යුද්ධය අවසන් කරන්න ඉරානය හා ඇමෙරිකාව අවබෝධතා ගිවිසුමකට

ධවල මන්දිරය යුද්ධය අවසන් කිරීම සම්බන්ධයෙන් ඉරානය සමඟ අවබෝධතා ගිවිසුමකට එළඹීමට ආසන්න බව
Axios පුවත් සේවය වාර්තා කරයි.

එක්සත් ජනපද නිලධාරීන් දෙදෙනෙකු උපුටා දක්වමින් එම පුවත් සේවය වාර්තා කරන්නේ යුද්ධය අවසන් කිරීම පිළිබඳව කෙටියෙන් දක්වා ඇති ප්‍රකාශනයක් මෙහිදී එළිදැකිවීමට නියමිත බවයි.එම සංදේශය වඩාත් සවිස්තරාත්මක න්‍යෂ්ටික සාකච්ඡා සඳහා රාමුවක් සැකසිය හැකි එක් පිටුවක සංදේශයක් ලෙස විස්තර කරයි.

එහි ලැයිස්තුගත කර ඇති විධිවිධාන අතර ඉරාන න්‍යෂ්ටික පොහොසත් කිරීම අත්හිටුවීම, සම්බාධක ඉවත් කිරීම
 සහ හෝමූස් සමුද්‍ර සන්ධිය හරහා නිදහස් ගමනාගමනය යථා තත්ත්වයට පත් කිරීම ඇතුළත් වේ.න්‍යෂ්ටික පොහොසත් කිරීම අවසන් කිරීම සහ සමුද්‍ර සන්ධිය නැවත විවෘත කිරීම මේ දක්වා සාකච්ඡාවල ප්‍රධාන ගැටළු බවට පත්ව ඇත. 

සංදේශයේ දක්වා ඇති බොහෝ නියමයන් අවසන් ගිවිසුමකට එළඹීම මත රඳා පවතින බව Axios මූලාශ්‍ර උපුටා දක්වයි.ඉදිරි පැය 48 තුළ එක්සත් ජනපදය ප්‍රතිචාරයක් අපේක්ෂා කරන අතර, තවමත් කිසිවක් එකඟ වී නොමැති බව මූලාශ්‍ර උපුටා  දක්වමින් එය වාර්තා කරයි.