සංවිධානාත්මක අපරාධ කල්ලි සාමාජිකයෙකු අයිස් මත්ද්‍රව්‍ය සමඟ අත්අඩංගුවට

සංවිධානාත්මක අපරාධ කලින් කල්ලි සාමාජිකයෙකු  අයිස් මත්ද්‍රව්‍ය ග්‍රෑම් 5ක් සමග හෝමාගම  පනාගොඩ ප්‍රදේශයේදී ඊයේ  රාත්‍රී  අත්අඩංගුවට ගත් බව පොලිස් විශේෂ කාර්ය බළකා සංවිධානාත්මක අපරාධ මර්ධන ඒකකය කියයි

පොලිස් විශේෂ කාර්යය බලකා සංවිධානාත්මක අපරාධ මර්දනය ඒකකයේ  නිලධාරීන්ට විශේෂ කාර්ය බලකා අණදෙන නිලධාරියා විසින් ලබාදුන් තොරතුරකට අනුව දීර්ඝ විමර්ශනයකින් පසු සැකකරු අත්අඩංගුවට ගත් බව පොලිස් නිලධාරියෙක් පැවැසීය

අත්අඩංගුවට ගත් සැකකරු 2007 වසරේ සිට 2011 වසර දක්වා නාවික හමුදාවේ 2012 වසරේ සිට යුද්ධ හමුදාවේ සෙබළු ලෙස වසර පහක් සේවය කර ඇති තැනැත්තෙක් බව පොලිසිය කියයි

සංවිධානාත්මක අපරාධ මර්ධන ඒකකය මගින් පසුගිය වසරේ ජූලි මස 3 වෙනි දින වැලිගම තුම්මෝදර ප්‍රදේශයේදී හෙරොයින් මත්කුඩු ග්‍රෑම් තිස් හතරක් සමග අත්අඩංගුවට ගත්  ප්‍රබල සංවිධානාත්මක අපරාධ කල්ලි සාමාජිකයෙකු වන ජේරම් කෝලිත ද සිල්වා  නැමැත්තාගේ සමීපතමයකු බව පොලිසිය  කියයි

අත්අඩංගුවට ගත් සැකකරු වැඩිදුර විමර්ශන සඳහා මීගොඩ පොලිසිය වෙත භාර දී ඇත

පොලිස් විශේෂ කාර්ය බලකා සංවිධානාත්මක අපරාධ මර්ධන ඒකක 2 ස්ථානාධිපතිවරයා ඇතුළු නිලධාරීන් කණ්ඩායමක් වැටලීම සිදුකළහ

 බණ්ඩාරගම බිමල් ශ්‍යාමන් ජයසිංහ