යුක්තිය මෙහෙයුමට සමගාමීය නව අවුරුද්දේ ආරම්භක දිනය වූ ඊයේ දිනයේදී සිදුකරන ලද වැටලීම් 832 කට අදාළව සැකකරුවන් 808ක් හා සැකකාරියන් 14ක් අත්අඩංගුවට ගත් බව පෙලිස් මාධ්‍ය ප්‍රකාශක කාර්යාලය පවසයි. මින් සැකකරුවන් 60ක් වැඩිදුර විමර්ශන කටයුතු සඳහා රඳවා ගෙන ප්‍රශ්න කිරීමට නියමිත බවත් සැකකරුවන් 72ක් පුනරුත්තාපනය සඳහා යොමු කිරීමට නියමිත බවත් එම කාර්යාලය පවසයි.

යාපනය වඩමාරච්චි නගර්කෝවිල් නැගෙනහිර මුහුදු තීරයට ඊයේ (01) සවස හඳුනාගත නොහැකි යකඩ වස්තුවක් ගොඩගසා තිබුණු බවට ප්‍රදේශයේ ධීවරයින් පවසති.

මෙරට උද්ධමනය තනි ඉලක්කමේ පවත්වාගෙන යාමට හැකි වී තිබීම මෙරට ව්‍යාපාරික ප්‍රජාවේ විශ්වාසය ගොඩ නැගීමට ප්‍රධාන හේතුවක් වී ඇති බව මුදල් රාජ්‍ය අමාත්‍ය ෂෙහාන් සේමසිංහ මහතා පැවසීය.

නිවැරදි තීන්දු තීරණ සමඟ මෙම වසර තුළ ශ්‍රී ලංකාව සීඝ්‍ර ආර්ථික වර්ධනයක් කරා ගෙන යන බව ජනාධිපති රනිල් වික්‍රමසිංහ මහතා අවධාරණය කළේය.

ජාතික රෝහලේ දී කාන්තාවක් මියයාම පිළිබද කරුණූ සොයා බැලීමට සෞඛ්‍ය අමාත්‍යවරයා ජාතික රෝහලේ නිරීක්ෂණයක.

අභිනව අධ්‍යාපන ලේකම් ධුරයට වසන්තා පෙරේරා මහත්මිය පත් ව සිටින අතර නව වසරේ සමාරම්භය ද සනිටුහන් කරමින් ඇය ඊයේ (01දා) අධ්‍යාපන අමාත්‍යාංශයේ දී සිය ධූරයේ රාජකාරී ආරම්භ කළා ය.

‍මෙම වාර්තාව බාර ගනිමින් ජනාධිපති රනිල් වික්‍රමසිංහ මහතා සඳහන් ක‍ළේ මෙම වාර්තාව මගින් ලබා දී ඇති නිර්දේශ ක්‍රියාත්මක කිරීමට තමන් බලාපොරොත්තු වන බවත් මෙම වාර්තාව මෙන්ම නව ක්‍රීඩා පනත් කෙටුම්පත නුදුරේදීම පාර්ලිමේන්තුවට ඉදිරිපත් කිරීමට කටයුතු කරන බවත්ය.

අප රටේ පළමු වතාවට නිදහස් ගියරයක වාහනයක් කන්දක් මතට ධාවනය වන අයුරු දර්ශනය වන දෘෂ්ටි මායාවක් සහිත ස්ථානයක් සොයා ගැනීමට පේරාදෙණිය විශ්ව විද්‍යාලයේ හිටපු උපකුලපති ජ්‍යෙෂ්ඨ භූවිද්‍යාඥ මහාචා ර් ය අතුල සේනාරත්න මහතාට 01 දින හැකි විය.

ආණ්ඩුවේ වත්මන් ජන පීඩක ප්‍රතිපත්තීන්ට එරෙහි පුළුල් දේශපාලන සන්ධානයක් බිහිකිරීමේ අරමුණින් සාකච්ඡාවක් නිදහස් ජනතා සන්ධානය සහ පිවිතුරු හෙළ උරුමය අතර පසුගිය දා පැවැත්විණි.

ඉන්ධන මිල සංශෝධනය වුවද බස් ගාස්තු සංශෝදනයක් සිදු නොවන බව ජාතික ගමනාගමන කොමිෂන් සභාවේ සභාපතිවරයා පවසයි.

වැඩබලන පොලිස්පති දේශබන්දු තෙන්නකෝන් මහතාගේ සංකල්පයක් මත ක්‍රියාත්මක යුක්තිය මෙහෙයුමට සමගාමීව ඊයේ දිනය වන විට සැකකරුවන් 20742ක් අත්අඩංගුවට ගෙන ඇති බව පොලිස් මාධ්‍ය ප්‍රකාශක කාර්යාලය පවසයි. වැටලීම් 20898කින් මෙම සැකකරුවන් අත්අඩංගුවට ගෙන තිබේ.

