නව මහාධිකරණ විනිසුරුවරුන් 12 දෙනෙක් පත්කර තිබේ.

මඩකලපුව දිස්ත්‍රික්කයේ රාජකාරි කරන පොලිස් නිලධාරින්ට කොවිඩ් 19 එන්නත ලබාදීම මඩකලපුව සෞඛ්‍ය වෛද්‍ය අධිකාරි කාර්යාලය අද ආරම්භ කරන ලදී.

මැගසින් බන්ධනාගාරයේ රඳවා සිටින මත්ද්‍රව්‍ය ජාවාරම්කරුවෙකු මෙහෙයවන මත්ද්‍රව්‍ය ජාවාරමකට සම්බන්ධ පුද්ගලයෙක් රුපියල් ලක්ෂ 35කට අධික වටිනා හෙරෝයින් මත්කුඩු සමග ඊයේ (9) රාත්‍රී කොටහේන හෙට්ටියාවත්ත සුපිරි වෙළඳසැලක් ඉදිරිපිටදී අත්අඩංගුවට ගත් බව සංවිධානාත්මක අපරාධ නිවාරන කොට්ඨාසය කියයි

ගාල්ල කළුවැල්ල ප්‍රදේශයේ වැඩිහිටි නිවාසයක නිරෝධායනය වෙමින් සිටි නේවාසිකයින් 12 දෙනෙකුට කොරෝනා වෛරසය ආසාදනය වි ඇති බවට තහවුරුවි ඇති බැව් ගාල්ල දිස්ත්‍රික් සෞඛ්‍ය සේවා අධ්‍යක්ෂක කාර්යාලය පවසයි.

කල්පිටිය කප්පල් අඩිය ඕඩ රක්ෂිතයේ,පසුගියදා, කඩොලාන කපා දමමින් වන සංහාරයක් සිදු කළ බවට සැක පිට එම ඉඩමේ හිමිකරුයයි කියා ගන්නා අයෙකු, බැකෝ යන්ත්‍ර ක්‍රියාකරුවෙකු සහ කඩොලාන කැපීමට යොදා ගන්නා ලද බැකෝ යන්ත්‍රය කල්පිටිය පොලිසිය විසින් අත්අඩංගුවට ගෙන ඇත.

දකුණු පළාතෙන් ඊයේ (09) දිනය තුළ අළුතින් වාර්තා වූ රෝගින් 94 දෙනකු සමග දකුණු පළාතෙන් වාර්තාවන සමස්ත කොරෝනා ආසාදිතයන් සංඛ්‍යාව 3284ක් දක්වා ඉහළ ගොස් ඇතැයි පළාත් කොරෝනා මෙහෙයුම් මධ්‍යස්ථානය පවසයි.

ඔවුන් ධනාත්මක ප්‍රතිඵලයක් ලබාදෙන්නේ නම් තරග කිරීම තහනම් කරන බව තරග සංවිධායකයන් නිකුත් කළ නවතම රීතින් හි දැක්වෙයි.

චීනයේ සීනොවැක් බයෝටෙක් සමාගම මගින් නිපදවන කොරෝනාවැක් කොවිඩ්-19 එන්නත ලියාපදිංචි කිරීම සඳහා යුක්‍රේන බලධාරීන්ට ලිපි ඉදිරිපත් කර ඇති බව යුක්රේනයේ ඖෂධ සමාගමක් වන ලෙකීම් ප්‍රකාශ කරයි.

කොවිඩ්-19 එන්නත්කරණ වැඩසටහන යටතේ ඉරානයේ පළමු නිල එන්නත ලැබූ පුද්ගලයා බවට පත්ව ඇත්තේ, එරට සෞඛ්‍ය හා වෛද්‍ය අධ්‍යාපන අමාත්‍ය සයීඩ් නමාකිගේ පුත් පාර්සා නමාකි ය.

ලෝක සෞඛ්‍ය සංවිධානයේ දත්තවලට අනුව ලොව පුරා වාර්තා වූ කොවිඩ්-19 ආසාදිතයන්ගේ සංඛ්‍යාව අඛණ්ඩව සිව්වැනි සතියටත් අඩු වී තිබේ. ඔක්තෝබර් අවසන් සතියේ සිට වාර්තා වූ අඩුම රෝගීන් සංඛ්‍යාවද මෙයයි.

