බලපිටියේ සිසුවියක් බෙහෙත් පෙති දෙකක් සිරවී මරුට

බලපිටිය ප්‍රදේශයේ පාසල් ශිෂ්‍යාවක් අද(10) උදේ බෙහෙත් පෙති දෙකක් (පැරසිටමෝල්) උගුරේ හිරවී මරු මුවට පත්වී ඇති බව අහුන්ගල්ල පොලීසිය කියයි.

මෙසේ ජීවිතක්ෂයට පත්ව ඇත්තේ බලපිටිය රේවත විද්‍යාලයේ  ඉගෙනුම ලබන වලිමුනි දිනුජි මොවිස්මා මෙන්ඩිස් (13)  නමැති ශිෂ්‍යාව බව ද පොලීසිය කියයි.

හදිසියේ ඇතිවූ රෝගී තත්ත්වයක් මත නිවසේ තිබූ බෙහෙත් පෙති දෙකක් දැරිය අරගෙන ඇති බවත් එය පාවිච්චි කිරීමෙන් පසු සිසුවිය මිය ගොස් ඇති බව ඥාතීන් පවසන බවත් පොලීසිය කියයි.

මිය ගිය දැරියගේ මරණ පරීක්ෂණය අද (10දා) බලපිටිය මූලික රෝහලේදී රෝහල් මරණ පරීක්ෂිකා කේ. වගාඅරච්චි මහත්මිය විසින් පැවැත්වීමට නියමිතව තිබිණ.

අහුන්ගල්ල පොලීසිය වැඩිදුර පරීක්ෂණ පවත්වයි.