සපුගස්කන්ද ලොකු කරන්න රු මි 1684ක් වැය කළත් ව්‍යාපෘතියක් ක්‍රියාත්මක වෙලා නෑ

බලශක්ති සුරක්ෂිතතාවය  වැඩිදියුණු කිරිමේ  අරමුණින්  සපුගස්කන්ද  පිරිපහදුව පුළුල්කර  දෙවන පිරිපහදුවක් ඉදිකිරිමට   ශක්‍යතා අධ්‍යයනයක් ඇතුළු ඉඩම් අත්පත්කර ගැනිම සදහා රුපියල් මිලියන  1,684.53  මුදලක්  වැයකොට  තිබුණද  එකි  ව්‍යාපෘතිය මේවනතෙක් ක්‍රියාත්මක කර නොතිබු බව  අනාවරණය වි ඇත.

 මෙහි ශක්‍යතා අධ්‍යයනය කිරිම සදහා 2021 වර්ෂයේ දි  රුපියල් මිලියන 171.39 ක  වියදමක් දරා තිබුණි. පිරිපහදුව නවිකරණය කිරිම හෝ  පුළුල් කිරිම සම්බන්දයෙන් කිසිදු භෞතික ප්‍රගතියක්  දක්නට නොලැබුණු බවද විගණනය මගින් ද අනාවරණය කොට ඇත. මෙකි ව්‍යාපෘතිය සදහා අත්පත්කරගත් ඉඩම  නිෂ්කාර්යව හා ප්‍ර යෝජනයට නොගෙන පවතින අතර  එම ඉඩම ආර්ථික වශයෙන් පලදායි කටයුත්තක් සදහා ඛනිජතෙල්  සංස්ථාව විසින් යොදාගෙන නොතිබුණි. පිරිපහදු කළ

 මෙරටට  බොරතෙල් සහ ඛනිජතෙල් නිෂ්පාදන  ආනයනය කිරිම සදහා වසරකට  ආසන්න වශයෙන් ඩොලර් මිලියන 4,233ක් පමණ වැයවේ. එය ශ්‍රිලංකාවේ මුළු ආනයන වියදමෙන්  සියයට 25.2කි. මින් ඇමරිකානු ඩොලර් මිලියන 3,095.50ක්  පිරිපහදු කළ ඛනිජතෙල් නිෂ්පාදන  සදහා වැයවේ. පිරිපහදු කළ ඛනිජතෙල් නිෂ්පාදන සදහා  වන දේශිය ඉල්ලුම සපුරාලිමේ දි  සපුගස්කන්ද පිරිපහදුව මගින් සියයට 25න් පමණ සපයනු ලබන අතර  සියයට 75ක් ආනයනය මගින් සපුරාගනු ලබයි.

  මේ සම්බන්දයෙන් බලශක්ති අමාත්‍යංශය සදහන් කරන්නේ  වත්මන් රජය බලයට පත්විමෙන් පසු  දිනකට බැරල් 1,0000 පිරිපහදු ධාරිතාවයක් සහිත  නව පිරිපහදුවක් ඉදිකිරිම සදහා  ජාත්‍යන්තර් සමාගම් වෙතින්  අභිලාෂ කැදවා ඇති බවය. ඒ සදහා අභිලාෂ  20ක් පමණ ලැබි ඇති අතර  මේවනවිට  එම ලේඛන  ගොනු ඇගයිම් කටයුතු සිදුකරමින් පවතින බවද බලශක්ති අමාත්‍යංශය පෙන්වාදෙයි.