විශේෂ පොලිස් මෙහෙයුමකින් 3880ක් අත්අඩංගුවට

දිවයිනම ආවරණය වන පරිදි ඊයේ (13) දිනයේ විශේෂ පොලිස් මෙහෙයුමක් සිදුකෙරුණු බව පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා පවසයි.

එහිදී අත්අඩංගුවට ගෙන ඇති සංඛ්‍යාව 3,880කි.

විවිධ වැරදි සම්බන්ධයෙන් සැකපිට පුද්ගලයින 672ක්, වරෙන්තු නිකුත් කරඇති 1,572ක්, විවිධ වැරදි සම්බන්ධයෙන් අවශ්‍යකර සිටි පුද්ගලයින් 127ක්, මත්පැන් සහ මත්ද්‍රව්‍ය වැරදි සම්බන්ධයෙන් 983ක්, නීති විරෝධී ගිනිඅවි ළඟතබා ගැනීමේ සිද්ධි සම්බන්ධයෙන් පුද්ගලයින් 8 දෙනෙකු සහ ගිනිඅවි 8ක් සහ බීමත්ව රිය පැදවීම සම්බන්ධයෙන් පුද්ගලයින් 518 දෙනෙකු එහිදී අත්අඩංගුවටගෙන තිබේ. 

පොලිස් ස්ථාන 494ක නිලධාරීන් 16,894ක් මෙම මෙහෙයුම සඳහා සම්බන්ධ වී තිබේ.