මුන්දලමේ ගිනි අවි සෙල්ලම් දැමු දෙදෙනෙකු අත්අඩංගුවට

මුන්දලම ප්‍රදේශයේ අවස්ථා දෙකකදී වෙඩි තැබිම් දෙකක් සිදුකර එම ප්‍රදේශයෙ නොසන්සුන්තාවයක් ඇති කල බව කියන සැකකරුවන් දෙදෙනෙකු වෙඩි තැබිමට යොදා ගත් ගිනි අවිය සමග පුත්තලම කොට්ඨාශ අපරාධ කාර්යාංශයේ නිළධාරීන් විසින් සිදුකල මෙහෙයුමකින් පසු 28  දින අත් අඩංගුවට ගැනිමට කටයුතු කර තිබුනී.

මෙලෙස අත් අඩංගුවට ගෙන තිබුනේ අවුරුදු 30 හා 37 වයස් සිමාවල සැකකරුවන් දෙදෙනෙකු වන අතර මොවුන් මුන්දලම නවදන්කුලම පදිංචිකරුවන් බව කියයි.

මෙම අත් අඩංගුවට ගැනිම සදහා පුත්තලම කොට්ඨාශ බුද්ධි අංශය හා කොට්ඨාශ අපරාධ විමර්ශන කාර්යාංශයෙ බුද්ධි එකකක ලබා දුන් තොරතුරු මත මෙම සැකකරුවන් අත් අඩංගුවට ගැනිමට කටයුතු කර තිබුනී.

අදාල වෙඩි තැබිමට සම්බන්ධව සැකකරුවන් සමග බෝර 12 ගිනි අවිය.ජීව පතොරම් තුනක් හා හිස් කොපු හතරක් මෙලෙස අත් අඩංගුවට ගැනිමට කටයුතු කර තිබු බව කියයි.

මෙම වෙඩි තැබිමට හේතුවි ඇත්තේ ඉඩම් සම්බන්ධ ආරවුලක් බවත් එම ආරවුල ඇති කර ඇත්තේ මෙලෙස අත් අඩංගුවට ගත් සැකකරුවන්ට අදාල වෙඩි තැබිමට උපදෙස් දුන් ප්‍රධාන සැකකරු බවද විමර්ශන වලදී හෙළිව තිබේ .

ප්‍රධාන සැකකරු මේ වන විට අපරාධ පරික්ෂණ දෙපාර්තුමේන්තුව මගින් අත් අඩංගුවට ගෙන ඇති අතර  එලෙස අත් අඩංගුවට ගැනිමට හේතු වී ඇත්තේ වෙඩි තැබිමට හේතුවු ඉඩම් ආරවුල සහිත ඉඩමට ව්‍යාජ ඔප්පු සකසා දෙදෙනෙකුට අලේවි කිරීමේ චෝදනාවට බව කියයි.

ප්‍රධාන සැකකරු විසින් සැකසු ව්‍යාජ ඔප්පුවක් සකසා ඔහුගේ බිරිද හරහා ජා ඇල ප්‍රදේශයෙ අයකුට මුලින් මෙම ඉඩම අලේවි කර ඇති බවත් පසුව තවත් ඔප්පුවක් සකසා වෙනත් අයකුට එකම ඉඩම අලේවි කර ඇති බවද කියයි.

ව්‍යාජ ඔප්පු සකසා අලේවි කල ඉඩම මිලදි ගත් එක් අයකු එය සංවර්ධනය කිරීමට සුදානම් වද්දි එම ඉඩමම මිලදි ගැනිම කල අනෙක් තැනැත්තාද ඉඩමට පැමින ඇති බව කියයි.

එහිදි ඉඩමේ හිමිකරුවන් තමන් බව දෙදෙනාම පවසමින් ගැටුම් කාරි තත්වයක් මතුව  තිබියදි ව්‍යාජ ඔප්පු සැකසු ප්‍රධාන සැකකරු ගිනි අවියක් රැගෙන විත් වෙඩි තබමින් අදාල පිරිසට තර්ජනය කර ඇති බව මුන්දලම පොලිසියට පැමිනිලි ලැබ තිබුනී.

කෙසේ වෙතත් මුන්දලම පොලිසිය පලමුව කල විමර්ශන වලදි ප්‍රධාන සැකකරු අත් අඩංගුවට ගෙන මුදා හැර ඇති අතර පසුව මේ සම්බන්ධව විමර්ශන සදහා පුත්තලම කොට්ඨාශ අපරාධ කාර්යාංශයට භාර දීමට කටයුතු කර තිබුනී.

ඒ අනුව මෙම සිද්දියෙ සුළ මුල අනාවර්ණය කර ගැනිමට කටයුතු කර තිබු අතර වෙඩි තැබිමට සම්බන්ධ වු අනෙක් සැකකරුවන් දෙදෙනා ගිනි අවියද සමග අත් අඩංගුවට ගැනිමට සමත්ව තිබුනී.

අත් අඩංගුවට ගැනුන සැකකරුවන් පුත්තලම අධිකරණයට ඉදිරිපත් කිරීමට නියමිතව තිබුනී.

පුත්තලම ජ්‍යෙෂ්ඨ පොලිස් අධිකාරි මහේෂ් බංඩාර මහතාගේ උපදෙස් කොට්ඨාශ අපරාධ විමර්ශන කාර්යාංශයෙ ස්ථානාධිපති ප්‍රධාන පොලිස් පරික්ෂක චන්ද්‍රසිරි ලාල් මහතා සමග පොලිස් සැරයන් වන 67611 නිශාන්ත, පොලිස් කොස්තාපල්  83736 ජයසුන්දර,87153 සමිර, කොට්ඨාශ බුද්ධි ඒකකයෙ පොලිස් සැරයන් අජීත් දිසානායක,හා පොලිස් කොස්තාපල් 83037 තෙන්නකෝන් යන නිළධාරීන් වැටලිමට එක්ව තිබුනී.