මධ්‍යමට තද වැසි

මධ්‍යම කදුකරයේ බටහිර බැවුම් ප්‍රදේශවලට (02) දින රාත්‍රියේ සිට තද වැසි ලැබෙමින් පවති.පවතින වර්ෂාවත් සමග ජන ජීවිතයට ගැටළු රැසක් මතු වී ඇති අතර, මධ්‍යම කදුකරය් රථාවාහන ගමනා ගමනයටද පවතින අයහපත් කාළගුණය හමුවේ බාධා පැමිණ ඇත.

පවතින අයහපත් කාලගුණයත් සමග හැටන් නුවරඑලිය සහ හැටන් කොළඹ ප්‍රධාන මාර්ගවල රථවාහන ධාවනය කිරිමේදි සැලකිලිමත්ව රිය ධාවනය කරන ලෙස හැටන් පොලිසිය රියදුරන්ගෙන් ඉල්ලා සිටියි.

මේ අතර, නුවරඑලිය ප්‍රදේශයට (02) දින රාත්‍රියේ සිට ඇදහැලෙන අධික වර්ෂාව හේතුවෙන් නුවරඑලිය මහ දිස්ත්‍රික් මහ රෝහලට පිවිසනෙ මාර්ගයේ මංසන්ධිය සහ නුවරඑලිය උඩුපුස්සැල්ලාව මාර්ගය (03) දින උදැසන ජලයෙන් යට වීම නිසා රථවාහන ගමනා ගමනයට බාධා පැමිණ තිබුණි.

එම් සුහේල්, රංජිත් රාජපක්ෂ, මනුර සෙල්ලහේවා