රු.බි. 26ක් වියදම් වුවත් කොළඹ ඝන අපද්‍රව්‍ය කළමණාකරණ ව්‍යාපෘතිය තවමත් අවසන් නෑ

කොළඹ අගනගරය ආශ්‍රිත ඝන අපද්‍රව්‍ය  කළමණාකරණ  ව්‍යාපෘතිය සදහා මේ වනවිට  රුපියල් මිලියන 26,029.06ක මුදලක්  වැයකොට තිබුණද  ව්‍යාපෘතියේ ඉදිකිරිම් කටයුතු  අවසන් වි නොමැතිවිම හේතුවෙන් මෙකි ව්‍යාපෘතිය මගින් අපේක්ෂිත  ප්‍රථිපල ලබා ගැනිමට නොහැකිවි ඇති බව අනාවරණය වි ඇත.

මෙම ව්‍යාපෘතිය  ආරම්භකර දැනට වසර 09ක් ගතවි ඇති අතර  එහි ඉදිකිරිම් කටයුතු අවසන් වි නොමැති බැවින්  ව්‍යාපෘතිය සක්‍රියකර  අපේක්ෂිත ප්‍රථිපල ලබා ගැනිමට නොහැකිවි ඇති බවද  අනාවරණය වි තිබේ. මෙම ව්‍යාපෘතියේ ඇස්තමේන්තුගත වටිනාකම රුපියල් මිලියන 33,237.76කි.

මෙකි ව්‍යාපෘතිය 2017 වර්ෂයේ  දෙසැම්බර් මස 29 වැනිදින ආරම්භකර 2019 ජුනි මස 30 වැනිදින වනවිට  අවසන් කිරිමට සැලසුම්කොට තිබුණි. පැකේජ 04ක් යටතේ  මෙම ව්‍යාපෘතිය ක්‍රියාත්මක කිරිමට සැලසුම්කොට තිබුණි.
 මෙහි කසළ හුවමාරු මධ්‍යස්ථානය, සනිපාරක්ෂක බිම් පිරවුම, දුම්රිය මාර්ග දිර්ඝ කිරිමේ කොන්ත්‍රාත්තුව  චින සමාගමක් වෙත පවරා තිබුණි.

මෙකි  චින සමාගමේ ප්‍රමාදය නිසා වරින්වර   දිර්ඝ කිරිම් ලබා දි තිබුණද  ඉදිකිරිම් කටයුතු ඉකුත් වර්ෂය අවසන්වනවිටත් අවසන්කර නොතිබුණි. මෙකි ව්‍යාපෘතිය සදහා ආනයනය කොට තිබු  දුම්රිය බහාලුම් පෙට්ටි 94ක්  ව්‍යාපෘතියේ අරමුණ  සදහා යෙදවිමට නොහැකිවි  තිබුණි. නිවාස ඉදිකිරිම් හා ජලසම්පාදන  අමාත්‍යංශය විසින් 2025 වර්ෂයට අදාළව නිකුත්කොට ඇති කාර්යසාධන වාර්තාවට ඇතුළත්කොට ඇති  විගණන වාර්තාවේ මෙම තොරතුරු ඇතුළත්ව  ඇත.