රැඳවියෙක්ට මත්ද්‍රව්‍ය දිමට පැමිණි‌ බවට සැකපිට පුද්ගලයෙකු අත්අඩංගුවට

වැලිකඩ බන්ධනාගාරයේ රදවා සිටි සිරකරුවෙකුට මත්ද්‍රව්‍ය ලබාදිමට පැමිණි බව කියන පුද්ගලයෙකු බොරැල්ල පොලීසිය විසින් අද අත්අඩංගුවට ගෙන තිබේ.

වැලිකඩ බන්ධනාගාර පරිශ්‍රය මුහුණලා ඇති බේස්ලයින් මාවතේ පදික වේදිකාවේ සිට පුද්ගලයෙකු ඔත්තු බලමින් සැකකටයුතු ලෙස හැසිරෙමින් සිටින බව බන්ධනාගාර වැඩ කණ්ඩායම් භාරව සිටි නිලධාරියෙකු බන්ධනාගාර අවි අංශය දැනුවත් කර ඇති බවත් ඒ අනුව මෙම පුද්ගලයා නිලධාරින් භාරයට ගත් බවත් බන්ධනාගාර කොමසාරිස් (පාලන) මාධ්‍ය ප්‍රකාශක චන්දන ඒකනායක මහතා පැවසීය.