රත්මලාන අවන්හලකින් මුදල් කොල්ල කෑ පුද්ග‍ලය‍ෙකු අත්අඩංගුවට
රත්මලාන ප්‍රදේශයේ ප්‍රදේශයේ පිසූ ආහාර අලෙවි කරන ආපන ශාලාවකින් මුදල් කොල්ලකා ,සේවකයන් දෙදෙනකුට තුවාල සිදුකර පලායමින් සිටි පුද්ග‍ලය‍ෙකු වෙඩි තබා අත්අඩංගුවට ගත් බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතිඥ නිහාල් තල්දූව මහතා පැවසීය.
එම සැකකරු පැමිණි යතුරුපැදිය මෙන්ම මන්න පිහියක් සහ රම්බෝ වර්ගයේ පිහියක් පොලිසිය භාරයට ගෙන ඇත.
ආපනශාලාවට රම්බෝ වගේ පිහිය රැගෙන කඩා වැදුණු සැකකරු මුදල් අයකැමි ට තියුණු ආයුධය පෙන්වා මරණීය තර්ජනය කර මුදල් කොල්ල කෑමෙන් අනතුරුව එහි සේවකයන් සහ පැමිණි සිටි පාරිභෝගිකයන් වටකර පහර දී ඇති අතර ,අනතුරුව සැකකරු මාර්ගය ගමන් ගත් ත්‍රී රෝද රථයක් බලහත්කාරයෙන් නවතා ත්‍රී රෝද රථයෙන් පලායමින් සිට ඇතැයි පොලීසිය සඳහන් කරයි.
එම අවස්ථාවේදී රත්මලාන බේකරිය හන්දිය ප්‍රදේශයේදී රාත්‍රී රාජකාරි කරමින් සිටි පොලිස් නිලධාරීන් විසින් මාර්ගයේ අපරික්ෂාකාරී ලෙස ධාවනය වන තිරෝද රථය පිළිබඳ සොයා බැලීම සඳහා එම ස්ථානයට යාමේදී එහි සිටි සැකකරු එයින් පිටතට පැන පලා යමින් සිට ඇතැයි මා ප්‍රකාශක වරයා කීය.
එම අවස්ථාවේදී පොලිස් නිලධාරීන් පසුපස හඹාගොස් සැකකරු අත්අඩංගුවට ගැනීමට යාමේදී සැකකරු පොලිස් නිලධාරීන් හා පොරබදා පොලිස් නිලධාරියෙකුට පිහියෙන් ඇනීමට තැත්කිරීමේදි අනෙක් පොලිස් නිළධාරීයා විසින් සැකකරුට පාදයකට වෙඩි තබා අත්අඩංගුවට ගෙන තිබූ බව පොලිස් මාධ්‍ය ප්‍රකාශකවරයා වැඩිදුරටත් පැවසීය
අත්අඩංගුවට ගත් සැකකරු රත්මලාන බෙලෙක්කඩේ හන්දිය පදිංචි පුද්ගලයෙකි.
සැකකරු පොලිස් ආරක්ෂාව මධ්‍යයේ කළුබෝවිල ශික්ෂණ රෝහලේ ප්‍රතිකාර ලබන බවත් මාධ්‍ය ප්‍රකාශකවරයා වැඩිදුරටත් පැවසීය. ගල්කිස්ස පොලිසිය පරීක්ෂණ පවත්වයි.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
