සැක සහිත මරණ දෙකක්

වීරඹුගෙදර පොලිස් වසම - 2026.02.26 දින දහවල් වීරඹුගෙදර පොලිස් වසමේ ගෝනව දෙමටලන්දවත්ත  ලඳුකැලෑ ප්‍රදේශයක සැකකටයුතු ලෙස මියගිය කාන්තා මළසිරුරක් ඇති බවට වීරඹුගෙදර පොලිස් ස්ථානයට ලද පණිවිඩයක් මත විමර්ශන ආරම්භ කර ඇත. මරණකාරිය අවුරුදු 65 ක් වූ ගෝනව, වීරඹුගෙදර ප්‍රදේශයේ පදිංචිකාරියකි. මරණකාරියගේ ගෙලෙහි කුඩා ලනුවක් නිරීක්ෂණය වී ඇති අතර කාන්තාවගේ මෘත ශරීරය ආසන්නයේ ඇයට අයත් බවට සැකකරන ගමන් බෑගයක් හා මුදල් පසුම්බියක්ද වැටී තිබී පොලිසිය විසින් සොයා ගෙන ඇත. මරණයට හේතුව මෙතෙක් අනාවරණය වී නොමැති අතර වීරඹුගෙදර පොලිසිය වැඩිදුර විමර්ශන සිදු කරනු ලබයි.