පේරු සිය කොවිඩ්-19 එන්නත් කිරීමේ ව්‍යාපාරය අඟහරුවාදා දියත් කළේ චීනයේ සීනොෆාම් එන්නත් මාත්‍රාවන් ඉදිරි පෙළ සෞඛ්‍ය වෘත්තිකයන්ට ලබාදෙමිනි.

ඇස්ට්‍රාසෙනෙකා එන්නත දකුණු අප්‍රිකාව තුළ භාවිත කිරීම දැනට නවතා දමා තිබේ. නමුත් ඇස්ට්‍රාසෙනෙකා එන්නත ලොව පුරා බොහෝ රටවල එන්නත් කිරීමේ වැඩසටහන්වල ප්‍රධාන එන්නතක් බවට පත්ව තිබේ.

සිම්බාබ්වේ රාජ්‍ය තුළ මේ දක්වා කොවිඩ්-19 ආසාදිතයන් 34,781ක් වාර්තා වන අතර, ආසාදිත මරණ 1,353ක් වාර්තා වී තිබේ.

එක්සත් ජනපද ඉතිහාසය තුළ එරට කීර්තිනාමය වඩාත් පළුදුකළ නායකයෙකු ලෙස සැලකෙන ට්‍රම්ප්, ඇමෙරිකාව තුළ කොවිඩ්-19 වසංගතයද නොසලකා හැරීමේ ප්‍රතිවිපාක වඩාත් දරුණුවට රට භුක්ති විඳිමින් සිටින බව විදෙස් වාර්තා පෙන්වා දෙයි.

ගෝලීය වශයෙන් නව කොරෝනා වෛරසය ආසාදිතයන් සංඛ්‍යාව 106,855,000ක් ඉක්මවා ඇති පසුබිමක, දැනට ලබාදෙමින් තිබෙන ඇතැම් එන්නත් කොරෝනා නව ප්‍රභේදයන්ට ඵලදායී නොවන බවද අනාවරණය වෙයි.

ඉන්දියාවෙන් ශ්‍රී ලංකාවට ලබාදුන් කොවිඩ් එන්නත් මාත්‍රා ලක්ෂ 5න් අද වන විට ලබාදී ඇති එන්නත් ප්‍රමාණය 174 193ක් බව වසංගත රෝග විද්‍යා ඒකකය සඳහන් කරයි. අද දිනයේදී එන්නත් මාත්‍රා 6431ක් ලබාදී තිබේ.

කොවිඩ් වසංගත තත්ත්වය පිළිබඳව දෛනිකව ජනතාව දැනුවත් කරමින් වසංගතය වැළැක්වීම සඳහා ප්‍රමුඛ කාර්යයක් ඉටුකරන ජනමාධ්‍යවේදීන් සඳහාද කොවිඩ් එන්නත ලබාදීම කඩිනම් කරන ලෙස අමාත්‍ය කෙහෙළිය රඹුක්වැල්ල මහතා කොවිඩ් පැතිරීම වැළැක්වීමේ ජාතික මෙහෙයුම් මධ්‍යස්ථානයෙන් ඉල්ලීමක් කර තිබේ.

තවත් කොවිඩ්-19 ආසාදිතයින් 404ක් වාර්තාවීමත් සමගම මෙරටින් වාර්තා වී ඇති සමස්ත කොවිඩ් ආසාදිතයින් සංඛ්‍යාව 71,000 සීමාව ඉක්මවා ගොස් තිබේ.

අද (09) කොවිඩ් මරණ 5ක් වාර්තා වී ඇති බව සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන මහතා පවසයි.

ජනතා බලාපොරොත්තු ඉටුවන පරිදි රජයේ සංවර්ධන ව්‍යාපෘති නියමිත පරිදි කඩිනමින් අවසන් කිරීමට පියවර ගන්නැයි අග්‍රාමාත්‍ය මහින්ද රාජපක්ෂ මහතා අද 09 දින පැවැසීය.

