රුසියාවෙන් තෙල් මිලදී ගැනිම නවත්වන බව මෝදි කිව්වා - ට්‍රම්ප්

රුසියානු තෙල් මිලදී ගැනීම නැවැත්වීමට ඉන්දීය අගමැති නරේන්ද්‍ර මෝදි එකඟ වී ඇති බව  ඇමෙරිකානු ජනාධිපති 
ඩොනල්ඩ් ට්‍රම්ප් පවසයි. යුක්රේන - රුසියා යුද්ධය අවසන් කිරීමේ උත්සාහයේ කොටසක් ලෙස ක්‍රෙම්ලිනයට ආර්ථික
 පීඩනය යෙදීමට එක්සත් ජනපදය ගන්නා උත්සාහයක් අනුව ඉන්දියාව රුසියාවේ තෙල් මිලදී ගැනීම නවතා දැමිය යුතු බව ඇමෙරිකා ජනපති සඳහන් කරයි.

ට්‍රම්ප් වාර්තාකරුවන්ට පැවසුවේ ඉන්දියාව "කෙටි කාලයක් ඇතුළත" මිලදී ගැනීම් නවත්වන බවට මෝදිගෙන් 
තමාට සහතිකයක් ලැබුණු බවත්, එය ඔහු "විශාල නැවතුමක්" ලෙස හැඳින්වූ බවත්ය.

ට්‍රම්ප්ගේ ප්‍රකාශයන්ට ප්‍රතිචාර දක්වමින් ඉන්දීය රජයේ ප්‍රකාශකයෙකු පැවසුවේ "ඉන්දියාව සමඟ
 බලශක්ති සහයෝගීතාව ගැඹුරු කිරීමට උනන්දුවක් දක්වන" එක්සත් ජනපද පරිපාලනය සමඟ සාකච්ඡා
 "සිදුවෙමින් පවතින" බවයි.

"අස්ථාවර බලශක්ති තත්වයක් තුළ ඉන්දියානු පාරිභෝගිකයාගේ අවශ්‍යතා ආරක්ෂා කිරීම සඳහා අපගේ ස්ථාවර 
ප්‍රමුඛතාවයයි. අපගේ ආනයන ප්‍රතිපත්ති සම්පූර්ණයෙන්ම මෙහෙයවනු ලබන්නේ මෙම අරමුණින්" බවයි, 
ප්‍රකාශකයා පැවසීය.

තෙල් සහ ගෑස් රුසියාවේ විශාලතම අපනයන වන අතර මොස්කව්හි විශාලතම ගනුදෙනුකරුවන් අතර චීනය, 
ඉන්දියාව සහ තුර්කිය ඇතුළත් වේ.