මී මුරේ මාර්ගය සැහැල්ලු වාහන වලට ඇරෙයි

හදිසි නඩත්තු කටයුත්තක් හේතුවෙන් වසා දමා තිබුන මීමුරේ මාර්ගය නැවත විවෘත කළ බව මහනුවර දිස්ත්‍රික් ලේකම් ඉන්දික උඩවත්ත මහතා කියයි.

එම මාර්ගයේ කයිකාවල පාලමේ ඇතිව තිබූ අවදානම් තත්ත්වයක් හේතුවෙන් එය නැවත අලුත් වැඩියා කරන තුරු මසකට ආසන්න කාලයක් මාර්ගය වසා තැබීම හේතුවෙන් මීමුරේ ජනතාවට දැඩි ආර්ථික බලපෑමක් ද එල්ල විය.

කෙසේ නමුත් දැනට සැහැල්ලු වාහන වලට පමණක් මාර්ගය විවෘත කොට ඇතිි අතර පාලම මතින් බර වාහන ගමන් කිරීම සඳහා අවසර නොලැබෙන බවද බලධාරිහු කියති.