්ද අයදුම්පත් භාර ගැනීම අද (19දා) ආරම්භ විය.

දේශීය ගොවියාගේ කෘෂිකර්මාන්තය නගාසිටුවිමේ අරමුණින් යුතුව උතුරු පළාත් ආණ්ඩුකාර කාර්යාලයේ අනුග්‍රහයෙන් සංවිධානය කරන ලද කෘෂිකාර්මික ප්‍රදර්ශනය මේ දින වල යාපනයේදී පැවැත්වෙයි.

2010 වසරේ සිට 2019 වසරේ මැයි 22 දක්වා කාලය තුළදී මෙරටට කිරිපිටි ආනයනය කිරීම සඳහා රුපියල් බිලියන 362.75ක් වියදම් කර තිබෙන බව පාර්ලිමේන්තුවේදී අද (19දා) අනාවරණය විය.

නීතිවිරෝධී ලෙස ශ්‍රී ලංකාවට අයත් මුහුදු සීමාවේ ධීවර කටයුතුවල නිරත වූ ඉන්දීය ධීවරයින් පස්දෙනෙකු (05) සහ ඔවුන්ට අයත් ට්‍රෝලර් යාත්‍රාවක් ඊයේ (18) නාවික හමුදා භාරයට ගෙන ඇත.

මත්ද්‍රව්‍ය ලෝලීන් අතර අයිස් නමින් හඳුන්වන ,මත්ද්‍රව්‍ය තොගයක් නීතිවිරෝධී ලෙස ශ්‍රී ලංකාවට ගෙන එමින් සිටි ඉන්දීය ජාතික ගුවන් මගියෙකු අද (19) දින අලුයම කටුනායක ගුවන් තොටුපළ පැමිණීමේ පර්යන්තයේ දී රේගු නිලධාරීන් පිරිසක් විසින් අත්අඩංගුවට ගෙන ඇති බව වැඩබලන රේගු මාධ්‍ය ප්‍රකාශක ලාල් වීරකෝන් මහතා පැවසීය .

ඌව විශ්ව විද්‍යාලය සැත්තැම්බර් 23 දා ආරම්භ කිරීමට නියමිත දෙවැනි අර්ධ වාර්ෂික අධ්‍යන කටයුතු දින නියමයක් නොමැතිව කල් දැමු බවත් නැවත අධ්‍යන කටයුතු ආරම්භ කරන දිනය පසුව දැනුම් දෙන බවත් උප කුලපති මහාචාර්ය්‍ය ජයන්ත ලාල් රත්නසේකර මහතා පැවසීය.

මින් ඉදිරියට පැවැත්වෙන කෝප් කමිටු සැසිවලට ක්‍රිකට් නිලධාරීන් සහභාගී නොවන්නේ නම් පාර්ලිමේන්තුවට කරන අගෞරවයක් ලෙස සලකනවා - කෝප් කමිටු සභාපති සුනිල් හඳුන්නෙත්ති

එක්සත් ජාතික පෙරමණේ පක්ෂ නායක රැස්වීමක් අද (19දා) පස්වරුවේ පැවැත්වීමට නියමිතය.

යුද හමුදාධිපති ලුතිනන් ජෙනරාල් ශවේන්ද්‍ර සිල්වා ඊයේ (18දා) දහවල් උද්ඝෝෂනයේ නිරතව සිටින ආබාධිත වූ රණවිරුවන්ගේ නියෝජිතයින් කිහිපදෙනෙකු හමුවිය.

දීර්ඝ කාලිනව උසස්වීම් නොලැබු පොලිස් කොස්තාපල් තනතුරේ සිට පොලිස් පරීක්ෂක තනතුර දක්වා පොලිස් නිලධාරීන් 31,000කට අධික ප්‍රමාණයකට උසස්වීම් ලබාදීමට අදාළ සියලු ආයතනවල අනුමැතිය හිමිව ඇත