ශ්‍රී ලංකා - තායිලන්ත සංචාරක ප්‍රවර්ධනයට අවබෝධතාවක්
ශ්‍රී ලංකාව සහ තායිලන්තය අතර සංචාරක ව්‍යාපෘතිය ප්‍රවර්ධනය කිරීම සදහා ශ්‍රී ලංකා සංචාරක ප්‍රවර්ධන අධිකාරිය සහ තායිලන්තයේ සංචාරක අධිකාරිය අතර අවබෝධතා ගිවිසුමක් ඇතිකර තිබේ.
ශ්‍රී ලාංකේය සංචාරකයන්ට තායිලන්තයේ බෞද්ධ සිද්ධස්ථාන වැඳපුදා ගැනීමට යාමට පහසුකම් සැලසීම හා තායිලන්ත සංචාරකයන්ට මෙරට මහනුවර, දළදා මාළිගාව , ශ්‍රී මහා බෝධිය, අටමස්ථාන ඇතුළු බෞද්ධ සිද්ධස්ථාන නැංවීමට පහසුකම් සැලසෙන මෙම ගිවිසුමට ශ්‍රී ලංකා සංචාරක ප්‍රවර්ධන අධිකාරිය වෙනුවෙන් එහි සභාපති කිෂූ ගෝමස් මහතා සහ තායිලන්ත සංචාරක අධිකාරියේ නියෝජ්‍ය ප්‍රධානී චට්ටාන් කුන්ජාරා හා සයුද්යා යන මහත්වරුන් අතින් අත්සන් තැබූහ.
තායිලන්ත සංචාරක අධිකාරියේ නිළධාරීන්, එරට සංචාරක නියෝජිතයන් සහ මාධ්‍යවේදීන් ඇතුළු 60 දෙනෙකුගෙන් යුතු නියෝජිත පිරිසක් මෙරටට පැමිණ සිටින අතර, ඔවුන් ජූලි 01දා දක්වා ශ්‍රී ලංකාවේ රැඳී සිටිමින් දැකුම්කළු හා පුරාවිද්‍යාත්මක වටිනාකමකින් යුතු ස්ථාන නැරඹීමට යනු ඇත.
මෙම අවබෝධතා ගිවිසුම අත්සන් කිරීම නිමිත්තෙන් කොළඹ හිල්ටන් හෝටලයේ පසුගිය 27දා පැවැති උත්සවයේදී කතාකළ සංචාරක , ක්‍රිස්තියානි ආගම් හා වන ජීවි ඇමති ජෝන් අමරතුංග මහතා තායිලන්තයත් ශ්‍රී ලංකාවත් බෞද්ධ රටවල් බැවින් දෙරටේම අවශ්‍යතා සමාන බව කීය. මෙම ගිවිසුම නිසා තායිලන්ත සංචාරකයන් ශ්‍රී ලංකාවේ වැදගත් සිද්ධස්ථාන, පුරාවිද්‍යාස්ථාන හා දර්ශනීය ප්‍රදේශ නැරඹීමට හැකිවන බවද අමාත්‍යවරයා පැවැසීය.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
