2020 වර්ෂයේ නිරිත දිග මෝසම් වර්ෂාව මැයි මස තෙවැනි සතියේ ආරම්භ විමට ඉඩ ඇති බව කාලගුණ විද්‍යා දෙපාර්තමේන්තුව විසින් පුරෝකථනය කර ඇති අතර පසුගිය වසර මෙන් මෙවරද නිරිත දිග මෝසම් වර්ෂාව සක්‍රිය වුවහොත් ගංවතුර , නායයාම් සහ දැඩි සුළං ආදි ආපදා තත්ත්වයන් ඇති විය හැකි බවට ආපදා කළමනාකරණ අමාත්‍යාංශය අනතුරු අඟවයි.

කැබිනට් අමාත්‍යාංශ 07කට නව ලේකම්වරු අලුතින් පත් කිරිම අද දිනයේ සිදු විය.

අද (11) දිනයේ සවස 6.10 පමණ විට මෙරටින් කිසිදු නව කොරෝනා ආසාදිතයෙකු වාර්තා නොවන බව සෞඛ්‍ය අමාත්‍යාංශය පවසයි.

ඉන්දියානු නාවික හමුදාව මගින් පවත්වනු ලබන පුහුණු පාඨමාලාවන් සඳහා ඉන්දියාව බලා පිටත්ව ගොස් සිටි ශ්‍රී ලංකා නාවික හමුදා පුද්ගලයින් 10 දෙනෙකු එම පුහුණු පාඨමාළාවන් අවසානයේ ඉන්දියානු නාවික හමුදාවට අයත් යුධ නෞකාවක් මගින් දකුණු මුහුදු තීරය වෙත ගෙන්වා ගැනීමෙන් පසු වේග ප්‍රහාරක යාත්‍රාවක් මගින් ගාල්ල වරාය වෙත රැගෙන ඒමට නාවික හමුදාව අද (2020 මැයි 11) කටයුතු කරන ලදි.

දකුණු පළාතේ ඇතැම් පුද්ගලික බස්රථවල කොන්දොස්තරවරුන් විසින් මගින්ගෙන් නියමිත ගමන්ගාස්තුවට වඩා වැඩිපුර මුදලක් අයකළ බවට තමන්ට මගි ජනතාවගෙන් අද (11) දින පැමිණිලි කිහිපයක් ලැබුණු බව දකුණු පළාත් මාර්ගස්ථ මගි ප්‍රවාහන අධිකාරියේ අධ්‍යක්ෂක ජනරාල් බි.එම්.ඒ රාජාකුමාර මහතා පවසයි.

2020 වසරේ අධ්‍යයන පොදු සහතික පත්‍ර උසස් පෙළ ශ්‍රේණි සඳහා ඇතුළත් වීමට නියමිත සිසුන්ට ඒ සඳහා මාර්ගගත (online) ක්‍රමයට අයදුම් කිරීමට හෙට(12) දින සිට අධ්‍යාපන අමාත්‍යාංශය විසින් අවස්ථාව සලසා දී ඇත.

දිවයින ආශ්‍රිත පහල වායුගෝලයේ පවතින කැළඹිලි තත්ත්වයක් හේතුවෙන් ඉදිරි පැය 36 තුළ පවතින වැසි තත්ත්වයේ වැඩීවීමක් අපේක්ෂා කරන බව කාලගුණ විද්‍යා දෙපාර්තමේන්තුව නිවේදනය කරයි.

ප්‍රවීණ රංගන ශිල්පී තිස්ස විජේසුරේන්ද්‍ර මහතා අභාවප්‍රාප්ත වී තිබේ .

ඉන්දියාවේ චෙන්නායි නුවර සිට ශ්‍රී ලාංකිකයන් 479ක් හෙට දිනයේදී ශ්‍රී ලන්කන් ගුවන් සේවය මගින් ශ්‍රී ලංකාවට ගෙන්වා ගැනීමට නියමිත බව යුද හමුදාපති ලුතිනන් ජනරාල් ශවේන්ද්‍ර සිල්වා මහතා පැවැසීය.

