පේරේ දන්ත වෛද්‍ය සිසුවෙක් හදිසියේ මරුට

පේරාදෙණිය විශ්ව විද්‍යාලයේ දන්ත වෛද්‍ය පීඨයේ දෙවැනි වසරේ සිසුවකු හදිසියේ ඇති වූ ඇති වූ රෝගී තත්වයක් හේතුවෙන් මියගිය බව පේරාදෙණිය රෝහල් ආරංචිමාර්ග සඳහන් කරයි .

එසේ මියගොස් ඇත්තේ මන්නාරම මුරුක්කන් ප්‍රදේශයේ පදිංචිකරුවකු වු 22 හැවිරිදි තීවිත් සාහිත්‍යන් නැමැති දන්ත පීඨයේ දෙවැනි වසරේ සිසුවෙකි .

පේරාදෙණිය විශ්වවිද්‍යාලය ආසන්නයේ පෞද්ගලික නේවාසිකාගාරයක තවත් සිසුන් පිරිසක් සමග නැවතී සිට ඇති මෙම සිසුවා අද (22) අළුයම 02.00ට පමණ එම සිසුවාට හුස්ම ගැනීමේ අපහසුතාවක් දැනීම හේතුවෙන් පේරාදෙණිය ශික්ෂණ රෝහලට ඇතුළත් කොට ඇති අතර රෝහලට ඇතුළත් කිරීමෙන් පසු පැයක් වැනි කාලයකදී සිසුවා මිය ගොස් තිබේ .

සිසුවාගේ මරණය සම්බන්ධයෙන් කිසිවක් ප්‍රකාශ කළ නොහැකි බව පවසන පේරාදෙණිය ශික්ෂණ රෝහල පශ්චාත් මරණ පරීක්ෂණය අද (22) සිදුකිරීමට නියමිතව තිබුණි .

පේරාදෙණිය පොලිසිය සිද්ධිය සම්බන්ධයෙන් විමර්ශනයක් ආරම්භ කොට තිබේ .