රාජ්‍ය ආයතන හෝ පළාත් රාජ්‍ය ආයතනවලට විදේශ රටවල් සමඟ ගිවිසුම් බෑ - ලක්ෂ්මන්
කිසිම රාජ්‍ය ආයතනයකට හෝ පළාත් රාජ්‍ය ආයතනයකට මින් ඉදිරියේදි විදේශ රටවල් සමග කිසිදු ගිවිසුමකට හෝ අවබෝධතා ගිවිසුමකට එළඹිය නොහැකි බව ජනාධිපතිවරයා විසින් ප්‍රකාශ කළ බව තොරතුරු සන්නිවේදන තාක්ෂණ රාජ්‍ය අමාත්‍ය ලක්ෂ්මන් යාපා අබේවර්ධන මහතා ප්‍රකාශ කළේය.
රජයේ පවතින නිර්ණායකවලින් පිට ක්‍රියා කිරීමට එමඟින් නොහැකි වන අතර එමඟින් රටේ විනයක් ඇති කරමින් රට පාලනය කළ යුතු බවද අමාත්‍යවරයා පැවසීය.
අමාත්‍යවරයා මේ බව පැවසුවේ අද (24) පෙරවරුවේ ජනමාධ්‍ය අමාත්‍යංශයේදී පැවති මාධ්‍ය සාකච්ඡාවකදිය.
ජාත්‍යන්තර සහයෝගීතා රාජ්‍ය අමාත්‍ය සුසිල් ප්‍රේමජයන්ත මහතාද මෙම මාධ්‍ය හමුවේදී අදහස් දැක්වු අතර අමාත්‍යවරයා පැවසුවේ රාජ්‍ය අංශයේ දූෂණ අවම කරමින් කාර්යක්ෂම සේවාවක් බවට පත්කිරීම සදහා නව තාක්ෂණය යොදාගෙන කෙටි කාලයක් තුළදි රාජ්‍ය අංශය ඩිජිටල්කරණය කිරීමට තීරණය කළ බවයි. මේ වනවිට ඒ සදහා අවශ්‍ය මූලික වැඩකටයුතු සාකච්ඡා කර අවසන් අතර එක්සත් ජාතීන්ගේ මානව සංවර්ධන අරමුදල තාක්ෂණ සහාය ලබාදීමට කැමැත්ත ප්‍රකාශ කර ඇති බවද අමාත්‍යවරයා මෙහිදි පැවසීය.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