ඉතිහාසයේ ප්‍රථම වතාවට එළවළු මිල අධික ලෙස ඉහල ගොස් ඇති බවත්, එතුලින් ගොවියන්ට කිසිදු ලාභයක් නොලැබි ඇති බව නුවරඑළිය විශේෂිත ආර්ථික මධ්‍යස්ථානයේ සභාපති ,සමස්ත ලංකා ඒකාබද්ධ විශේෂිත ආර්ථික මධ්‍යස්ථානයේ හිටපු සභාපති අරුණ ශාන්ත හෙට්ටිආරච්චි මහතා පැවසිය.

දෙහිවල වෙරළ තීරයේ අනවසරයෙන් ඉදිකර ඇති දැනට ඩුබායි රටට පලාගොස් සිටින මහා පරිමාණයේ මත්ද්‍රව්‍ය ජාවාරම් කරුවකුට අයත් සුපිරි හෝටල් පරිශ්‍රයක් ඉකුතා (01) වන දින වෙරළ සංරක්ෂණ හා වෙරළ සම්පත් කළමණාකරන දෙපාර්තමේන්තුව පොලිස් ආරක්ෂාව මැද කඩා ඉවත් කිරීම සිදුකරනු ලැබිණි.

ක්‍රීඩා අමත්‍යවරයාට පැවරි ඇති බලතල අනුව අමාත්‍යවරයා විසින් ගැසට් නිවේදනයකින් ලියාපදිංචිය අත් හිටවනු ලැබූ ශ්‍රී ලංකා දුනු ශිල්ප සංගමය ,ශ්‍රි ලංකා ජාතික රෝද සපත්තු සංගමය,ශ්‍රී ලංකා කබඩි සම්මේලනය ,ශ්‍රී ලංකා බ්‍රිජ් සම්මේලනය සහ ශ්‍රී ලංකා මල්ලවපොර සම්මේලනයේ නිලවරණ පැවැත්වීමේ මූලික කටයුතු සඳහාවූ විශේෂ රැස්වීම් පහක් ක්‍රීඩා සංවර්ධන දෙපාර්තමේන්තුවේ අධ්‍යක්ෂ ජෙනරාල් මහාචාර්ය, රියර් අද්මිරාල් ෂේමාල් ප්‍රනාන්දු මහතා විසින් කැඳවා තිබේ.

ජපානයට රික්ටර් මාපාංකයෙන් 7ක ප්‍රභල භූ කම්පනයක් ඇතිව තිබේ. මේ අනුව සුනාමි අනතුරු අඟවීම් නිකුත් කර ඇති අතර ජපානයේ බටහිර වෙරළට මෙම සුනාමි අනතුරු ඇඟවීම් නිකුත් කර තිබේ.

සෞදි අරාබියේ ගෘහ සේවය සදහා ගොස් එහිදී හාම්පුතා අතින් සහ එරට රැකියා නියෝජිතවරයා විසින් පහර කෑමට ලක් වී රෝගාතුර වූ ශ්‍රී ලාංකික සිව් දරු මවක් ආබාධිතව කටුනායක ගුවන් තොටුපොළ වෙත 01/01 දින උදෑසන පැමිණ සිටියාය.

ලිට්‍රෝ ගෑස් මිල අද (01දා) සිට ක්‍රියාත්මක වන පරිදි වැඩි කිරීමට එම සමාගම කටයුතු කර තිබේ. ඒ අනුව කිලෝග්‍රෑම් 12.5ක ගෘහස්ත ගෑස් සිලින්ඩරයක් රුපියල් 685කින් ඉහළ දමා ඇති අතර එහි නව මිල රුපියල් 4,250කි.

ලංකා ඛණිජ තෙල් නීතිගත සංස්ථාව ඉන්ධන මිල සංශෝධනය කිරීමට සමගාමීව ශ්‍රී ලංකාවේ ඉන්ධන සිල්ලර ව්‍යාපාරයේ යෙදී සිටින චීනයේ සිනෝපෙක් සමාගමද සිය ඉන්ධන මිල ගණන් සංශෝධනය කර තිබේ.

ඒ් අනුව රුපියල් 5කින්, රුපියල් 15කින්, රුපියල් 20කින් සහ රුපියල් 25කින් දුම්වැටි මිල ඉහළ ගොස් ඇත.

දකුණු පළාතේ හිටපු මහ ඇමතිවරයා ලෙස කටයුතු කළ, පාර්ලිමේන්තු මන්ත්‍රී ශාන් විජයලාල් ද සිල්වා මහතා සමගි ජන බලවේගය සමග එක්වී තිබේ. ඒ මහතා අද (01) විපක්ෂ නායක සජිත් ප්‍රේමදාස මහතා හමුවී සමගි ජන බලවේගය හා එක්ව ඇත.

