මින්පසු සහනාධාර නැහැ - විදුලි බිල වැඩි කරන්න ඕන
මින් ඉදිරියට සහනාධාර ලබාදිය නොහැකි ලෙසත් සේවා සැපයීම් නෙුවෙන් ගාස්තු අය කිරීමට සිදුවෙන බවත් වරාය හා නාවික හා සිවිල් ගුවන් සේවා අමාත්ය නිමල් සිරිපාල ද සිල්වා මහතා පැවැසීය.
කටුනායක බණ්ඩාරනායක ජාත්යන්තර ගුවන් තොටුපළ පැමිණීමේ පර්යන්තයේ දෙවන මහළ තුළ ඉලෙක්ට්රොනික තීරු බදු රහිත සාප්පු සංකීර්ණයක් විවෘත කිරීමේ අවස්ථාවට අද ඒක්වෙමින් අමාත්යවරයා මේ බව පැවැසීය.
ඉලෙක්ට්රොනික භාණ්ඩ අලෙවි සැල් 34 කින් සමන්විත මෙම සාප්පු සංකීර්ණය වර්ග මීටර් 1900 ක භූමි ප්රදේශයක් පුරා පැතිර පවතින අතර මෙම සදහා ගුවන් තොටුපළ සමාගම රුපියල් මිලියන 225 ක් ආයෝජනය කර තිබේ.
මෙම සාප්පු සංකීර්ණය විශේෂයෙන් විගමනික ගෘහ සේවිකාවන් ඉලක්ක කර ගෙන ස්ථාපිත කර තිබේ. මෙම සාප්පු සංකීර්ණයට පිවිසීම සදහා එක්ස්කැලේටර් තරප්පු මෙන්ම සාමාන්ය තරප්පු ද සකස් කර තිබේ.
මෙම නවතම සාප්පු සංකීර්ණයෙන් මාසිකව ඇමෙරිකානු ඩොලර් 55,000 ක මාසික විකුණුම් පිරිවැටුමක් අපේක්ෂා කෙරේ.
“මෙම ගුවන් තොටුපළේ ධාවන පථය අවුරුදු 22 ක් පැරණි එකක්. මම පත් වී මාස 03 ක් තුළ එය නවීකරණය කර ආකර්ෂණීය ගුවන් තොටුපළක් බවට පත් කිරීමට මට හැකි වුණා.
මීට පෙර පළමු මහළේ පැවති තීරු බදු රහිත සාප්පු සංකීර්ණය හරියට පෑලියගොඩ මාලු කඩේ වගේ. එම සාප්පු වල සේවකයින් තම වෙළෙඳ සැලෙන් භාණ්ඩ මිළදී ගන්න කියල කෑ ගහනවා. බලපෑම් කරනවා. ඒ පිළිබඳව මගේ හිතවතුන් මට දුරකථන මගින් දැනුම් දී තිබෙනවා. ඒ වැඩ තුට්ටුවකටවත් වටින්නෑ.
මෙම සාප්පු සංකීර්ණය තුළ එවැනි හැසිරීම් තිබුණහොත් දැඩි පියවර ගන්න යැයි ගුවන් තොටුපළ සභාපතිවරයාගෙන් අමාත්යවරයා ඉල්ලීමක් ද කළේය. මෙම සාප්පු තුළ නොයෙකුත් අක්රමිකතා සිදු වෙනවා. එසේ ඒවා වාර්තා වුවහොත් අප සමග ගිවිසුම අහෝසි කරල කඩේ වහන්න.
අපිට අභියෝගයක් තියෙනවා. ඒ කටුනායක ගුවන් තොටුපළ දෙවන පර්යන්ත ගොඩනැගිල්ල ඉදිකිරීම. මේ සදහා ජයිකා ආයතනය ණය ආධාරයක් සැපයුවා. නමුත් අපි රට බංකොලොත් බව ප්රකාශ කළ නිසා තවදුරටත් ණය දෙන්න බෑ කිව්වා. ඒ ගොල්ල කිව්වා අයි.එම්.එෆ්. එකෙන් ණය ගන්නන කියලා. ඔවුන්ගේ විශ්වාසය දිනා ගන්න. ඉන්පසුව ණය දෙන්නම් කිව්වා.
ණය ප්රතිව්යුහගත කිරීම ලේසි නැහැ. අපි ඔවුන්ගේ කොන්දේසි වලට යටත් වෙන්න ඕනෙ. නැතිනම් ණය දෙන්නෙ නැහැ. ජාත්යන්තර සහාය ලැබෙන්නෙත් නැහැ. ඔවුන් කියනවා සේවා සැපයීම සදහා වැය වන ගාස්තු සදහා අය කිරීම් කරන්න කියලා. මින්පසු සහනාධාර නැහැ.
විදුලි බිල වැඩි කරන්න ඕන. වැඩි නොකොලොත් ණය ප්රතිව්යුහගත කරන්නෙ නැහැ. අලුතෙන් ණය දෙන්නෙත් නැහැ.
මෙම සාප්පු සංකීර්ණයෙන් වැඩිපුර සේවයක් විගමනික ශ්රමිකයන් සදහා ඉටු කළ යුතුයි. ඔවුන් සූරාකෑමට ලක් නොකර සාධාරණව ව්යාපාර කටයුතු සිදු කරන ලෙසද ඉල්ලීමක් ද කළේය.”
popular news
-
Dayan Tuesday, 03 January 2023 02:10 PM
Before that you have to leave. For how many years you were in minister position. How old are you now? what have you done for the country other than living comfortably with public funds ruining the country.
Reply : 0 0
Demuni de Silva Tuesday, 03 January 2023 11:40 PM
Minister, simultaneously, curtail all privileges of the President, Ministers, Deputies and MPs, with immediate effect !
Reply : 0 0
LGPJ Wednesday, 04 January 2023 01:25 AM
Then couples of horns will be come forward for political donkeys. !!!!
Reply : 0 1
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
