විදුලි බලාගාර ජලාශවල ජල මට්ටම් ඉහළට

ඉහල කොත්මලේ ජල පෝෂක ප්‍ර දේශවලට ඇද හැලෙන අධික වර්ෂාවත් සමග එමඑ ජලාශයේ වාන් දොරටු දෙකක් (03) දින පස්වරුවේ විවෘත කර ඇති බව නුවරඑලිය දිස්ත්‍රික් ආපදා කලමණාකරණ ඒකකය පැවසිය.

එම ජල පෝෂක ප්‍රදේශවලට තවදුරටත්  අධික වැසි පතිත වුවහොත් එම ජලාශයේ සෙසු වාන් දොරටු ස්වයංක්‍රියව විවෘත වන බැවින් ජලාශ වේල්ලට පහලින් කොත්මලාඔයේ දෙපස පදිංචිකරුවන් සැලකිලිමත් ලෙස සිටින ලෙසයි නුවරඑලිය දිස්ත්‍රික් ආපදා කලමණාකරණ ඒකකය ඉල්ලා සිටියි.

කාසල්රි සහ මාවුස්සාකැලේ ජල පෝෂක ප්‍රදේශවලට ඇද හැලෙන අධික වර්ෂාව සමග එම ජලාශවල ජල මට්ටම පිටාර මට්ටමට ආසන්න වී ඇති බවත්, ජලාශවල ජල මට්ටම ඉහළ යෑමත් සමග ලක්ෂපාන, නව ලක්ෂපාන, කැනියොන්, පොල්පිටිය සහ විමලසුරේන්ද්‍ර යන ජල විදුලි බලාගාරවල විදුලි උත්පාදනය උපරිම ධාරිතාවෙන් සිදු කරන බවත්, එම නිසා කැනියොන් සහ ලක්ෂපාන ජලාශවල වාන් දොරටු විවෘත කර තිබිම නිසා කැළණි ගගේ ජල මට්ටම තරමක් ඉහළ ගොස් ඇති බවයි එම ජලාශභාර ඉංජිනේරුවරුන් කියා සිටියේ.