මහනුවර මී ගසක අතු කැපූ ව්‍යාපාරිකයාගෙන් රු. 20000ත් අයකර ගනියි

මහනුවර මහ නගර සභාව විසින් ක්‍රියාත්මක කොට ඇති නගරයේ ගස් සිටුවීමේ ව්‍යාපෘතිය යටතේ සිටුවන ලද වටිනා මී ගසක අතු කපා දමා ඊට හානියක් සිදුකළ ව්‍යාපාරිකයකුට ඒ හා සමාන ගස් දෙකක් සිටුවීම සඳහා රුපියල් 20,000ක මුදලක් අය කරගෙන තිබේ.

යටිනුවර වීදියත් කොළඹ වීදියත්අතර ඇති ව්‍යාපාරික ස්ථානයක දෙවන මහලේ විදේශිකයන් සඳහා පෙරහර නැරඹුම් ආසන අලවියක් අදාල ව්‍යාපාරිකයා විසින් පවත්වා ඇති අතර එම මීගස හේතුවෙන් පෙරහර නැරඹීමට බාධා පැමිණීම නිසා එම ගසට එසේ අලාභානී සිදුකොට ඇති බව නගර සභාවේ ඉහළ නිලධාරියකු පැවසීය.

මහනුවර නගරය හරිත නගරයක් කිරීමේ ව්‍යාපෘතිය යටතේ නගරයේ සෑම වීදියකම ගස් සිටුවීමේ ව්‍යාපෘතියක් ක්‍රියාත්මකව පවතී.