ෆුජි කන්දේ අතරමං වුණොත් ගලවා ගැනීම්වලට ගාස්තු ගෙවන්න වෙයි

ලබන වසරේ සිට කාර්ය බහුල නොවන කාලවදී ෆුජි කන්ද තරණය කිරීමට උත්සාහ කර හෙලිකොප්ටරයෙන් ගලවා ගැනීමට සිදුවුවහාත්
ඒ වෙනුවෙන් ගෙවීමට සිදුවන බව කඳු මුදුනේ උතුරු කොටස පාලනය කරන බලධාරීන් පවසයි.

ජපානයේ යමනාෂි ප්‍රාන්තය නොසැලකිලිමත් සහ දුර්වල ලෙස සූදානම් කඳු නගින්නන් වැළැක්වීම සඳහා හඳුන්වා දෙන පියවර 
මාලාවක් අතර මෙම ගාස්තුවද ඇතුළත් වේ.

සයිටාමා ප්‍රාන්තයේ අනෙකුත් කඳුකර ප්‍රදේශ සඳහා මිනිත්තු පහකට යෙන් 8,000 (ඩොලර් 51; පවුම් 38) ක සමාන ගාස්තුවක්
 දැනටමත් ක්‍රියාත්මක වන අතර එය යොමු කිරීමක් ලෙස භාවිතා කරනු ඇත.

යමානෂි බලධාරීන් විසින් ඕෆ්-සීසන් කාලය තුළ ෆුජි තරණය කිරීමට බලාපොරොත්තු වන අයගෙන් සවිස්තරාත්මක කඳු 
නැගීමේ සැලසුම් ඉදිරිපත් කරන ලෙස ද ඉල්ලා සිටිනු ඇත.

"ඕෆ්-සීසන් කාලය තුළ නැගීමෙන් වළකින ලෙස අපි මහජනතාවගෙන් ඉල්ලා සිටිමු. මෙම පියවරයන් ශීත ඍතුවේ දී ෆුජි කන්ද 
තරණය කිරීම කෙබඳුදැයි නැවත සිතා බැලීමට ජනතාව පෙළඹෙනු ඇතැයි අපි බලාපොරොත්තු වෙමු," යමානෂි ආණ්ඩුකාර 
කොටාරෝ නාගසාකි  පැවසීය.

ෆුජි හි දකුණු කොටස පාලනය කරන යමනාෂි සහ අසල්වැසි ෂිසුඕකා ප්‍රාන්තයේ නිලධාරීන්, ඕෆ්-සීසන් සහ සැලසුම් නොකළ
කඳු නැගීම්වල වැඩිවීමක් දැක ඇති අතර, ඒවායින් සමහරක් කඳු නගින්නන් අතරමං කර ඇත.

ෂිසුඕකා බලධාරීන් පවසන්නේ ඕෆ්-සීසන් කඳු නැගීමේ උත්සාහයන් ලියාපදිංචි කිරීමට අපොහොසත් වන පුද්ගලයින්ට දඬුවම් 
නියම කරන බවත්, සීමා සහිත ප්‍රදේශවලින් කඳු නගින්නන් වළක්වා ගැනීමේ උත්සාහයන් ශක්තිමත් කරන බවත්ය.