පසුගිය රජයේ වංචා සෙවූ කොමිෂමේ කාලය දිගුකිරිමට අවධානය

පසුගිය රජය සමයේ දූෂණ හා වංචා සෙවීමට හිටපු ජනපති මෛත්‍රීපාල සිරිසේන මහතා විසින් පත්කළ කොමිෂමේ කාලය දිගු කිරීමට වත්මන් ආණ්ඩුවේද අවධානය යොමුව තිබේ.

ඒ අනුව එම කොමිෂමේ කාලය දීර්ඝ කිරීමට ජනපති ගෝඨාභය රාජපක්ෂ කටයුතු කරනු ඇත.

එසේම පසුගිය රජයෙන් දේශපාලන පළිගැනීමට ලක්වූවන් ඉදිරිපත් කළ දුක් ගැනවිලි සොයා බැලීමට කමිටුවක් පත්කිරීමට රජයේ අවධානය යොමුව තිබේ.

ජනපති ගේඨාභය රාජපක්ෂ මහතාගේ මෙන්ම අග්‍රාමාත්‍ය මහින්ද රාජපක්ෂ මහතාගේ ප්‍රධානත්වයෙන් කොළඹ අරලිය ගහ මන්දිරයේ ඊයේ පැවැති ආණ්ඩු පක්ෂ රැස්වීමෙන් අනතුරුව මාධ්‍ය වෙත අදහස් දැක්වූ රාජ්‍ය අමාත්‍ය වාසුදේව නානායක්කාර මහතා මෙම කරුණු හෙළි කළේය.