ප්‍රසම්පාදනයකින් තොරව රියදුරු බලපත්‍ර මුද්‍රණය තනි සමාගමකට දීමෙන් රු. කෝටි 13ක පාඩුවක්

මෝටර් රථ ප්‍රවාහන දෙපාර්තමේන්තුව විසින්  රියදුරු බලපත්‍ර මුද්‍රණය කිරිම සදහා  කිසිදු ප්‍රසම්පාදන ක්‍රියාවලියකින් තොරව  එක් පුද්ගලික සමාගමක් වෙත පමණක් පැවරිම හේතුවෙන් රජයට මාස දහයක් තුල රුපියල් දහතුන්කෝටි, හතලිස්පන්ලක්ෂ, හැටඅටදහස්, අටසිය පනස්පහක (134,568,855)  පාඩුවක් සිදුකොට ඇති බැව් ජාතික විගණන කාර්යාලය මගින් නිකුත්කොට ඇති  විගණන වාර්තාවක් මගින්  අනාවරණය වි ඇත.

2023 වර්ෂයේ  සැප්තැම්බර් 15 වැනිදින සිට 2024 වර්ෂයේ ජුලි මස  දක්වා කාලය තුල  මුද්‍රණය කරණු ලැබු රියදුරු කාඩ්පත් පන්ලක්ෂ,හත්දහස් අටසියහතක් (507,807)  සදහා එක් කාඩ්පතකට  රුපියල් 265ක මුදලක් වැඩිපුර ගෙවා ඇති බවද විගණන වාර්තාවේ සදහන් වේ. රියදුරු බලපත්‍ර මුද්‍රණය කිරිම සදහා  ශ්‍රිලංකා යුද්ධ හමුදාව විසින් 2022 වර්ෂයේ  කඩිපතක්  සදහා අයකොට  ඇත්තේ රුපියල් 311ක මුදලකි. එහෙත්  මෝටර් රථ ප්‍රවාහන දෙපාර්තමේන්තුව විසින්   එක් පුද්ගලික සමාගමකින් පමණක් මිල ගණන් කැදවා  එක් කාඩ්පතකට රුපියල් 576ක   මුදලක් ගෙවිමට සහ  මුද්‍රණ පිරිවැය ගෙවිමට  ගිවිසුම්ගත විම හේතුවෙන්  රජයට  කෝටි දහතුනකට අධික පාඩුවක්  සිදුකොට තිබුණි.

රජයට පාඩුවක් සිදුකළ පාර්ශවයන්ට එරෙහිව  ආයතන සංග්‍රහයේ විධිවිධාන සහ  සිවිල් නිති රෙගුලාසි අනුව  කටයුතු කළයුතු බවට විගණනය මගින් නිර්දේශකොට ඇත.

රටේ පැවති ආර්ථික අර්බුදය හා ආනයන සිමා හමුවේ  රියදුරු බලපත්‍ර විශාල ප්‍රමාණයක් මුද්‍රණය කිරිමට ගොඩගැසි තිබු බව මෝටර් රථ ප්‍රවාහන දෙපාර්තමේන්තුවේ ප්‍රධාන ගණන්දිමේ නිලධාරිවරයා මේ පිළිබද විගණනයට සදහන් කොට ඇත.  රියදුරු බලපත්‍ර කඩිනමින්  මහජනතාව වෙත නිකුත් කිරිම  රජයේ අවශ්‍යතාවය නිසා  අමාත්‍ය මණ්ඩල තිරණයකට අනුව රියදුරු බලපත්‍ර  කාඩ්පත් මුද්‍රණය  පුද්ගලික සමාගමකට ලබා දුන් බවද  ගණන්දිමේ නිලධාරිවරයා විගණනයට සදහන්කොට ඇත.