ලංකාව පොදු රාජ්‍ය මණ්ඩලයෙන් ඉවත්විය යුතුයි - සෝභිත හිමි
දෙමළ ඩයස්පෝරාවේ අවශ්‍යතා ඉටුකරන බවට පොරොන්දු දුන් එංගලන්ත නව අගමැති බොරිස් ජොන්සන් මහතාගේ ප‍්‍රකාශයට විරෝධය පා පොදුරාජ්‍ය ලංකාව වහා ඉවත්විය යුතුයැයි ආචාර්ය ඕමල්පේ සෝභිත හිමි පැවසූහ.
ඇඹිලිපිටියේ අද (17දා) පැවති මාධ්‍ය හමුවකදී උන්වහන්සේ මේ බව පැවසූහ. එහිදී තවදුරටත් අදහස් දැක්වූ ආචාර්ය ඕමල්පේ සෝභිත හිමි:
“අපිට ප‍්‍රශ්නයක් තියනවා. ලංකාවේ ප‍්‍රශ්නය ගැන බොරිස් ජොන්සන් මහත්තයාට මේ තරම් තියන කැක්කුම මොකක්ද කියලා. තවමත් ශ‍්‍රීලංකාව බ්‍රිතාන්‍යයේ කොළනියක්, යටත් විජිතයක් කියලා එක අතකින් ඔහු හිතාගෙන ඉන්නවද දන්නේ නෑ. අනෙක් කාරණාව තමයි ද්‍රවිඩ පිරිසත් එක්ක ඇතිවෙලා තියන සම්බන්ධතාව.
ශ‍්‍රී ලංකාව වහාම පොදුරාජ්‍ය මණ්ඩලයෙන් ඉවත් විය යුතුයි. පොදුරාජ්‍ය මණ්ඩලය කියන්නේ කැඩී බිඳියන්නට යන එංගලන්තය එසේ නෙවන්නට ඉඩනොදී පවත්වාගෙන යන්නට හදන සංවිධානයක් මිස වෙන මොකවත් නෙවෙයි.
පැවති යටත් විජිතවාදය පවත්වාගෙන යන්න ගන්න අසාර්ථක උත්සාහයකට තමයි පොදුරාජ්‍ය මණ්ඩලය කියන්නේ. ලංකාව එංගන්තයේ යටත් විජිතයක් කියල ජොන්සන් මහත්තයා හිතනවනම් ඒක සම්පූර්ණයෙන්ම වැරදියි. පොදුරාජ්‍ය මණ්ඩල සාමාජිකත්වයෙන් වහා ඉල්ලා අස්විය යුතුයි.”
අජිත්ලාල් ශාන්තඋදය සහ කොලොන්නේ ජේ නානායක්කාර
popular news
-
Deepal Nirosh Wednesday, 18 December 2019 10:40 AM
කතාව ඇත්ත, මහා බ්‍රිතාන්‍යය හිතාන ඉන්නෙ පොදු රාජ්‍ය මණ්වලයේ ඉන්න අනිකුත් රටවල් තමුන්ගේ යටත් විජිතයන් කියල. ඒ නිසා මේ කාරණය රටේ ස්වාධීනත්වය තහවුරු කර ගැනීමට ගත යුතු කාලීන පියවරක්. හැබැයි ඊට පෙර මේ යෝජනාව පාර්ලිමේන්තුවට ඉදිරිපත් කර 2/3 අනුමැතියක් ලබා ගත යුතුයි.
Reply : 0 0
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
