කරාපිටිය ශික්ෂණ රෝහලේ එක්මෝ ප්‍රතිකාර සඳහා යොමුකර සිටි කොරෝනා ආසාදිත ගැබිනි මාතාවක අද (09දා) සවස මිය ගිය බව රෝහල් ආරංචි මාර්ග පවසයි.

බස් රථ සේවකයන් සඳහා කොරෝනා මර්දන එන්නත ලබා නොදීම හේතුවෙන් එළඹෙන සතියේ දී බස් රථ ධාවනයෙන් ඉවත් වීමට තීරණය කරන බව ලංකා පෞද්ගලික බස් රථ හිමියන්ගේ සංගමයේ සභාපති ගැමුණු විජේරත්න ප්‍රකාශ කරයි

පිලියන්දළ පොදු වෙළෙඳ පොළේ වෙළඳුන් සහ නගරය ආශ්‍රිතව පදිංචි පුද්ගලයන්ගෙන් කළ පී.සී.ආර්. පරීක්ෂණයේදී පුද්ගලයන් 101කුට වෛරසය ආසාදිත වී ඇති බවට වෛද්‍ය වාර්තාවලින් අනාවරණය වූ බව පිළියන්දල සෞඛ්‍ය වෛද්‍ය නිලධාරී වෛද්‍ය ඉන්දික එල්ලාවල මහතා පැවසීය.

අද (09) දිනය තුළ කොවිඩ් -19 ආසාදිතව සිටි පුද්ගලයින් 1,365ක් සුවය ලැබු බව සෞඛ්‍ය අමාත්‍යාංශය පවසයි.

නොර්වුඩ් ප්‍රදේශයේ පෞද්ගලික ඇගළුම් කර්මාන්ත ශාලාවක ආශ්‍රිතයන් 100 දෙනෙකුගෙන් අද (09දා) සිදු කළ රැපිඩ් ඇන්ටිජන් පරික්ෂාවකදි 09 දෙනෙකුට කොවිඩ් 19 වෛරසය අසාදනය වි ඇති බවට තහවුරු වු බව මස්කෙලිය සෞඛය වෛද්‍ය නිලධාරි ඩි.චන්ද්‍රරාජන් මහතා පැවසිය.

නාගරික මන්ත්‍රීවරයෙකුට කොවිඩ් වෛරසය ආසාදනය විමත් සමඟ පසුගිය 4 වනදා සභා වාරයට පැමිණි කැස්බෑව නගර සභාවේ සභාපතිවරයා ඇතුළු මන්ත්‍රීවරුන් 33 දෙනෙකු ස්වයං නිරෝධායනයට යොමු කිරිමටද සෞඛ්‍ය අංශ පියවර ගෙන තිබේ.

රට වෛරසයට ගොදුරු වී ඇති බවට හැඟීමක් මහජනතාවට ලබාදීමට ඉන්දීය රජය අසමත් වී ඇති බව පෙන්වා දෙන ලැන්සෙට් වෛද්‍ය ජර්නලය, රජය ප්‍රමාණවත් සූදානමක් ඇති නොකර උදාසීනත්වය දිරිගැන්වූ බවත්, රටේ එන්නත් කිරීමේ ව්‍යාපාරය ආරම්භ කිරීම මන්දගාමී කළ බවටත් චෝදනා කරයි. විශේෂයෙන්ම සුපිරි සිදුවීම් ඇතිකළ ආගමික උත්සව හා දේශපාලන පෙළපාලි ඉදිරියට යාමට මෝදි රජය ඉඩදී බලා සිටීම කිසිසේත්ම සමාව දිය නොහැකි තත්ත්වයක් බව ලැන්සෙට් කතුවැකිය අවධාරණය කරයි.

දිවයින පුරා ස්ථාන ගණනාවක නායයෑමේ අවදානමක් පවතින බව ජාතික ගොඩනැගිලි පර්යේෂණ සංවිධානය පවසයි.

රුපියල් කෝටි 60 ක් පමණ වටිනා කොකේන් මත්ද්‍රව්‍ය තොගයක් රැගත් දකුණු අප්‍රිකානු ජාතිකයෙකු අද (09දා) කටුනායක ගුවන් තොටුපළේ දී රේගු මත්ද්‍රව්‍ය පාලන අංශයේ නිලධාරීන් පිරිසක් විසින් අත්අඩංගුවට ගැනීමට සමත් වී ඇති බව රේගු මාධ්‍ය ප්‍රකාශක, නියෝජ්‍ය රේගු අධ්‍යක්ෂ (නීතිකටයුතු) සුදත්ත සිල්වා මහතා පැවසීය.

