රුසියානු තෙල් පර්යන්තයට යුක්‍රේනයෙන් ඩ්‍රෝන ප්‍රහාරයක්

රුසියාවේ ශාන්ත පීටර්ස්බර්ග් හි ප්‍රධාන තෙල් පර්යන්තයකට යුක්රේනය ඩ්‍රෝන ප්‍රහාර මාලාවක් ඒල්ල කළ බව යුක්‍රේන ජනපති වොලොඩිමියර් සෙලෙන්ස්කි පැවසීය.

 "රුසියාවේ යුද්ධයට ආදායම් උපයන යටිතල පහසුකම්" වලට මෙම ප්‍රහාරය එල්ල කළ බවත් කලාපයේ ප්‍රධාන රුසියානු නාවික කඳවුරකට ද පහර දුන් බව යුක්රේනය පැවසීය.

ශාන්ත පීටර්ස්බර්ග් ආණ්ඩුකාර ඇලෙක්සැන්ඩර් බෙග්ලොව් පැවසුවේ නගරය "දැවැන්ත" ඩ්‍රෝන ප්‍රහාරයකට ලක්ව ඇති බවත්, තෙල් පර්යන්තය පහර දුන් බවත් පිළිගත්තේය.ඔහු කිසිදු ජීවිත හානියක් වාර්තා කළේ නැත.

යුක්රේනය මෑතකදී රුසියාවේ තීරණාත්මක බලශක්ති යටිතල පහසුකම් මත දිගු දුර ඩ්‍රෝන ප්‍රහාර තීව්‍ර කර ඇති අතර එමඟින් පුළුල් ඉන්ධන හිඟයක් ඇති වේ. එහි ප්‍රතිඵලයක් ලෙස රුසියාවේ තෙල් පිරිපහදු ධාරිතාවෙන් 43% ක් පමණ "අක්‍රිය" වී ඇති බව කියෙව් පවසයි.

මොස්කව් සිය යුද ප්‍රයත්නය දිගටම කරගෙන යාම සඳහා පොසිල ඉන්ධන අපනයන මත දැඩි ලෙස රඳා පවතින බැවින් රුසියානු තෙල් සහ ගෑස් පහසුකම් නීත්‍යානුකූල ඉලක්ක බව යුක්රේනය පවසයි.

රුසියානු ජනාධිපති ව්ලැඩිමීර් පුටින් 2022 පෙබරවාරි මාසයේදී යුක්රේනයට පූර්ණ පරිමාණයේ ආක්‍රමණයක් දියත් කළේය.