සෞඛ්‍ය කාර්යමණ්ඩලයේ 6000 කොවිඩ්

- 4 09 2021 - 10:22 - {{hitsCtrl.values.hits}} views - ..

මේ වන විට සෞඛ්‍ය කාර්ය මණ්ඩල සාමාජිකයන් 6000 ක් පමණ දෙනා කොරෝනා ආසාදනයට ගොදුරු වී ඇති අතර කාර්ය මණ්ඩල සාමාජිකයන් 09දෙනකු ආසාදනයෙන් මිය ගොස් ඇති බව සෞඛ්‍ය අංශ පවසයි.

කොරෝනා ආසාදනයට ලක් වූ සෞඛ්‍ය කාර්ය මණ්ඩල සාමාජිකයන් අතර වෛද්‍යවරුන්, හෙදියන් හා කනිෂ්ඨ කාර්ය මණ්ඩල සාමාජිකයන් වැඩි වශයෙන් සිටින බව වාර්තා වී තිබේ.

කොරෝනා වසංගතය හමුවේ කැප වී ක‍්‍රියා කරන ඉදිරිපෙළ කණ්ඩායමක් සේ සැලකෙන සෞඛ්‍ය කාර්ය මණ්ඩල සාමාජිකයන් සිය ජීවිත අවදානම ද නොතකමින් කොරෝනා ආසාදිතයන්ට සත්කාර කිරීම හේතුවෙන් ඔවුන්ගේ පවුල්වල සාමාජිකයන් බොහෝදෙනකු ද කොරෝනා ආසාදනයට මේ වන විට ගොදුරු වී ඇති බව සෞඛ්‍ය අංශ පෙන්වා දෙයි.