2023 දෙසැම්බර් මාසය සඳහා කොළඹ පාරිභෝගික මිල දර්ශකය හා කොළඹ නාගරික ප්‍රජාවගේ පාරිභෝගික උද්ධමන අනුපාතය ජන හා සංඛ්‍යාලේඛණ දෙපාර්තමේන්තුව ප්‍රකාශයට පත් කර ඇති ඒ අනුව උද්ධමනය තවදුරටත් ඉහළ ගොස් තිබේ.

දකුණු ඉන්දියාවේ සුපිරි නළුවෙක් වන තලපති විජේ රංගනයෙන් දාක වන නවතම සිනමා පටය වන තලපති 68 හි රූගත කිරීම් සඳහා ජනවාරි දෙවැනි සතියේදී ඔහු ශ්‍රී ලංකාවට පැමිණීමට නියමිතව ඇතැයි ඉන්දීය මාධ්‍ය වාර්තා කරයි. ප්‍රකට කොලිවුඩ් අධ්‍යක්ෂවරයෙක් වන වෙන්කට් ප්‍රභූ මෙහි අධ්‍යක්ෂවරයා වෙයි.

රටේ ණය කන්දරාවට හිලව් වශයෙන් ජනවාරි පළමුවනදා සිට සියයට 18 ක වැට් බද්දක් ගසා රජය විසින් ජනතාව බිල්ලට දී ඇතැයි නිදහස ජනතා සභාව නියෝජනය කරන මහනුවර දිස්ත්‍රික් පාර්ලිමේන්තු මන්ත්‍රී නීති:ඥ වසන්ත යාපා බණ්ඩාර මහතා කිය.

ඔක්ටේන් 92 පෙට්‍රල් ලීටරයක් රුපියල් 20කින් ඉහළ නංවා ඇති අතර නව මිල රුපියල් 366කි. ඔක්ටේන් 95 පෙට්‍රල් ලීටරයක් රුපියල් 38කින් ඉහළ නංවා ඇති අතර නව මිල රුපියල් 464කි. ලංකා ඔටෝ ඩීසල් ලීටරයක මිල රුපියල් 29කින් ඉහළ නංවා ඇති අතර නව මිල රුපියල් 358කි. සුපිරි ඩීසල් ලීටරයක මිල රුපියල් 41කින් ඉහළ නංවා ඇති අතර නව මිල රුපියල් 475කි.

ශ්‍රී ලංකා චෙස් සම්මේලනය සංවිධානය කොට ඊයේ (30) පන්නිපිටිය ධර්මපාල විද්‍යාලයේදී නිමාව දුටු ශ්‍රී ලංකා යොවුන් චෙස් තරගාවලියේ වයස 19න් පහළ විවෘත චෙස් ශූරතාව අම්බලන්ගොඩ ධර්මාශෝක විද්‍යාලයේ එම්.තිසල් මංජිත් පියුමන්ත දිනා ගත්තේය.

පොලිස් අණ නොතකා අධික වේගයෙන් ගමන් ගන්නා මෝටර් රථයක දොරෙහි එල්ලී ජීවිතයත් මරණයත් අතර සටනක යෙදෙමින් සැකකරුවකු අත්අඩංගුවට ගැනීමට දැඩි උත්සාහයක යෙදුණු පොලිස් නිලධාරියකු බිමට ඇද වැටි තුවාල ලද ලබා ඇතැයි බම්බලපිටිය පොලිසිය කියයි.

ෆේස්බුක් ඇතුලු සමාජ මාධ්‍ය මගින් කාන්තාවක් සේ රඟපාමින් පිරිමි පුද්ගලයින්ගේ මුදල් කොල්ල කෑ දෙදෙනෙකු යාපනය නෙල්ලිඅඩි ප්‍රදේශයේදී අත්අඩංගුවට ගත් බවට නෙල්ලිඅඩි පොලීසිය පවසයි.

ඉන්දියාව ලොකු ලුණු අපනයනය කිරීම තහනම් කිරීමත් සමඟින් පාකිස්තානය සහ තවත් රටවල් කීපයක් මෙරටට ලොකු ලූනු තොග එවීම හේතුවෙන් රුපියල් 600 ට ඉහළ ගිය ලොකු ලුණු කිලෝව 31 දින වන විට රුපියල් 300 ත් 350 ත් අතර පහත වැටී ඇතැයි ලොකුළුණු අලෙවි කරන දඹුල්ලේ ව්‍යාපාරිකයෝ පවසති.

එළඹෙන 2024 වසර තුළ කොළඹ ආශ්‍රිතව නිවාස 10,000 ක් ඉදිකිරීමට අපේක්ෂා කරන බව නාගරික සංවර්ධන හා නිවාස අමාත්‍ය ප්‍රසන්න රණතුංග මහතා පවසයි.