ගම්පහ නගරයේ පොදු වෙළඳ පොළ ආශ්‍රිතව දින තුනක් තුල කොවිඩ් 19 ආසාදිතයින් 58 දෙනෙකු හමුවීම මත පවතින අවදානම සලකා නගරයේ කොටසක් සහ එම කොටසෙහි සියලුම වෙළඳසල් සහ ආයතන නැවත දැනුම් දෙන තුරු වසා දැමීමට අද (9) සවස පුරපති එරංග සේනානායක මහතාගේ ප්‍රධානත්වයෙන් පැවති සාකච්ඡාවකදී තීරණය කෙරිණි.

කොවිඩ්-19 වසංගතයේ මූලාරම්භය සම්බන්ධයෙන් චීනයේ වූහාන් හි සිදුකළ අධ්‍යයනය අවසන් කරමින් ලෝක සෞඛ්‍ය සංවිධානය විශේෂඥ කණ්ඩායම ඒකාබද්ධ මාධ්‍ය හමුවක් පවත්වමින් පවසයි.

කොවිඩ්-19 ආසාදිතයින් 571ක් හඳුනාගෙන ඇත. ඒ අනුව මෙරට සමස්ත කොවිඩ්-19 ආසාදිතයින් ගණන 70,806ක් දක්වා ඉහළ ගොස් තිබේ.

තවත් කොවිඩ් ආසාදිතයින් 912 දෙනෙකු සුවය ලබා පිටව යාමත් සමග මෙරට සුවය ලැබූ සමස්ත සංඛ්‍යාව 65,000 සේ සීමාව ඉක්මවා ගොස් තිබේ.

බගවන්තලාව සෞඛ්‍ය වෛද්‍ය නිලධාරි කාර්යාලය බල ප්‍රදේශයෙන් (09) දින කොවිඩ් 19 වෛරසය අසාදනය වු අසාදිතයන් 06 දෙනෙකු හමු වු බවත් , ඒ අතර අවු 16 ක පාසල් සිසුවෙකුද සිටින බවත් , එම අසාදිතයන් සියලු දෙනා නිරෝධායන මධ්‍යස්ථාන කරා යොමු කල බව බගවන්තලාව මහජන සෞඛ්‍ය පරික්ෂක කදිරවේල් ජේ ගනේෂ් මහතා පැවසිය.

දිවයිනේ සියලුම පාසල් සියලු ශ්‍රේණි සඳහා මාර්තු පහළොස් වැනිදා (15) සිට ආරම්භ කිරීමට තීරණය කර ඇති බව අධ්‍යාපන අමාත්‍ය මහාචාර්ය ජී. එල්. පීරිස් මහතා පැවසීය.

අන්තර්ජාල සබඳතාව, මෘදුකාංග පැකේජය සහ වසර 04ක වගකීමක් සහිතව ලැප් ටොප් පරිගණක පිරිනැමේ. පරිගණකයක වටිනාකම රුපියල් 80,000කි. රැකියාවක් ලැබීමෙන් පසු මුළු වටිනාකම වසර 06කින් ගෙවා නිම කිරීමට හැකිවන පරිදි ණය පිරිනැමේ. ශිෂ්‍ය කාලය තුළ මසකට ගෙවිය යුතු මුදල රුපියල් 500කි.

පසුගිය දින දෙක (8 සහ 09) තුළ ජාඇල ප‍්‍රාදේශිය සභාවේ නිලධාරින් දෙදෙනෙකු ඇතුලූ සේවකයින් සත් දෙනෙකු කොරෝනා වෛරස ආසාදිතයන් ලෙස තහවුරු විමෙන් අනතුරුව ජාඇල ප‍්‍රාදේශිය සභාව මේ වන විට තාවකාලිකව වසා දැමීමට කටයුතු යොදා ඇති බව ජාඇල සෞඛ්‍ය නිලධාරි කොට්ඨාසයේ පරිපාලන මහජන සෞඛ්‍ය පරික්ෂක එස්.ඩබිලිවි.එමි.වයි.විජේසිංහ මහතා පවසයි.

ශ්‍රී ලංකා ක්‍රිකට් ආයතනයේ ක්‍රීඩා විද්‍යා කළමනාකරු ලෙස කටයුතු කළ පෝල් නෝරි මහතා සියි ධුරයෙන් ඉල්ලා අස්වී තිබේ. පුද්ගලික හේතුවක් මත ඔහු සිය ධුරයෙන් ඉල්ලා අස්වූ බව ශ්‍රී ලංකා ක්‍රිකට් ආයතනය කටයුුතු කරයි.