බාලවයස්කාර දැරියක් අපයෝජනය කළැයි චෝදනා ලැබූවෙක් නිදහස්

2012 වසරේ මැයි මස 01 දින හෝ ඊට ආසන්න දිනයකදී,වයස අවුරුදු දහසයකට අඩු දැරියකට බලහත්කාරය පෑම හා එම දැරිය අපයෝජනයට ලක් කිරීම යන අපරාධ සම්බන්ධයෙන් චෝදනා ලැබුවෙකු,මොණරාගල මහාධිකරණ විනිසුරු චින්තක ශ්‍රීනාත් ගුණසේකර මහතා නිදොස්කොට නිදහස් කලේය.

මෙසේ නිදොස්කොට නිදහස් කරන ලද්දේ,ඒ.එම් ප්‍රියන්ත අමරසිංහ නැමති, එවකට දියතලාව ශ්‍රී ලංකා යුධහමුදා     පුහුණු කඳවුරේ සේවයකල යුධහමුදා සෙබලෙකි.

වයස අවුරුදු දහසයට අඩු දැරියකට බලහත්කාරය පා ඇය දුෂණය කිරිම, මෙම වග උත්තරකරුට එරෙහිව නගා තිබු චෝදනාවයි.

ප්‍රදේශයේ පාසැලක 11 ශ්‍රේණියේ ඉගෙනුම ලබමින් සිටි පැමිණිලිකාර දැරිය, තම මව පෞද්ගලික සමාගමක රැකියාවට ගොස් නැවත එනතෙක් මිත්තනියගේ නිවසේ සිටියදී,වගඋත්තකරු එම දැරියට බලහත්කාර පා ඇය දුෂණය කල බව වගඋත්තරකරුට එරෙහිව බුත්තල පොලිසිය විසින් මොණරාගල පළාත්බද මහාධිකරණයේ චෝදනා ගොනුකර තිබිණි.

වසර දොළහකට වැඩි කාලයක් විභාග වු මෙම නඩුවෙිදී, ලැබුණු දෙපාර්ශවයේම සාක්ෂි සැලකිල්ලට ගත් මහාධිකරන විනිසුරුවරයා,   පැමිණිල්ල විසින් වගඋත්තර කරුට එරෙහිව නගාතිබු චෝදනාවන්, සාධාරණ සැකයෙන් ඔබ්බට තහවුරු කිරිමට, පැමිනිල්ල අසමත්වීම හේතුවෙන්, වග උත්තරකරු නිදොස්කොට නිදහස් කිරිමට නියෝග කලේය.

මෙම නඩුවෙි පැමිණිල්ල වෙනුවෙන් රජයේ අධිනිතිඥ සචින්තනී ප්‍රනාන්දු මහත්මිය පෙනිසිටි අතර, විත්තිය වෙනුවෙන් නිතිඥ දිලුම් ජයසේකර මහතා පෙනී සිටියහ.  

මොණරාගල - නයනජීව බන්ඩාර