යුද්ධය යන්නේ තවත් උපරිම සති තුනයිලු

එක්සත් ජනපදය ඉතා ඉක්මනින් ඉරානයෙන් ඉවත් වෙනු ඇති බවත් ඉරානයට එරෙහි එක්සත් ජනපද හමුදා ක්‍රියාමාර්ග "සති දෙකක් හෝ තුනක්" ඇතුළත අවසන් විය හැකි බවත් ඇමෙරිකා ජනපති ඩොනල්ඩ් ට්‍රම්ප් පැවැසිය.

ධවල මන්දිරයේදී වාර්තාකරුවන් අමතමින් ඔහු පැවැසුවේ පෙබරවාරි මාසයේ අගභාගයේදී ඊශ්‍රායලය සමඟ එක්ව
ඉරානයට එරෙහි ගුවන් ප්‍රහාර ආරම්භ කිරීමට පෙර එක්සත් ජනපදය පිහිටුවා ගත් ඉලක්ක සපුරා ඇති බවයි.

න්‍යෂ්ටික අවියක් ලබා ගැනීමේ ඉරානයේ හැකියාව සීමා කිරීමේ මූලික ඉලක්කය සපුරා ඇති බවත් එක්සත් ජනපදය 
දැන් "කාර්යය අවසන් කරමින් සිටින" බවත් ඔහු පවසයි. ට්‍රම්ප් පවසන්නේ එක්සත් ජනපදය දැන් ඉරාන අහසේ 
ආධිපත්‍යය දරන බවත් ජ්‍යෙෂ්ඨ දේශපාලන හා හමුදා නායකයින් බොහෝ දෙනෙකු ඝාතනය කිරීමෙන් පසු 
පාලන තන්ත්‍ර වෙනසක් අත්කර ගෙන ඇති බවත්ය. 

ඔහු ටෙහෙරානයේ නව නායකයින් විස්තර කළේ ඔවුන්ගේ පූර්වගාමීන්ට සාපේක්ෂව "බොහෝ අඩු රැඩිකල්කරණය
 වූ" සහ "වඩා තාර්කික" අය ලෙසයි.ට්‍රම්ප් පවසන්නේ යුද්ධය අවසන් කිරීම සඳහා ඉරාන නායකයින්  එක්සත් ජනපදය සමඟ "ගිවිසුමක් ඇති කර ගැනීමට  අයැද සිටින" බවයි.

දෙපාර්ශ්වය අතර ගිවිසුමකින් තොරව යුද්ධය අවසන් විය හැකි බව ඔහු තවදුරටත් පවසයි. එක්සත් ජනපදය සිය හමුදා ක්‍රියාමාර්ග අවසන් කළ වහාම ඉහළ ගොස් ඇති ඉන්ධන මිල පහත වැටෙනු ඇතැයි ජනාධිපතිවරයා පවසයි.