පවතින කොරෝනා වසංගතය හේතුවෙන් හෙට (10) සිට දින තුනක කාලයක් බෙලිඅත්ත නගරයේ වෙළෙදසැල් වසා දැමීමට තීරණය කළ බව බෙලිඅත්ත ප්‍රාදේශීය සභාව කියයි.

මත් ද්‍රව්‍යවලට ඇබ්බැහිවූවන් බන්ධනාගාරගත නොකර පුනුරුත්ථාපනය කර වෘත්තිය පුහුණුවක් ලබා දී සමාජගත කිරිම සඳහා වැඩපිළිවෙලක් සකස් කරන බව මහජන ආරක්ෂක අමාත්‍යංශය සඳහන් කරයි.

මැයි මස ගෙවී ගිය දින 08 ක කාලය තුලදී උතුරු පළාතෙන් කොවීඩ් 19 වෛරසය වැළඳුනු රෝගීන් 266 දෙනෙකු මේ වන විට වාර්තා වී ඇතැයි උතුරු පළාත් සෞඛ්‍ය අධ්‍යක්ෂක කාර්යාලය පෙන්වා දෙයි.

කිලිනොච්චිය භාරතීපුරම් ප්‍රදේශයේ පිහිටුවා තිබූ යුදහමුදා නිරෝධායන මධ්‍යස්ථානය කොරෝනා රෝගීන් වෙනුවෙන් අතරමැදි ප්‍රතිකාර මධ්‍යස්ථානයක් බවට පත් කොට ඇතැයි කිලිනොච්චිය ආරක්ෂක සේනා මූලස්ථානය පවසයි.

ව්‍යජ ආකාරයට මෙරට මුදල් නොට්ටු මුද්‍රණය කළ පිරිස් විසින් ව්‍යජ ආකාරයට ඩොලර් නොට්ටු මුද්‍රණය කර තිබෙන බවට හෙළිව තිබෙන නිසා ඩොලර් නොට්ටු ගණුදෙනු කරණ පිරිස් හා මුල්‍ය ආයතන මේ පිළිබඳව සැලකිලිමත්ව කටයුතු කරන ලෙස පොලිස් මුලස්ථානය ඉල්ලා සිටියි.

ඥයාපනය නල්ලූර් ප්‍රදේශයේ පුද්ගලයෙකු යාපනය ශික්ෂන රෝහලේදී මිය යාමෙන් අනතුරුව මළ සිරුර ඥාතීන්ට භාරදීමෙන් පසු මිය ගිය පුද්ගලයා කොරෝනා ආසාදිතයෙකු බවට තහවුරු වීම හේතුවෙන් පවුලේ ඥාතීන් සියලු දෙනා නිරෝධායනය කිරීමට පියවර ගත් බව යාපනය සෞඛ්‍ය කාර්යාලය පවසයි.

කොරෝනා අවධානම පැවතියද කිලිනොච්චිය පොලීසියේ දෛනික කටයුතු සාමාන්‍ය පරිදි සිදුකෙරෙන අතරම කෙරෝනා ආසාදිත පොලිස් නිලධාරීන්ගේ සමීප ආශ්‍රිත පොලිස් නිලධාරීන් වෙනත් බැරක්කයකට යොමු කොට නිරෝධායන ක්‍රියාවලිය සිදු කරන අතරම එයට පිටස්තර කිසිවෙකුට ඇතුළත් වීමටද නොහැකි බවද පොලීසිය පවසයි.

ශ්‍රී ලංකාවේ ඊයේ දිනයේද වැඩිම ආසාදිතයන් බස්නාහිර පළාතෙන් වාර්තා වී තිබේ. කොළඹ (411), කලුතර (358) හා ගම්පහ (347ක්) ලෙස බස්නාහිර පළාතෙන් පමණක් ආසාදිතයන් 1000 ඉක්මවා වාර්තා වී තිබේ.

ගම්පහ දිස්ත්‍රික්කයෙන් දෛනිකව හමුවන කොරෝනා ආසාදිතයින් සංඛ්‍යාවේ වැඩි බවක් පවතින බවත් අද (9) උදෑසන වනවිට ගතවූ පැය 24 ක කාලය තුල ආසාදිතයින් 521 දෙනෙකු හමුව ඇති බවත් දිස්ත්‍රික් සෞඛ්‍ය සේවා අධ්‍යක්ෂ කාර්යාලය සදහන් කරයි.

