වූහාන් පරීක්ෂණ මිලියනයකින් කිසිම කොවිඩ් ආසාදිතයෙක් වාර්තා නොවෙයි

මධ්‍යම චීනයේ හුබෙයි පළාතේ වුහාන් නරගයේ මැයි 14 සිට ජුනි 1 දක්වා කාලය තුළ පුද්ගලයින් 9,899,828 ක් පී.සී.ආර්. පරීක්ෂාවට ලක් කර තිබේ.

මෙම පරීක්ෂණවලදී කොවිඩ් 19 ආසාදිත වූ බවට තහවුරු කරන ලද කිසිවෙක් සොයාගෙන නොමැති බව හුවාෂොං විද්‍යා හා තාක්ෂණ විශ්ව විද්‍යාලයේ වෛද්‍ය විද්‍යාලයේ මහාචාර්ය ලූ සුක්සුන් පැවසීය.

රෝග ලක්ෂණ සහිත පුද්ගලයන් 300 ක් සොයාගෙන නිරෝධායනය කරන ලද අතර, ඒ කිසිවක් තහවුරුකළ COVID-19 රෝගීන් බවට පත් නොවීය. ලූ පවසන පරිදි සමීප සම්බන්ධතා ඇති පුද්ගලයින් 1,174 දෙනා ආසාදනය සඳහා සෘණාත්මක වී තිබේ.

නගරය සිය කර්මාන්තශාලා, ව්‍යාපාර සහ පාසල් නැවත විවෘත කිරීමත් සමඟම රෝග ලක්ෂණ සොයා ගැනීම සහ සමාජයට සහනයක් ලබා දීම වෙනුවෙන් මෙම පරීක්ෂණ සිදුකර තිබේ.

නගර සෞඛ්‍ය කොමසාරිස් කාර්යාලය පැවසුවේ පරීක්ෂණ සඳහා සියලු වියදම් නගර හා දිස්ත්‍රික් රජයන් විසින් දරනු ලබන බවයි.

සුප්‍රසිද්ධ චීන වසංගත රෝග විද්‍යාඥ ලී ලන්ජුවාන් පැවසුවේ වුහාන් හි ඇති පරීක්ෂණ සංඛ්‍යාව මිලියන 10.9 ක් දක්වා ගෙන එන බවයි. මෙයින් අදහස් කරන්නේ වයස අවුරුදු 6 ට අඩු ළමුන් හැර, නගරයේ ජනගහනයෙන් “සම්පූර්ණ ආවරණය” කර ඇති බවත් ඇය පැවැසීය.

"වුහාන් දැන් ආරක්ෂිතයි. වුහාන් ජනතාව ආරක්ෂිතයි" ඇය මාධ්‍යයට පැවසුවාය.

පරීක්ෂණ ධාරිතාව ඉහළ නැංවීම සඳහා නගරයේ පරීක්ෂණ ආයතන 63 ක් බලමුලු ගන්වා ඇති බව වුහාන්ගේ සෞඛ්‍ය කොමිෂන් සභාවේ නියෝජ්‍ය අධ්‍යක්ෂ වැන්ග් වීහුආ මහතා පැවසීය.

වුහාන්හි දෛනික පරීක්ෂණ ධාරිතාව 300,000 සිට සාම්පල මිලියනයකට වැඩි කිරීමට ඔවුන් කටයුතු කර තිබේ.