පාසල් යන පළමු දිනයේදීම ලොරියකට බිලිවූ දරුවා

2021 වසරේ 1 ශ්‍රේණිය නව පංති  ආරම්භ වූ අද (15දා) න සිය මව ,මිත්තනිය සමඟ පාසල් යමින් සිටි 6 හැවිරිදි පාසල් සිසුවෙකු හා මිත්තනිය ලොරියකට යටවීමෙන් සිදුවූ අනතුරකින් සිසුවා මිය ගොස් මිත්තනිය බරපතල තුවාල ලබා තිබේ.

මෙසේ මියගොස් ඇත්තේ බදුල්ල අසේලපුර පදිංචි  සිටි බදුල්ල සරස්වති කනිෂ්ඨ විදුහලේ මෙවර පළමු වසර ට ඇතුලත් වීමට පැමිණි වරුන් ප්‍රදීප් (6) නැමති නිවුන්  සිසුවෙකි.

මෙම සිගිති නිවුන් සිසුවා තම සොහෝදරයා වැඩිමහල් සහෝදරිය ,මව,මිත්තනිය සමඟ 1 ශ්‍රේණිය පාසල් ආරම්භ වූ ඊයේ (15) උදෑසන පාසල් යාමට බස්රථයේ පැමිණ බදුල්ල නගරයේ ඉන්ධන පිරවුම් හල අසලදී බසයෙන් බැස මිත්තනියගේ අතේ එල්ලී පාසලට යන   වීටදී ඉන්ධන පිරවුම් හලෙන් ඉන්ධන ලබා ගෙන පැමිණි ලොරියට සිසුවා සමඟ මිත්තනිය යට වී ඇතැයි පොලීසිය පැවසීය.

අනතුරට සම්බන්ධයෙන් රියදුරු සමඟ ලොරිය පොලිසිය අත්අඩංගුවට ගෙන තිබේ.

ඇල්ල ප්‍රසාද්