එක්සත් ජාතීන්ගේ සංක්‍රමණිකයින් සදහා වූ සංවිධානය විසින් COVID - 19 වෛරසය පිළිබද සහ හදිසි ආපදාවන්ට අදාලව මහජනතාව දැනුවත් කිරිමට රු.මිලියන 06ක වටිනාකමකින් යුත් නවීන ශබ්ද විකාශණ යන්ත්‍ර කට්ටල 100ක් පරිත්‍යාග කිරිම සහ කොරියාවේ ජාත්‍යන්තර සහයෝගිතා ඒජන්සියේ ශ්‍රී ලංකාවේ නියෝජිත ආයතනය රු. ලක්ෂ 13කට අධික වටිනාකමකින් යුත් ශල්‍යාගාර ඇදන් ඇතුලු උපකරණ තොගයක් සෞඛ්‍ය අමාත්‍යාංශයට ප්‍රදානය කිරීම අද (11) සෞඛ්‍ය අමාත්‍යාංශයේ දී සිදු විය.

ඉල්ලුම් කළ සියලු පුද්ගලයින්ට ප්‍රවාහණ පහසුකම් සැලසීමට දුම්රිය 47ක් යොදවා තිබුණත් ඉල්ලුම් කළ පුද්ගලයින් නොපැමිණිම හේතුවෙන් දුම්රිය 10 ක් පමණක් ධාවනය කිරීමට සළස්වනු ලැබීය.

ජන ජීවිතය සහ ආර්ථිකය සක්‍රීයව තබා ගනිමින් COVID-19 මර්දනය සඳහා නොපසු බස්නා ධෛර්යයෙන් වැඩ කළ යුතුව ඇතැයි ජනාධිපති ගෝඨාභය රාජපක්ෂ මහතා අවධාරණය කරයි.

මේජර් ජනරාල් සංජීව මුණසිංහ මහතා සෞඛ්‍ය අමාත්‍යාංශයේ ලේකම් ධූරයේ අද (11) පස්වරුවේ වැඩ බාර ගන්නා ලදි.

කොළඹ බණ්ඩාරනායක මාවත , කෙසෙල්වත්ත ,කොටහේන සහ දෙමටගොඩ යන ප්‍රදේශයන්හි පුද්ගලයින් 175 දෙනෙකු නිරෝධායන කටයුතු සඳහා අප්‍රේල් 22 වන දින ශ්‍රී ලංකා ගුවන් හමුදා ඉරණමඩු කඳවුර තුළ පිහිටා ඇති නිරෝධායන මධ්‍යස්ථානය වෙත යොමු කරන ලදි.

කොවිඩ් - 19 වෛරසය ආසාධනයවී රෝහල් ගතව ප්‍රථිකාර ලැබූ තවත් නාවික හමුදා පුද්ගලයින් 12 දෙනෙකු සිදු කල පීසීආර් පරීක්‍ෂණ මගින් වෛරසය ශරීර තුල නොමැති බවට තහවුරු කර ගැනීමෙන් පසු 2020 මැයි මස 09 වන දින සවස් භාගයේදී සහ 2020 මැයි මස 10 සහ වන දිනයේදී රෝහල් වෙතින් මුදා හැරීමට කටයුතු කර ඇත.

පුත්තලම මධ්‍යම පොදු වෙළදසැළ, මත්ස්‍ය අලෙවි සැල් සේම, මාර්ගය ආසන්නයේ දිනපතා පොළද වහාම නවතා දැමීමට පුත්තලම සෞඛ්‍ය වෛද්‍ය නිළධාරි චන්රු ප්‍රනාන්දු මහතා අද ( 11දා) කටයුතු කෙරුණි.

වීරකැටියේ ඇඟලුම්හලක සේවක සේවිකාවන්ට මෙම මාසයේ වැටුපෙන් අඩක් පමණක් ගෙවීමට පාලන අධිකාරිය තීරණය කිරීමට විරෝධය දක්වමින් අද (11දා) ඔවුහු සේවයෙන් ඉවත් වී වර්ජනයක නිරත වූහ.

පාත්ෆයින්ඩර් පදනම සහ සේද මාවතේ මිතුරෝ එකතු වී කොවිඩ් -19 වයිසරයේ ව්‍යාප්තිය හා මැඩ පැවැත්වීම සම්බන්ධයෙන් දෙරටේ අත්දැකීම් හුවමාරු කරගැනීමේ විශේෂ සාකච්ඡාවක් පැවැත්වූහ.

