’මැණිකේ මගේ හිතේ’ මිලියන 100ක් බලයි

යොහානි ද සිල්වා ගායනා කරන මැණිකේ මගේ හිතේ ගීතය යූ ටියුබ් හරහා මිලියන 100ක (පස්වරු 6.30 වන විට මිලියන 100.4ක්) වාර ගණනක් නරඹා තිබේ.

ශ්‍රී ලංකාවේ ගීතයකට මේ ආකාරයෙන් විශාල ප්‍රතිචාරයක් හිමිවූ පළමු අවස්ථාව මෙය වෙයි.

මැණිකේ මගේ හිතේ ගීතය ඉන්දියාව තුළ ජනප්‍රිය වීම මෙවැනි ආකාරයේ නැරඹුම්වාර සංඛ්‍යාවක් හිමිවීමට හේතුව වෙයි.

එසේම ඇයගේ යූ ටියුබ් නාළිකාවට මිලියන 2.17ක ග්‍රාහකයන් ප්‍රමාණයක් එක්ව ඇති අතර එය ශ්‍රී ලංකාවේ ගායිකාවකට ඇති වැඩිම ග්‍රාහකයන් ප්‍රමාණය වෙයි.