පොහොර ආනයන වියදම සියයට 200කින් වැඩිවෙලා

ලෝක වෙළදපොළේ  පොහොර මිල ඉහළයාමත් සමග  මෙරටට අප්‍රේල් මාසයේ දි පොහොර ආනයනය කිරිමේ වියදම ඇමරිකානු ඩොලර්මිලයන 39.7 දක්වා සියයට 213.6කින් වැඩිවි ඇති බැව්  ශ්‍රිලංකා මහබැංකුව පවසයි.

2025 වර්ෂයේ අප්‍රේල් මාසයේ දි පොහොර ආනයනය කිරිම සදහා වැයවි ඇත්තේ  ඇමරිකානු ඩොලර් මිලියන 12.7කි. එහෙත් මෙම වර්ෂයේ අප්‍රේල් මස පොහොර ආනයන වියදම  ඉකුත් වර්ෂයේ අප්‍රේල් මාසයට සාපේක්ෂව සියයට 213.6කින් වැඩිවි ඇත.

 මෙම වර්ෂයේ මුල්මාස හතර තුල පොහොර ආනයනය කිරිම සදහා   ඇමරිකානු ඩොලර් මිලියන 67.8ක මුදලක් වැයවි ඇති අතර  එය 2025 වර්ෂයේ මුල්මාස හතරට සාපේක්ෂව  සියයට 5.9ක වැඩිවිමකි.  වි වගාව සදහා ප්‍රමාණවත් පරිදි වෙළදපොළ තුල පොහොර නොමැති බවටත් පොහොර මිල වැඩිවි ඇති බවට ගොවින් චෝදනා කරති. කෘෂිකර්ම අමාත්‍යංශය  පවසන්නේ රට තුල පොහොර හිගයක් නොමැති බවත්  යුරියා පොහොර  මිටියක් රුපියල් 10200ක මුදලකට ගොවිජන සේවා මධ්‍යස්ථාන මගින් ගොවින්ට මිලදි ගැනිමට හැකි බවය.