සාකච්ඡා සේවයට වාර්තා කළොත් පමණයි
- 10 08 2018
- 17:16
- {{hitsCtrl.values.hits}} views
- රුවන් කාශ්‍යප
වෘත්තීය ගැටලු සාකච්ඡා මාර්ගයෙන් විසඳාගැනීම සඳහා යළි සේවයට වාර්තා කරන්නැයි රජය දුම්රිය වෘත්තීය සමිතිවල සාමාජිකයින්ගෙන් ඉල්ලා සිටියි. දුම්රිය වැඩවර්ජනය ක්‍රියාත්මක වූ අද දිනයේදීත් (10දා) අලුයම සිට විශේෂ දුම්රිය 9ක් ධාවනය කර මගී ජනතාවට පහසුකම් සැලසීමට දුම්රිය දෙපාර්තමේන්තුව සමත් වූ බව දුම්රිය අතිරේක දුම්රිය සාමාන්‍යාධිකාරී විජය සමරසිංහ මහතා පවසයි.
හලාවතල, මහනුවර, මහව, රඹුක්කන, මීරිගම, ගාල්ල, මාතර, අවිස්සාවෙල්ල, අනුරාධපුර - පොලොන්නරුව දුම්රිය අද දිනයේ ධාවනය කර තිබේ. අද සවස ද කාර්යාල දුම්රිය කිහිපයක් හෝ මගී ජනතාව වෙනුවෙන් ධාවනය කිරීමට දුම්රිය පාලක මැදිරිය විශේෂ උනන්දුවක් ගන්නා බව ද සමරසිංහ මහතා පවසයි.
ඊයේ රාත්‍රියේ ඉන්ධන දුම්රිය 3ක් ද ධාවනය කිරීමට හැකි බව සඳහන් කළ සමරසිංහ මහතා ඒ අතර කොළඹ කටුනායක ඉන්ධන දුම්රිය ධාවනය වූ බව වැඩිදුරටත් සඳහන් කළේය.
දුම්රිය වෘත්තීය සමිති විසින් පසුගිය 8 වැනිදා සිට කිසිදු දැනුම්දීමකින් තොරව හදිසියේ ගනු ලැබූ තීන්දුවක් අනුව දුම්රිය වැඩවර්ජනය කිරීම හේතුවෙන් උසස් පෙළ විභාගයට පෙනී සිටින දූ දරුවන් ඇතුළු සමස්ත දුම්රිය මගී ජනතාව දැඩි දුෂ්කරතාවයන්ට මුහුණ දීමට සිදු වූ බව රජය සඳහන් කරයි.
එසේ තිබියදී රජය මැදිහත් වී දුෂ්කරතාවයට පත් මගී ජනතාවගේ පහසුව සඳහා ලංගම බස්රථ පෞද්ගලික බස්රථ ඇතුළු පොදු ප්‍රවාහන සේවා කටයුතු පුළුල් කරමින් තත්ත්වය පාලනය කිරීම සඳහා උපරීම දායකත්වයක් ලබා දී ඇති බවත් රජයේ ප්‍රවෘත්ති දෙපාර්තමේන්තුව පවසයි.
popular news
-
Saman Saturday, 11 August 2018 12:01 PM
මේ අයව සේවයෙන් නෙරපා හැර දුම්රිය සේවය පුද්ගලික අංශයට බාරදෙන්න.මේ ඉල්ලීම ජනතාව වෙනුවෙන් කරන ආයාචනයක්.
Reply : 0 0
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