රට තුළ මතු වූ කොරෝනා වෛරසයේ ව්‍යාප්තිය හේතුවෙන් පසුගිය මාර්තු 16 වැනිදා සිට රජයේ අමාත්‍යාංශ, දෙපාර්තමේන්තු සහ සංස්ථා මෙන්ම පෞද්ගලික අංශයේ බොහෝ ආයතන ද තාවකාලිකව වසා දමා තිබූ අතර, ගෙවි ගිය කාලය තුළ බොහෝ රජයේ නිලධාරීන් නිවෙස් ගතව රාජකාරි කටයුතු කිරීමෙහි යෙදුණි.

රටේ ජනතාව නැවතත් තුන් බියකට ගොදුරු වී තිබෙන බවත් එම තුන් බිය දුරු කිරීමට නොහැකි තත්ත්වයකට පත්ව ඇතැයි හිටපු අමාත්‍ය පී හැරිසන් මහතා පැවැසීය.

රජයේ අයවැය පීඩනයට සහායක් ලෙස රාජ්‍ය සේවකයන්ගේ මැයි මස වැටුප, ඉන් කොටසක් වැන්දඹු හා අනත්දරු අරමුදලට පරිත්‍යාග කරන ලෙස රාජ්‍ය සේවකයන්ගෙන් ඉල්ලා සිටි ජනපති ලේකම් පී.බී. ජයසුන්දර මහතා වැටප් තුනක් ලබන බව හිටපු අමාත්‍ය පාඨලී චම්පික රණවක මහතා පැවැසීය.

හෙට(12) උදෑසන 8 සිට පස්වරු 6.30 දක්වා පැය 10ක කාලයක් කළුතර හා අවට ප්‍රදේශවල ජල කප්පාදුවක් සිදුවන බව ජාතික ජල සම්පාදන හා ජලපවාහන මණ්ඩලය දැනුම් දෙයි.

ඒ අනුව සමස්ත සුවය ලැබූවන්ගේ සංඛ්‍යාව 343ක් දක්වා වර්ධනය වී තිබේ.

එරට ප්‍රධාන සෞඛ්‍ය නිලධාරියාගේ නියෝගයන්ට සෘජුවම පටහැනි ලෙස ක්‍රියාකර ඇති බව පොලීසිය කියයි.

කොරෝනා (කොවිඩ් 19) වෛරසය පැතිරයාම පාලනය කිරීම සඳහා තවදුරටත් ගත යුතු විශේෂිත ක්‍රියාමාර්ග පිළිබදව තීන්දු තීරණ ගැනීම සඳහා සෞඛ්‍ය හා දේශිය වෛද්‍ය සේවා අමාත්‍යාංශය පිහිටුවන ලද විශේෂ ක්‍රියාකාරී කාර්යසාධන සමාලෝචන කමිටුව අද (11දා) සෞඛ්‍ය හා දේශීය වෛද්‍ය අමාත්‍ය පවිත්‍රා වන්නිආරච්චි මහත්මියගේ ප්‍රධානත්වයෙන් සෞඛ්‍ය අමාත්‍යාංශ ශ්‍රවනාගාරයේදී රැස්විය

ඉතාලි සහන නීත්‍යානුකූලව එරටේ සිටින ලාංකිකයන්ටත් ඉතාලියේ කොවිඩ් 19 හේතුවෙන් එරට ජනතාවට ලබාදුන් කොවිඩ් සහන නිත්‍යානුකුලව එ රටේ වෙසෙන ලාංකික පවුල් බහුතරයකට හිමි වි තිබේ.

හලාවත දුම්රිය ස්ථානයෙන් කොළඹ බලා ගමන් ගත් බංගදෙනිය කාර්යාල දුම්රියට මගින් 8 දෙනෙකු පමණක් සිටි බව කියයි.

මුඛ ආවරණ අනිවාර්ය අතර, රෝග ලක්ෂණ පෙන්නුම් නොකරන අයට පමණක් දුම්රියේ ගමන් කිරීමට අවසර හිමිවේ.

දිවයින ආශ්‍රිත පහළ වායුගෝලයේ පවතින කැළඹිලි සහගත තත්ත්වයක් නිසා ඉදිරි දින කිහිපයේදී දිවයිනේ බොහෝ ප්‍රදේශවල දැනට පවතින වැසි තත්ත්වයේ තරමක වැඩිවීමක් බලාපොරෝත්තුවන බව කාලගණ විද්‍යා දෙපාර්තමේන්තුව පවසයි.