නිරෝධායන නීති කඩ කරමින් මුහුණු ආවරණ නොපැලඳ සිටි පුද්ගලයින් 426 දෙනෙක් අත්අඩංගුවට ගෙන තිබේ.

නියෝජ්‍ය මැතිවරණ කොමසාරිස්වරයකුට අයත් කිරුළපන ප්‍රදේශයේ නිවසකට ඇතුළු වී, තියුණු ආයුධයක් පෙන්වා නිවැසියන් බිය ගන්වා එහි මෙහෙකාරිය පැහැරගෙන ගිය බව කියන පුද්ගලයෙකු අද (09දා) අත්අඩංගුවට ගත් බව කිරුලපන පොලීසිය පවසයි.

බද්දේගම ඉදිගස්කැටිය ප්‍රදේශයේ ඇගලුම් කම්හලෙන් වාර්තාවන කොරෝනා ආසාදිත සේවක සේවිකාවන්ගේ සංඛ්‍යාව ඊයේ (08) දිනය වනවිට 42 දක්වා ඉහල ගොස් ඇති බව බද්දේගම සෞඛ්‍ය වෛද්‍ය නිලධාරි වෛද්‍ය එච්.බි.පි. ගුණවර්ධන මහතා පවසයි.

කොවිඩ් රෝගී වැඩි වශයෙන් වාර්තාවීම හේතුවෙන් රත්නපුර, කලුතර හා නුවර එළිය දිස්ත්‍රික්කවල ප්‍ර දේශ රැසක හුදෙකලා කිරීමට කටයුතු කර තිබේ.

සබරගමුව සහ මධ්‍යම පළාත්වලත් ගාල්ල, මාතර, කුරුණෑගල සහ පොළොන්නරුව දිස්ත්‍රික්කවලත් ඇතැම් ස්ථානවලට මි.මී 100 ඉක්මවු වැසි ඇති විය හැකිය.

සංවර්ධිත රාජ්‍යයන් හා සැසඳීමේදී එය ඉතා පහළ අගයක් ගන්නා අතර, ශ්‍රී ලංකාව (3.76%) සහ තායිලන්තය (3.79%) වැනි කුඩා රාජ්‍යයන් පවා ඉන්දියාවට වඩා ඔවුන්ගේ සෞඛ්‍ය ක්ෂේත්‍රය වෙනුවෙන් වියදම් කරන බව ලෝක බැංකු දත්ත පෙන්වා දෙයි.

ශ්‍රී ලංකාව තුළින් තවත් කොවිඩ් මරණ 22ක් ඊයේ දිනයේදී සෞඛ්‍ය සේවා අධ්‍යක්ෂ ජනරාල් විසින් තහවුරු කර තිබේ. මේ අනුව ශ්‍රී ලංකාවේ මරණ සංඛ්‍යාව 786ක් දක්වා වර්ධනය වී තිබේ.

කොවිඩ් -19 වෛරසය ආසාදනය වූ 920 දෙනෙකු අද (08) දිනයේ හඳුනාගෙන ඇති බව යුද හමුදාපති, ජෙනරාල් ශවේන්ද්‍ර සිල්වා මහතා පවසයි.

පෘතුගාලයේ පැවති යුරෝපා සංගම් සමුළුව අමතමින් ප්‍රංශ ජනපති මැක්‍රොන් කියා සිටියේ අවම සංවර්ධිත රටවලට උපකාර කිරීම සඳහා ධනවත් රටවල් ඔවුන්ගේ එන්නත් ධාරිතාව විවෘත කළ යුතුව ඇති අවස්ථාවක මෙය සිදු නොවිය යුත්තක් බවයි.

කොවිඩ් -19 වෛරසය ආසාදනය වූ 970 දෙනෙකු අද (08) දිනයේ හඳුනාගෙන ඇති බව යුද හමුදාපති, ජෙනරාල් ශවේන්ද්‍ර සිල්වා මහතා පවසයි.

චීන ආධාර ලෙස ලංකාවට ලැබුණ සයිනොෆාම් එන්නතේ පළමු මාත්‍රාව ජනතාවට ලබාදීම අද (08දා) පස්වරුවේ පානදුර සෞඛ්‍ය වෛද්‍ය නිලධාරී කර්යලයේදී ආරම්භ කරන ලදී .