වලපනේ ගල්කොරියේ වැඩ තහනම් ‌කරයි

වලපනේ මලපට්ටාව ප්‍රදේශයේ නායයෑමට හේතු වුයේ  යැයි කියන ගල්කොරිය පවත්වාගෙන යාමට නිකුත් කර තිබෙන බලපත්‍රය අහොසි කිරිමට පියවර ගෙන ඇති බව නුවරඑළිය  දිස්ත්‍රික් ලේකම් රෝහණ පුෂ්පකුමාර මහතා පැවසිය.

දිස්ත්‍රික් ලේකම්වරයා මධ්‍යයට විශේෂ ප්‍රකාශයක් කරමින් අද  (04) මේ බැව් කියාසිටියේය.

මෙහිදි වැඩිදුරටත් අදහස් දැක්වු දිස්ත්‍රික් ලේකම්වරයා ,

අතුරුදහන් වු කලන පැතුම් සිසුවාගේ සිරුර සොයා දින තුනක් ශ්‍රි ලංකා යුධ හමුදාවේ නුවරඑළිය තුන්වන සිංහ රෙජිමේන්තුවේ භට පිරිස් විසින් අසිරු මෙහෙයුමක නිරත වුණා.

ප්‍රදේශයට පවතින වර්ෂාව නිසා සෙවිම් කටයුතු සිදු කරන්න ඉතාමත් අපහසුයි.  යුධ හමුදාවෙන් අපිට ප්‍රකාශයක් කලා තවදුරටත් සෙවිම් කටයුතු සිදු කිරිම නිෂ්ඵල කාර්යයක් බව.

මේ ප්‍රදේශයේ විශාල ගල් සහිත ප්‍රදේශයක් . කැනිම් කටයුතු සිදු කලත්  ආපසු වර්ෂාවක් පතිත වුණ වහාම කැනිම් කටයුතු සිදු කරපු ස්ථානවලට පස් පිරෙනවා.

දැනට ඒ පවුලේ ජිවත්ව සිටින අය දැනුවත් කලා කැනිම් කටයුතු සිදු කරන්න අපහසු බව .  ඒ  අනුව ඒ අය පැවසුවා කැනිම් කටයුතු සිදු කිරිම නතර කරන ලෙස. ඔවුන්ගේ එකඟතාවය ලිඛිතව අපිට ලබා දිලා තියෙනවා.

මේ සිද්ධිය සිදුවු වහාම රාත්‍රියේ වලපනේ පොලීසියේ නිලධාරින් , මතුරට පොලීසියේ නිලධාරින්,  අනෙකුත් පොලිස් ස්ථානවල නිලධාරින් , නුවරඑළිය  තුන්වන සිංහ රෙජිමේන්තුවේ අණදෙන  නිලධාරි මේජර් අසිත රණතිලක මහතා ඇතුළු පිරිස එදින රාත්‍රියේ සිටම මෙම ස්ථානයට ඇවිල්ලා මෙහෙයුම් කටයුතු වල නියැලුණා.

මෙම මෙහෙයුමට සහයෝගය දැක්වු ශ්‍රි ලංකා යුධ හමුදාවේ තුන්වන සිංහ රෙජිමේන්තුවේ අණදෙන නිලධාරි ඇතුළු භට පිරිසටත් , පොලීසියේ නිලධාරින්ටත්,  ප්‍රදේශවාසින්ටත් මෙම කටයුත්ත සිදු කිරිමට සහයෝගය දැක්විම සම්බන්ධයෙන් මම ස්තුතිය පුද කරනවා.

වලපනේ මලපට්ටාව ප්‍රදේශයේ පවත්වාගෙන යන ගල්කොරිය පවත්වා ගෙන යාමට භූවිද්‍යා සහ පතල් කැනිම් කාර්යාංශය තමයි බලපත්‍රය නිකුත් කරලා තියෙන්නේ.

මම ලිඛිතව දැනුම් දුන්නා ගල් කොරිය සම්බන්ධයෙන් මහජන විරෝධයක් පවතින බවත්, නැවත සැරයක් මේ ගල්කොරිය ආරම්භ කරනවා නම් ඉහළ  මට්ටමේ තාක්ෂණික පරික්ෂණයක් සිදු කරන ලෙස.

ඒ  අනුව කොළඹ ප්‍රධාන කාර්යාලයෙන් නියෝගය ලැබෙනවා මෙම ගල්කොරිය වහාම අත්හිටුවන්න කියලා. මෙහෙයුමේ නිතරව සිටි කාලයේ මෙම ගල්කොරියේ කටයුතු සිදු වුණේ නැ.

ඉදිරියටත්  ගල් කොරියේ කටයුතු සිදු නොකරන්න කටයුතු සුදානම් කරලා තියෙනවා භූවිද්‍යා සහ පතල් කැනිම් කාර්යාංශය මගින්.

මධ්‍යම පරිසර අධිකාරිය මගිනුත් මෙම ගල්කොරිය අත්හිටුවිම සදහා ඔවුන්ගේ ප්‍රධාන කාර්යාලය දැනුවත් කරලා තියෙනවා.

නායයාමට බලපැමක් සිදු වුවේ යැයි කියන වලපනේ මලපට්ටාව ප්‍රදේශයේ ගල් කොරිය පවත්වාගෙන යාමට නිකුත් කර ඇති බලපත්‍රය අහොසි කරන ලෙස බලකරමින් වලපනේ ප්‍රදේශයේ මහ සංඝ රත්නය,  ප්‍රදේශවාසින් එක්ව ඊයේ  (03)  දින වලපනේ මහනුවර ප්‍රධාන මාර්ගයේ නාරම්තලාව ප්‍රදේශයේදි සත්‍යග්‍රහයකද නිතර වුහ.