ස්වර්ණමහල් හිටපු අධ්‍යක්ෂකවරුන්ට ඇප

ස්වර්ණමහල් ජුවලර්ස් (පුද්) සමාගමේ හිටපු අධ්‍යක්ෂවරුන් වන ජීවක එදිරිසිංහ, අසංක එදිරිසිංහ, දීපා එදිරිසිංහ සහ නාලක එදිරිසිංහ යන අයට ඇප ලබා දී තිබේ.

ඒ අනුව එක් එක් පුද්ගලයා ට රුපියල් ලක්ෂ 10 බැගින් වු ශරීර ඇප දෙකක් මත මුදා හැරීමට කොටුව මහෙස්ත්‍රාත් ප්‍රියන්ත ලියනගේ මහතා අද (01) නියෝග කර ඇත.

ඒ ස්වර්ණමහල් ආයතනය තුළ සිදුවූයේයැයි පැවසෙන මුල්‍ය වංචාවන් සඳහා ව්‍යවස්ථාපිත වැරදි සම්බන්ධයෙන් කොළඹ කොටුව මහෙස්ත්‍රාත් අධිකරණයේ පවතින නඩුවට අදාළවය. 

ජූනි මස 2 වන දින යළි නඩුව කැඳවීමට නියමිතය.