බඹර ප්‍රහාරයකින් පාසල් සිසුන් 12 දෙනෙකු රෝහලට

මස්කෙළිය, ගාඩ්මෝර් තේ වතුයායේ, ෆෝග්මෝර් කොටසේ පාසල් ළමයින් පිරිසකට  අද (25) එල්ල වූ බඹර ප්‍රහාරයක් හේතුවෙන් සිසු සිසුවියන් 12 දෙනෙක් තුවාල ලබා මස්කෙළිය ප්‍රාදේශිය රෝහල වෙත ඇතලත් කරනු ලැබූහ.

තුවාල ලැබූවන්ගෙන් මස්කෙළිය රෝහලට ඇතුලත් කළ   එක් සිසුවියක් හා සිසුන් දෙදෙනෙක් අසාධ්‍ය තත්වයේ සිටි නිසා ඔවුන්  දික්ඔය මූලික රෝහල වෙත මාරු කර යැවූ බව මස්කෙළිය රෝහලේ වෛද්‍යවරු පැවසූහ.

පාසල නිම වී නිවෙස් කරා ගමන් කරමින් සිටියදී ගසක බැඳ තිබූ බඹර කූඩුවක් ඇවිස්සී මෙම පාසල් ළමයින්ට පහර දී ඇති බව මස්කෙළිය පොලීසිය පවසයි.

මස්කෙළිය ගාමිණී බණ්ඩාර ඉලංගන්තිලක