මාධ්‍ය ආයතන තුනක් ට්‍රම්ප්ට එරෙහිව නඩු මගට

ධවල මන්දිරයට ඇතුළුවීම තහනම් කිරීමට ඇමෙරිකානු ජනපති ඩොනල්ඩ් ට්‍රම්ප් පරිපාලනය ගත් ක්‍රියාමාර්ගයට එරෙහිව නඩු පවරන බව CNN, Politico සහ MS NOW යන ඇමරිකානු මාධ්‍ය ආයතන තුන  ප්‍රකාශ කර තිබේ.

තම කණ්ඩායම පිළිබඳව "ප්‍රබන්ධ හෝ බොරු" වාර්තා කරන බවට චෝදනා කරමින් ජනාධිපති ඩොනල්ඩ් ට්‍රම්ප්  විසින් සිකුරාදා දින මෙම තහනම පනවනු ලැබීය. සෙනසුරාදා දින තම වාර්තාකරුවන්ට එම ගොඩනැගිල්ලට ඇතුළුවීම ප්‍රතික්ෂේප වූ බව එම සමාගම් පැවසීය.

"මාධ්‍ය වාර්තා කළ යුත්තේ කුමක්ද යන්න රජය විසින් තීරණය නොකළ යුතුය" යන මූලධර්මය ආරක්ෂා කිරීම සඳහා  නීතිමය ක්‍රියාමාර්ග ගන්නා බව සඳහන් කරමින් එම ආයතන සඳුදා දින ඒකාබද්ධ ප්‍රකාශයක් නිකුත් කළේය.

එක්සත් ජාතීන්ගේ මහා මණ්ඩල සැසිවාරය සඳහා ට්‍රම්ප් නිව් යෝර්ක් බලා පිටත්ව යන අතරතුර, ප්‍රධාන පෙළේ ඇමරිකානු රූපවාහිනී ජාලයන් විසින් ධවල මන්දිරයේ සිට සිදුකෙරෙන ඔහුගේ ඒකාබද්ධ මාධ්‍ය ආවරණ කටයුතු පසුව අත්හිටුවන ලදී.

මෙම නඩුව පිළිබඳ පුවතට ප්‍රතිචාර දක්වමින් ට්‍රම්ප් එම මාධ්‍ය ආයතන හැඳින්වූයේ "තුන්වන පෙළ විකටයන්" සහ තම ජයග්‍රහණ "සුළු කොට තකන හා අවතක්සේරු කරන" "වංචනික හා දූෂිත මාධ්‍ය" ලෙසිනි.

"සෘණාත්මක දේ පමණක් ලියන, සහ හඳුනා නොගත් 'මූලාශ්‍ර' යොදාගනිමින් අසත්‍ය හා අපහාසාත්මක කතා ලිවීමෙන්  අපගේ ජාතික ආරක්ෂාවට හානි කරන 'ව්‍යාජ පුවත්' (Fake News) නිර්මාණය කරන්නන්ට සහ ප්‍රකාශනවලට, ලොව ඇති වැදගත්ම කාර්යාලයට ඇතුළුවීමට ඉඩ නොදිය යුතුය," යනුවෙන් ට්‍රම්ප් සිය Truth Social වේදිකාවේ සටහන් කළේය.

තම කණ්ඩායම "කිසිදු සැකයකින් තොරව" අභියාචනයක් ගොනු කරනු ඇති බව ද ඔහු වැඩිදුරටත් සඳහන් කළේය.